ജിഎസ്ടി റിട്ടേണ്‍ ഫയൽ ചെയ്യാൻ വൈകിയവരിൽനിന്ന് പിഴയിടാക്കില്ല; ധനമന്ത്രി

ഡൽഹി: രാജ്യത്തെ ചെറുകിട നികുതി ദായകര്‍ക്ക്‌ ആശ്വാസമായി ജിഎസ്ടി കൗണ്‍സില്‍ തീരുമാനം. ഫെബ്രുവരി മുതൽ ഏപ്രിൽ വരെയുള്ള കാലയളവിൽ ജിഎസ്ടി റിട്ടേൺ ഫയൽ ചെയ്യാൻ വൈകിയവരിൽ നിന്ന് പിഴ ഈടാക്കില്ലെന്ന് ധനമന്ത്രി നിർമ്മല സീതാരാമൻ അറിയിച്ചു. വെള്ളിയാഴ്ച ചേർന്ന നാൽപതാമത് ജിഎസ്ടി കൗൺസിൽ യോഗത്തിന് ശേഷമാണ് ധനമന്ത്രി ഇക്കാര്യം അറിയിച്ചത്.

2017 മുതൽ 2020 വരെ ജിഎസ്ടി റിട്ടേണ്‍ ഫയൽ ചെയ്യുന്നതില്‍ വീഴ്ച വരുത്തിയിട്ടില്ലാത്തവര്‍ക്കാണ് ആനുകൂല്യം ലഭിക്കുക. സാധാരണയായി മെയ്, ജൂൺ, ജൂലൈ മാസങ്ങളിലാണ് ജിഎസ്ടി റിട്ടേണ്‍ ഫയൽ ചെയ്യേണ്ടത്. ഇത് സെപ്തംബറിലേക്ക് നീട്ടുകയും ചെയ്തിട്ടുണ്ട്. സെപ്തംബറിൽ റിട്ടേൺ ഫയൽ ചെയ്യുന്നവർ അധിക പലിയോ ഫീസോ അടയ്ക്കേണ്ടതില്ല.

Also Read: ജിയോ ഫൈബർ ഉപയോക്താക്കൾക്ക് ഒരു വർഷത്തെ ആമസോൺ പ്രൈം മെമ്പർഷിപ്പ് സൗജന്യം

നികുതി കുടിശ്ശിക ഉള്ളവരിൽ നിന്ന് ഒരു റിട്ടേണിന് 500 രൂപയിൽ കൂടുതൽ പിഴയിനത്തിൽ ഈടാക്കില്ല. ജൂലൈ ഒന്നിനും 30നുമിടയിൽ സമർപ്പിക്കുന്ന ജിഎസ്ടിആർ-3ബി റിട്ടേണുകൾക്കും ആനുകൂല്യം ബാധകമായിരിക്കുമെന്നും മന്ത്രി അറിയിച്ചു.