കെവൈസി രേഖകൾ നൽകാം
മരവിച്ച അക്കൗണ്ടുകൾ പ്രവര്ത്തിപ്പിയ്ക്കുന്നതിന് കെവൈസി രേഖകളും അപേക്ഷയ്ക്ക് ഒപ്പം സമര്പ്പിയ്ക്കണം. പാസ്പോര്ട്ട് സൈസ് ഫോട്ടോ, പാൻകാര്ഡ്, അഡ്രസ് പ്രൂഫ് തുടങ്ങിയവ നൽകാം. അക്കൗണ്ട് ആക്ടിവേറ്റ് ചെയ്യണം എങ്കിൽ അക്കൗണ്ട് ഉടമകൾ പണം ഇടപാടുകൾ നടത്തണം.ഇതിന് നിശ്ചിത തുക നിക്ഷേപിയ്ക്കാം.അക്കൗണ്ട് വീണ്ടും ആക്ടിവേറ്റ് ചെയ്യുന്നതിന് ബാങ്കുകൾ പ്രത്യേക ചാര്ജ് ഈടാക്കരുത് എന്നാണ് ആര്ബിഐ നിര്ദേശം.
സ്ഥിരനിക്ഷേപ അക്കൗണ്ടിലെപലിശ സേവിങ്സ് അക്കൗണ്ടിലേയ്ക്ക് കൃത്യമായി ഡെബിറ്റ് ചെയ്യുന്നുണ്ടെങ്കിൽ അക്കൗണ്ട് മരവിപ്പിച്ചിട്ടില്ല. എന്തെങ്കിലും കാരണവശാൽ അക്കൗണ്ടുകൾ ഉപയോഗിയ്ക്കാൻ സാധ്യത ഇല്ലെങ്കിൽ മരവിപ്പിയ്ക്കുന്നതിന് മുമ്പ് തന്നെ അക്കൗണ്ട് ക്ലോസ് ചെയ്യുന്നതാണ് കൂടുതൽ നല്ലത്.
അപേക്ഷ നൽകാം
അക്കൗണ്ട് പ്രവര്ത്തനക്ഷമം ആണോ എന്ന് ആദ്യം ഉറപ്പാക്കാം.ചില ബാങ്കുകളുടെ വെബ്സൈറ്റിലും പ്രവര്ത്തനക്ഷമമല്ലാത്ത അക്കൗണ്ട് വിവരങ്ങൾ പ്രദര്ശിപ്പിയ്ക്കാറുണ്ട്. ഇടപാടുകൾ നടക്കാത്തതുമൂലം നിങ്ങളുടെ അക്കൗണ്ട് മരവിപ്പിച്ചിട്ടുണ്ടെങ്കിൽ ഇതു ചൂണ്ടിക്കാട്ടി ബാങ്കിന് കത്തു നൽകാം.
അക്കൗണ്ട് പ്രവര്ത്തിപ്പിയ്ക്കുന്നതിന് ബാങ്ക് മാനേജര്ക്ക് അപേക്ഷ നൽകിയാൽ മതിയാകും. അക്കൗണ്ട് പ്രവര്ത്തിപ്പിയ്ക്കാൻ കഴിയാഞ്ഞതിൻെറ കാരണങ്ങൾ ചൂണ്ടിക്കാട്ടി അപേക്ഷിയ്ക്കാം. ജോയിൻറ് അക്കൗണ്ട് ആണെങ്കിൽ ജോയിൻറ് അക്കൗണ്ട് ഉടമകൾ എല്ലാവരും ആപ്ലിക്കേഷനിൽ ഒപ്പു വയ്ക്കണം.