എസ്ബിഐ ബാങ്ക് ബാലൻസ് അറിയാൻ പറ്റുന്നില്ലേ? ഒരു എസ്എംഎസ് മതി

കൊച്ചി: രാജ്യത്തെ ഏറ്റവും വലിയ പൊതുമേഖലാ ബാങ്കായ എസ്ബിഐയിൽ അക്കൗണ്ട് ഉണ്ടോ? അക്കൗണ്ട് ബാലൻസ് അറിയാൻ കഴിഞ്ഞില്ലെങ്കിൽ ഒറ്റ എസ്എംഎസ് മതി. എസ്എംഎസിലൂടെ എസ്ബിഐ അക്കൗണ്ടിലെ ബാലൻസ് അറിയാൻ മൊബൈൽ നമ്പര്‍ ബാങ്കിൽ രജിസ്റ്റര്‍ ചെയ്തിരിക്കണം. ടോൾ ഫ്രീ നമ്പറിലൂടെയും എസ്ബിഐ ആപ്പിലൂടെയും ബാലൻസ് അറിയാം.

എസ്എംഎസിലൂടെ ബാലൻസ് അറിയുന്നത് എങ്ങനെ?

REG എന്ന് ടൈപ്പ് ചെയ്തതിന് ശേഷം ശേഷം സ്പെയ്സ് നൽകി അക്കൗണ്ട് നമ്പര്‍ നൽകാം. 09223488888 എന്ന നമ്പറിലേക്ക് അയക്കാം. എസ്ബിഐയിൽ രജിസ്റ്റര്‍ ചെയ്തിരിയ്ക്കുന്ന മൊബൈൽ നമ്പരിലേക്ക് ഇതു സംബന്ധിച്ച എസ്എംഎസ് ലഭിയ്ക്കും. മിനി സ്റ്റേറ്റ്മൻറ് എടുക്കൽ, ചെക്ക് ബുക്കിന് അപേക്ഷ നൽകൽ, ഇ-സ്റ്റേറ്റ്മൻറ് എന്നിവയ്ക്ക് എല്ലാം എസ്എംഎസ് സൗകര്യം എസ്ബിഐ ഉപഭോക്താക്കൾക്ക് ഉപയോഗിയ്ക്കാം.

Also Read: 20 ലക്ഷം രൂപ വരെ ഗോൾഡ് ലോണുമായി എസ്ബിഐ

ടോൾഫ്രീ നമ്പറിലേയ്ക്ക് വിളിയ്ക്കാം

ഒരു കോളിലൂടെയും എസ്ബിഐ ഉപഭോക്താക്കൾക്ക് ബാലൻസ് അറിയാം. ഇതിന് ടോൾ ഫ്രീ നമ്പറായ 09223766666 എന്ന നമ്പറിലേക്ക് ഒരു കോൾ നൽകിയാൽ മതി.

എസ്ബിഐ ആപ്പ് ഡൗൺലോഡ് ചെയ്യാം

എസ്ബിഐ ആപ്പ് ഡൗൺലോഡ് ചെയ്യാം. യൂസര്‍ഐഡി ഉൾപ്പെടെയുള്ള വിവരങ്ങൾ നൽകി എളുപ്പത്തിൽ ബാലൻസ് പരിശോധിയ്ക്കാം