പുതിയ സാമ്പത്തിക വർഷം, ഒരു വിദേശ യാത്ര എങ്ങനെ പ്ലാൻ ചെയ്യാം

കോവിഡിന്റെ പരിണത ഫലങ്ങൾ കുറഞ്ഞു തുടങ്ങിയതോടെ, സഞ്ചാരികളുടെ എണ്ണത്തിലും വലിയ വർധനയുണ്ടായി. വരാനിരിക്കുന്ന അവധിക്കാലങ്ങൾക്കായി യാത്രകൾ പ്ലാൻ ചെയ്യുന്നവർ നിരവധിയാണ്. വിദേശ യാത്രകൾ‍ പ്ലാൻ ചെയ്യുമ്പോൾ ശ്രദ്ധിക്കാവുന്ന ചില കാര്യങ്ങളാണ് ഇവിടെ വിശദമാക്കുന്നത്.

വിദേശ പണമിടപാടുകൾക്ക് സ്രോതസ്സിൽ നിന്ന് പിടിക്കുന്ന നികുതിയുടെ പരിധി 5% ൽ നിന്ന് 20% ആയി കഴിഞ്ഞ ബജറ്റിൽ വർധിപ്പിച്ചു. ഇതിൽ താമസം, ഭക്ഷണം, വിമാന യാത്രാ ചിലവ് ഒഴികെയുള്ള മറ്റ് യാത്രാ ചിലവുകൾ എന്നിവ ഉൾപ്പെടും.

നേരത്തെ വിദേശയാത്രകൾക്ക, വാർഷികാടിസ്ഥാനത്തിൽ 7 ലക്ഷം രൂപയിൽ താഴെയുള്ള തുകയ്ക്ക് ഈ നിയന്ത്രണങ്ങൾ ബാധകമായിരുന്നില്ല. എന്നാൽ ഈ വർഷം ജൂലൈ മുതൽ ഈ പരിധി ഒഴിവാക്കുകയും, വിദേശത്തെ ചിലവുകൾക്ക് 20% ടിസിഎസ് ഏർപ്പെടുത്തുകയുമായിരുന്നു.


Also Read : പബ്ലിക് പ്രോവിഡന്റ് ഫണ്ടിൽ ധൈര്യത്തോടെ നിക്ഷേപം നടത്താം; 5 നേട്ടങ്ങൾ ഇവയാണ്
ടിസിഎസ് എന്നത് ഒരു അധിക നികുതിയല്ല. എന്നാൽ ചിലവുകൾ വർധിക്കുമ്പോൾ ടിസിഎസ് വർധിക്കുന്നു. അ‍ഡ്വാൻസ് ടാക്സ് ആവശ്യങ്ങൾക്കായി ടിസിഎസ് അഡ്ജസ്റ്റുമെന്റ്സ് സാധ്യമാണ്. ടിസിഎസ് കാരണം അധിക നികുതി പേയ്മെന്റ് നടത്തിയിട്ടുണ്ടെങ്കിൽ, റിട്ടേൺ ഫയൽ ചെയ്തതിനു ശേഷം ആ തുക റീഫണ്ട് ചെയ്തെടുക്കാൻ സാധിക്കും.

വിദേശ യാത്രകൾ പോകാൻ ആഗ്രഹിക്കുന്നവർ, മുൻകൂട്ടി ഒരു പദ്ധതി തയ്യാറാക്കേണ്ടതാണ്. കൂടാതെ ഒരു ബജറ്റും ഉണ്ടായിരിക്കണം. അവസാന മിനിറ്റുകളിൽ ബുക്കിങ് നടത്തുമ്പോൾ, അ‍ഡ്വാൻസ് ബുക്കിങ്ങിനേക്കാൾ ചിലവ് വർധിക്കുമെന്ന് ഓർത്തിരിക്കാം. ഇക്കാരണങ്ങളാൽ 5-6 മാസം മുമ്പ് തന്നെ വിദേശ യാത്ര പ്ലാൻ ചെയ്യേണ്ടത് ആവശ്യമാണ്.

വിദേശ യാത്രയ്ക്ക് എത്രത്തോളം തുക ചിലവാക്കണമെന്നത് മുൻകൂട്ടി തീരുമാനിക്കേണ്ടതാണ്. ഈ ചിലവുകളിൽ ലാഭിക്കാൻ സാധിക്കുന്ന തുകയുണ്ടോ എന്ന് വിശകലനം ചെയ്യുകയും, അവ നിക്ഷേപമാക്കി മാറ്റുകയും വേണം. അവധിക്കാലത്ത് ഒരോ മാസവും എത്രത്തോളം പണച്ചിലവുണ്ടാകുമെന്നും കണക്കു കൂട്ടൽ നടത്തേണ്ടതാണ്.

ട്രാവൽ ഇൻഷുറൻസ് പരിരക്ഷ നേടുക എന്നതും പ്രധാനമാണ്. യാത്ര ചെയ്യുന്നതിനു മാത്രമായി ഒരു ട്രാവൽ ഫണ്ട് രൂപീകരിക്കുകയും, ചിലവുകൾ ആ ഫണ്ടിൽ നിന്ന് മാത്രം കണ്ടെത്താൻ ശ്രമിക്കുകയും ചെയ്യുക..

Read Latest Business News and Malayalam News