കുറഞ്ഞ പലിശയിൽ 3 ലക്ഷം രൂപ വരെ കാർഷിക ലോൺ നേടാം

കൊച്ചി: കൊറോണ സാമ്പത്തിക പാക്കേജിൻെറ ഭാഗമായി പ്രഖ്യാപിച്ച ആത്മ നി‍ര്‍ഭര്‍ ഭാരത് പദ്ധതിയിൽ കർഷകർക്കായി ഒട്ടേറെ ഇളവുകൾ പ്രഖ്യാപിച്ചിരുന്നു, ഇതു പ്രകാരം കുറഞ്ഞ പലിശ നിരക്കിൽ ക‍ര്‍ഷകര്‍ക്ക് പ്രത്യേക ലോണുകൾ ലഭ്യമാണ്. ഉപാധികൾക്ക് വിധേയമായി ജാമ്യം, ഈട് എന്നിവ വേണ്ട എന്നതും പലിശ നിരക്ക് കുറവാണ് എന്നതുമാണ് കാ‍ര്‍ഷിക വായ്പകളുടെ പ്രധാന ആക‍ര്‍ഷണം. നാമമാത്ര ക‍ര്‍ഷകര്‍ക്കും ചെറുകിട കര്‍ഷകര്‍ക്കും ഒക്കെ ലോൺ ലഭ്യമാണ്. സ്വന്തം ഭൂമിയിലോ പാട്ട ഭൂമിയിലോ കൃഷിയുള്ള ആര്‍ക്കും ലോണിനായി അപേക്ഷിയ്ക്കാം.

രാജ്യത്തെ മൂന്ന ് കോടി കർഷകർക്കായി 4.22 ലക്ഷം കോടി രൂപയുടെ ലോൺ ആണ് അനുവദിച്ചിരിയ്ക്കുന്നത്. വായ്പയ്ക്ക് മോറട്ടോറിയം ലഭ്യമാണ് എന്നതും പ്രധാന ആകർഷണംാണ്.
വായ്പ തുക ഉപയോഗിച്ച് കൃഷി ചെയ്ത് വിളവെടുക്കുന്നത് വരെയുള്ള കാലാവധിയ്ക്കാണ് ലോൺ ലഭിയ്ക്കുക. ഒരു വ‍ര്‍ഷം മുതൽ ഒന്നര വ‍ര്‍ഷം വരെ കുറഞ്ഞ പലിശയിൽ ഇത്തരം ലോണുകൾ ലഭ്യമാകും. എല്ലാ ബാങ്കുകളിലും ലോണുകൾ ലഭ്യമാണ്.

Also Read: പ്രവാസികൾക്കായി പ്രത്യേക ഗോൾഡ് ലോണുമായി കെഎസ്എഫ്ഇ

മൂന്ന് ലക്ഷം രൂപ വരെയുള്ള ഹ്രസ്വകാല കാര്‍ഷിക വായ്പകൾക്ക് രണ്ട് ശതമാനം പലിശ സബ്സിഡി ലഭിയ്ക്കുമെന്ന വലിയ മെച്ചവുമുണ്ട്. കൃത്യമായി ലോൺ തിരിച്ചടയ്ക്കുന്നവ‍ര്‍ക്ക് മൂന്ന് ശതമാനം പലിശ കുറച്ച് നൽകും. ഒരു ലക്ഷം രൂപ വരെയുള്ള വായ്പകൾക്ക് പ്രത്യേക ഈട് നൽകേണ്ടതില്ല. നാമമാത്ര ക‍ര്‍ഷക‍ര്‍ക്ക് 1.60 ലക്ഷം രൂപ വരെ ഇത്തരത്തിൽ ജാമ്യമില്ലാതെ ലഭിയ്ക്കും.