ടോൾ ഡിസ്കൗണ്ട്
ദേശീയപാത നിരക്ക് ചട്ടങ്ങൾപ്രകാരം തിങ്കളാഴ്ചയാണ് വിജ്ഞാപനം പുറത്തിറക്കിയത്. രാജ്യത്ത് ഡിജിറ്റൽ പേയ്മെന്റ് സംവിധാനം കൂടുതൽ പ്രോത്സാഹിപ്പിക്കുക എന്ന ലക്ഷ്യത്തോടെയാണ് നടപടി. സാധുതയുള്ളതും പ്രവർത്തനപരവുമായ ഫാസ്റ്റ് ടാഗ് വാഹനങ്ങളിൽ സ്ഥാപിക്കുന്നതോടെ നിങ്ങൾക്ക് ഓട്ടോമാറ്റിക്കായി കിഴിവ് നേടാൻ കഴിയും. അതായത് 24 മണിക്കൂറിനുള്ളിൽ മടക്കയാത്ര നടത്തുന്നവർക്ക് കിഴിവ് ലഭിക്കാൻ പാസിന്റെ ആവശ്യമില്ല.
എന്താണ് ഫാസ്റ്റ് ടാഗ് ?
ഏകീകൃത പ്രീപെയ്ഡ് ശൈലിയില്‍ ടോള്‍ ബൂത്തുകളില്‍ പണമടയ്ക്കാതെ കടന്നുപോകുന്നതിനുള്ള സംവിധാനമാണ് ഫാസ്റ്റ് ടാഗ്. റേഡിയോ ഫ്രീക്വൻസി ഐഡന്റിഫിക്കേഷന്‍ (ആര്‍എഫ്‌ഐഡി) സാങ്കേതികവിദ്യയുടെ സഹായത്തോടെയാണ് ഉപകരണം പ്രവർത്തിക്കുന്നത്. വാഹനങ്ങളുടെ വിന്‍ഡ് സ്‌ക്രീനില്‍ ഇലക്ട്രോണിക് ചിപ്പ് അടങ്ങിയ ടാഗ് മുന്‍കൂട്ടി പതിപ്പിക്കണം. ഈ ചിപ്പ് സ്കാൻ ചെയ്യുന്നതോടെ ഫാസ്റ്റ് ടാഗുമായി ബന്ധിപ്പിച്ച അക്കൗണ്ടിൽനിന്ന് ഉപഭോക്താവിന് നേരിട്ട് ടോൾ പേയ്‌മെന്റുകൾ നടത്താനാകും.
Also Read: സാറ്റലൈറ്റ് ഡാറ്റ വഴി കര്‍ഷകരുടെ വായ്പാ യോഗ്യത അറിയാം; പദ്ധതിയുമായി ഐസിഐസിഐ ബാങ്ക്
വാഹനം ചലിച്ചുക്കൊണ്ടിരിക്കെ തന്നെ പേയ്മെന്റ് നടത്താനാകും. അതുകൊണ്ട് ടോൾ പ്ലാസയിൽ ഉപഭോക്താവിന് വാഹനം നിർത്തേണ്ടതില്ലാത്തതിനാൽ ഇന്ധനവും സമയവും ലാഭിക്കാം. ഇതുകൂടാതെ തികച്ചും കടലാസ് രഹിത പേയ്‌മെന്റും ഫാസ്റ്റ് ടാഗിലൂടെ സാധ്യമാകുന്നു. രാജ്യത്തെ എല്ലാം ടോള്‍പ്ലാസകളിലും ടോള്‍ പിരിവിന് ഉപയോഗിക്കാവുന്ന ഏകീകൃത സംവിധാനം കൂടിയാണ് ഫാസ്റ്റ് ടാഗ്.
ഫാസ്റ്റ് ടാഗ് എവിടെനിന്ന് ലഭിക്കും?
രാജ്യത്തെ മുന്‍നിര ബാങ്കുകളില്‍നിന്ന് ചെറിയ തുക നല്‍കി ഫാസ്റ്റ് ടാഗം വാങ്ങിക്കാനാകും. ഇതിന്റെ ഭാഗമായി അഞ്ചുവര്‍ഷം കാലാവധിയുള്ള ഫാസ്റ്റ് ടാഗ് അക്കൗണ്ട് ലഭിക്കും.100 രൂപ മുതല്‍ ഒരു ലക്ഷം വരെ ഈ അക്കൗണ്ടില്‍ നിക്ഷേപിക്കാം. ഓണ്‍ലൈന്‍ ബാങ്കിംഗ് വഴിയും ഡെബിറ്റ്, ക്രെഡിറ്റ് കാര്‍ഡുകള്‍ വഴിയും അക്കൗണ്ടിലേക്ക് പണമടയ്ക്കാം.