ഒരു ബാങ്കിൽ നിന്ന് മറ്റൊരു ബാങ്കിലേക്ക് അക്കൗണ്ട് മാറാൻ എന്തൊക്കെ പൊല്ലാപ്പുകൾ ആയിരുന്നു? അക്കൗണ്ട് ഉള്ള ബാങ്കിൽ ചെന്ന് ഫോം പൂരിപ്പിച്ച് ഏത് ബാങ്കിൽ ആണോ അക്കൗണ്ട് തുറക്കുന്നത് ആ ബാങ്കിൽ നൽകി അക്കൗണ്ട് തുറക്കൽ ഇത്തിരി പണിയാണ്. എന്നാൽ ഇപ്പോൾ ഇതെല്ലാം ഓൺലൈനായി ചെയ്യാം. രാജ്യത്തെ ഏറ്റവും വലിയ പൊതുമേഖലാ ബാങ്കായ എസ്ബിഐ ഈ സേവനങ്ങൾ ഓൺലൈനായി ലഭ്യമാക്കുന്നുണ്ട്. ഐസിഐസിഐ ബാങ്ക് ഉപഭോക്താക്കൾക്കും ഓൺലൈനായി തന്നെ അക്കൗണ്ട് മാറാൻ അപേക്ഷ നൽകാം. മൊബൈൽ ബാങ്കിങ് അല്ലെങ്കിൽ നെറ്റ് ബാങ്കിങ് ഉപയോഗിച്ചാണ് ഐസിഐസിഐ ബാങ്ക് ഉപഭോക്താക്കൾക്ക് അക്കൗണ്ട് ഓൺലൈനായി മാറ്റാൻ ആവുക. ഹോം ബ്രാഞ്ച് മാറ്റണമെങ്കിൽ ബ്രാഞ്ച് സന്ദർശിക്കാതെ തന്നെ ഓൺലൈനായി ഇത് ചെയ്യാം.
ഐസിഐസിഐ നെറ്റ് ബാങ്കിങ് ഉപയോഗിച്ചും അക്കൗണ്ട് മാറാൻ അപേക്ഷ നൽകാം
- ഇതിനായി ഐസിസിഐ മൊബൈൽ ബാങ്കിങ് ആപ്പിൽ നിന്ന് സര്വീസസ് എന്നത് തെരഞ്ഞെടുക്കുക.
- അടുത്ത സ്ക്രീനിൽ അക്കൗണ്ട് സര്വീസസ് എന്നതിൽ നിന്ന് ട്രാൻസ്ഫര് യുവര് അക്കൗണ്ട്സ് തെരഞ്ഞെടുക്കുക.
- അക്കൗണ്ട് നമ്പര് തെരഞ്ഞെടുത്ത് യെസ് എന്ന് നൽകുക.
- പുതിയ ഐസിഐസിഐ ബാങ്ക് ബ്രാഞ്ച് തിരഞ്ഞെടുക്കുക.
- സംസ്ഥാനം തിരഞ്ഞെടുക്കുക, ഏതു നഗരത്തിലാണോ അക്കൗണ്ട് തുറക്കേണ്ടത് നഗരം നൽകി ബ്രാഞ്ച് തിരഞ്ഞെടുക്കുക.
- സബ്മിറ്റ് എന്നതിൽ ക്ലിക്ക് ചെയ്യുക.
ഐസിഐസിഐ നെറ്റ് ബാങ്കിങ് ഉപയോഗിച്ചും അക്കൗണ്ട് മാറാൻ അപേക്ഷ നൽകാം
- ഇതിന് കസ്റ്റമര് സര്വീസസ് എന്നതിൽ നിന്ന് സര്വീസ് റിക്വസ്റ്റ് തെരഞ്ഞെടുക്കുക
- 'ട്രാൻസ്ഫര് അക്കൗണ്ട് ടു യുവര് നിയറെസ്റ്റ് ബ്രാഞ്ച്' തെരഞ്ഞെടുക്കുക
- അക്കൗണ്ട് നമ്പര് തെരഞ്ഞെടുക്കുക
- പുതിയ ശാഖ, നഗരം എന്നിവ തെരഞ്ഞെടുത്ത് സബ്മിറ്റ് നൽകുക.
- അഞ്ച് പ്രവൃത്തി ദിവസത്തിനുള്ളിൽ അക്കൗണ്ട് ട്രാൻസ്ഫര് നടപടികൾ പൂര്ത്തിയാകും