പണത്തിന് ആവശ്യം വന്നാൽ പണയപ്പെടുത്തിയോ വിറ്റോ ഏതുസമയത്തും പണ ലഭ്യത ഉറപ്പാക്കാൻ ആകും. അതുകൊണ്ടു തന്നെ മിക്കവരുടെയും ഇഷ്ട നിക്ഷേപം മാര്‍ഗം കൂടെയാണ് സ്വ‍ര്‍ണം. സ്വര്‍ണാഭയരണങ്ങളായും ഗോൾഡ് കോയിനുകൾ ആയും ഒക്കെ ഇന്ത്യൻ കുടുംബങ്ങളിലും സ്ഥാപനങ്ങളിലും ടൺ കണക്കിന് സ്വ‍ര്‍ണമാണുള്ളത്.
സ്വര്ണ വില ഉയരുന്നത് എന്തുകൊണ്ട്?
അനിശ്ചിതത്വങ്ങൾക്കിടയിലും സുരക്ഷിത നിക്ഷേപം എന്ന നിലയിൽ സ്വര്‍ണത്തെ ആശ്രയിക്കുന്നവ‍ര്‍ കൂടുന്നതാണ് സ്വര്ണ വില ഉയരാൻ കാരണം. കൊറോണ പ്രതിസന്ധി സൃഷ്ടിച്ച അനിശ്ചിതത്വവും ആഗോള സാമ്പത്തിക മാന്ദ്യത്തിൻെറ സൂചനകളും എല്ലാം സ്വര്ണത്തിൻെറ ഡിമാൻഡ് ഉയ‍ര്‍ത്തുന്നുണ്ട്. വരും നാളുകളിൽ രാജ്യാന്തര വിപണിയിൽ സ്വര്ണ വില ഉയരുമെന്നു തന്നെയാണ് ഈ രംഗത്തുള്ള വിദഗ്ദരുടെ പ്രവചനം. ഒക്ടോബര്‍ 2012-നു ശേഷമുള്ള ഉയര്‍ന്ന വളര്‍ച്ചയാണ് സ്വര്‍ണത്തിന് ഇപ്പോൾ ഉള്ളത്. രണ്ടു വ‍ര്‍ഷങ്ങൾക്ക് മുമ്പ് ഏഴു വര്‍ഷത്തിനിടയിലെ ഏറ്റവും ഉയര്‍ന്ന നിരക്കിലായിരുന്നു സ്വര്ണ വില.
തവണകളായി പണം നൽകി സ്വ‍ര്‍ണം വാങ്ങാം
പ്രമുഖ ജ്വല്ലറികൾ ഈസി ബൈ പ്ലാൻ തുടങ്ങിയ പേരിൽ നിശ്തിത തവണകളായി പണം നൽകി സ്വ‍ര്‍ണം വാങ്ങാൻ കഴിയുന്ന പദ്ധതികൾ അവതരിപ്പിച്ചിട്ടുണ്ട്. ഉദാഹരണത്തിന് ജോസ് ആലുക്കാസിൻെറ പദ്ധതി 12 തുല്യ പ്രതിമാസ തവണകളായി പണം അടയ്ക്കാൻ ഉപഭോക്താക്കൾക്ക് അവസരം നൽകന്നു. നിർദ്ദിഷ്ട കാലാവധി പൂർത്തിയാക്കിയ ശേഷം, വരിക്കാർക്ക് ഒരു മാസത്തെ ഗഡു സൗജന്യമായി ലഭിക്കും . നിലവിലെ കോവിഡ് 19 പ്രതിസന്ധിയിൽ, ഒരു സ്റ്റോറുകളും സന്ദർശിക്കാതെ ഓൺലൈനായി പണമടയ്ക്കാനാകും എന്ന സവിശേഷതയുണ്ട്.
ഡിജിറ്റൽ രൂപത്തിൽ സ്വ‍ര്‍ണം വാങ്ങാം
നിക്ഷേപം എന്ന രീതിയിൽ സ്വ‍ര്‍ണാഭരണങ്ങളിലും ഗോൾഡ് കോയിനുകളിലും ഒന്നും മുതൽ മുടക്കാൻ താൽപ്പര്യം ഇല്ലാത്തവ‍ര്‍ക്ക് ഡിജിറ്റൽ രൂപത്തിലുള്ള സ്വര്ണ നിക്ഷേപം നടത്താം. സ്വര്ണത്തിൻെറ വിവിധ യൂണിറ്റുകളായി വളരെ കുറഞ്ഞ തുകയക്കും ഇത്തരത്തിൽ നിക്ഷേപം നടത്താം. ഗോൾഡ് ഫണ്ടുകൾ, ഗോൾഡ് ഇടിഎഫുകൾ, എന്നീ മാര്‍ഗങ്ങളിൽ നിക്ഷേപിയ്ക്കാം( ബുള്ള്യനുകളിലോ, സ്വർണ ഉത്പാദക കമ്പനികളുടെയും മറ്റും ഓഹരികളിലോ നിക്ഷേപം നടത്തുന്നതും ആക‍ര്‍ഷകമാണ്. ഗോൾഡ് മ്യൂച്വൽ ഫണ്ടുകളിൽ നിക്ഷേപിയ്ക്കാൻ നിക്ഷേപകർക്ക് പ്രത്യേക ഡീമാറ്റ് അക്കൗണ്ട് ആവശ്യമില്ല.
മുൻകൂട്ടി തുക നിശ്ചയിക്കാം
ആഭരണങ്ങൾ ആയും കോയിനുകൾ ആയും ഒക്കെ സ്വർണം വാങ്ങാൻ ആഗ്രഹിയ്ക്കുന്നവർക്ക് മുൻകൂട്ടി നിശ്ചയിച്ച തുകയിൽ സ്വ‍ര്‍ണം വാങ്ങാനാകും. ഇതിനായി പ്രത്യേക ഗോൾഡ് പ്രൊട്ടക്ഷൻ പ്ലാനുമായി നിരവധി ജ്വല്ലറികൾ രംഗത്തുണ്ട്. ആറു മാസം വരെ സ്വർണ വിലയിൽ ഏറ്റക്കുറച്ചിലുകൾ ഇല്ലാതെ സംരക്ഷണം നൽകുന്ന പ്ലാൻ ആണിത്. സ്വർണ വിലയുടെ 10 ശതമാനംമോ 15 ശതമാനമോ ഒക്കെ മുൻകൂർ നൽകി സ്വർണം ബുക്ക് ചെയ്യാം. ഭാവിയിലെ വില വർധനയിൽ നിന്ന് സംരക്ഷണം നൽകാൻ ഇത്തരം സ്കീമുകൾ സഹായകരമാകും.