ഇനി ബിൾഡർ പറ്റിച്ചു എന്ന പരാതി വേണ്ട. എസ്ബിഐ ആർബിബിജി പദ്ധതിയേക്കുറിച്ച് അറിയാം

കൊച്ചി: സമ്പാദ്യത്തിൻറെ വലിയ പങ്കും ചെലവഴിച്ച് പ്രോപ്പർട്ടികളിൽ നിക്ഷേപം നടത്തുന്നവർക്ക് ഇനി ടെൻഷൻ വേണ്ട. എസ്ബിഐ ഉപഭോക്താക്കൾക്കായി പുതിയ പദ്ധതി അവതരിപ്പിച്ചത്. ഭവന വായ്പകൾ എടുക്കുന്ന ഉപഭോക്താക്കൾക്കായി റെസിഡൻഷ്യൽ ബിൽഡർ ഫിനാൻസ് വിത്ത് ബയർ ഗ്യാരണ്ടി എന്ന പദ്ധതിയാണ് അവതരിപ്പിച്ചിരിക്കുന്നത്

എസ്ബിഐ ‘ഭവന വായ്പകൾ എടുക്കുന്ന ഉപഭോക്താക്കൾക്ക് അവർ നിക്ഷേപിക്കുന്ന പദ്ധതി പൂർത്തീകരിക്കുമെന്ന് ഉറപ്പു നല്കുന്നതാണ് പദ്ധതി. ബാങ്ക് തന്നെ ധനസഹായം നല്കുന്ന പദ്ധതികൾക്കാണ് ഇങ്ങനെ ഉറപ്പുനല്കുന്നത്. പദ്ധതികൾ പൂർത്തീകരിക്കാതെ പോകുന്നതിനെതിരെ ഉപഭോക്താക്കൾക്ക് സാമ്പത്തികമായ പരിരക്ഷ നല്കുന്നതാണ് പദ്ധതി. രാജ്യത്തെ എഴു നഗരങ്ങളിലായി 2.50 കോടി രൂപ വരെ വില വരുന്ന വീടുകൾക്കായാണ് തുടക്കത്തിൽ ഈ പദ്ധതി നടപ്പാക്കുന്നത്. 50 കോടി മുതല്‍ 400 കോടി രൂപ വരെയുള്ള വായ്പകൾ പ്രയോജനപ്പെടുത്തുന്ന ബിൽഡർമാരുടെ പദ്ധതിയ്ക്കാണ് സഹായം ലഭിക്കുക.

Also Read: വാഹന വായ്പയ്ക്കായി ഐസിഐസിഐ ബാങ്കിൻറെ സ്മാർട്ട് ഇഎംഐ പദ്ധതി

സ്റ്റാർ റേറ്റിങ്ങും സിബിൽ ഉൾപ്പെടെയുള്ള മാനദണ്ഡങ്ങൾ ഇതിനായി പരിഗണിയ്ക്കും. എസ്ബിഎയുടെ ഭവന വായ്പ പ്രയോജനപ്പെടുത്തുന്നവർക്ക് പണം സുരക്ഷിതമാക്കാൻ സഹായിക്കുന്നതാണ് പദ്ധതി. റിയൽ എസ്റ്റേറ്റ് മേഖലയിലെ ഉണർവിനും പദ്ധതി സഹായകരമാകും. രാജ്യമെമ്പാടും പദ്ധതി വ്യാപിപ്പിയ്ക്കാനുള്ള തയ്യാറെടുപ്പിലാണ് എസ്ബിഐ.