ആധാർ കാർഡ് തട്ടിപ്പ് തടയാൻ എന്താണ് ചെയ്യേണ്ടത് ?

ഇന്ത്യയിലെ മുഴുവൻ പൗരൻമാർക്കും ആധാർ കാർഡ് നിർബന്ധമാണ്. ഒരു വ്യക്തിയുടെ എല്ലാ തന്ത്രപ്രധാനമായ വിവരങ്ങളും സൂക്ഷിക്കുന്ന രേഖയാണ് ആധാർ. അതുകൊണ്ട് തന്നെ അവ നഷ്ടപ്പെടാതെ സൂക്ഷിച്ചുവയ്ക്കേണ്ടത് ഓരോരുത്തരുടേയും ഉത്തരവാദിത്വമാണ്. ആധാർ കാർഡ് ഉപയോഗിച്ചുള്ള തട്ടിപ്പിന് ഇരയായ വാർത്തകൾ ഈ അടുത്തകാലത്തായി നമ്മൾ ഒരുപാട് കേട്ടിട്ടുണ്ട്. ഇത്തരം വഞ്ചനകളിൽ ഇരയാകാതിരിക്കാൻ കരുതിയിരിക്കണമെന്ന് യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (യുഐ‌ഡി‌എഐ) അടുത്തിടെ ട്വിറ്ററിലൂടെ മുന്നറിയിപ്പ് നൽകിയിരുന്നു.

എല്ലാ 12 അക്ക നമ്പറുകളും ആധാർ നമ്പർ അല്ലെന്നും ഐഡന്റിറ്റി തെളിവായി അംഗീകരിക്കുന്നതിന് മുമ്പ് ഔദ്യോഗിക യുഐ‌ഡി‌എഐ വെബ്‌സൈറ്റ് സന്ദർശിച്ച് നമ്പർ പരിശോധിച്ചുറപ്പിക്കണമെന്നും യുഐ‌ഡി‌എഐ ശുപാർശ ചെയ്തിട്ടുണ്ട്. ഇനി ആധാർ കാർഡ് തട്ടിപ്പിൽനിന്ന് എങ്ങനെ സുരക്ഷിതരായി ഇരിക്കാമെന്ന് നോക്കാം.

Also Read: ഈ സേവിങ്സ് അക്കൗണ്ടിൽനിന്നുള്ള പലിശയ്ക്ക് നികുതി അടയ്ക്കേണ്ട !!

1. പബ്ലിക് കമ്പ്യൂട്ടറുകളിൽ നിന്ന് ഡൗൺലോഡ് ചെയ്ത എല്ലാ ഇ-ആധാർ മെറ്റീരിയലുകളും ഡീലിറ്റ് ചെയ്തെന്ന് ഉറപ്പാക്കണം.
2. ഒരു സാഹചര്യത്തിലും ഒറ്റത്തവണ പാസ്‌വേഡ് (ഒടിപി) പങ്കിടരുത്.
3. ആധാർ കാർഡുമായി മറ്റുള്ളവരുടെ മൊബൈൽ നമ്പർ അറ്റാച്ച് ചെയ്യാനോ ലിങ്ക് ചെയ്യാനോ അനുവദിക്കരുത്.
4. മാസ്ക്ഡ് ആധാർ അല്ലെങ്കിൽ വെർച്വൽ ഐഡി (വിഐഡി) ഉപയോഗിക്കുക. വിഐഡിയിൽ നിന്ന് ആധാർ നമ്പർ എടുക്കാൻ കഴിയില്ല.
5. ബയോമെട്രിക്സ് ലോക്ക് ചെയ്യുക. യുഐ‌ഡി‌ഐ‌ഐ പോർട്ടൽ വഴിയും രജിസ്റ്റർ‌ ചെയ്‌ത മൊബൈൽ‌ നമ്പർ‌ ഉപയോഗിച്ചും ബയോമെട്രിക്സ് അൺ‌ലോക്ക് ചെയ്യാം.
6. ആധാർ പ്രാമാണീകരണ ചരിത്രം പതിവായി പരിശോധിക്കുക.