ഉയർന്ന ക്രെഡിറ്റ് പരിധിയും, ആകർഷകമായ റിവാർഡുകളുമുള്ള ക്രെഡിറ്റ് കാർഡുകൾ എങ്ങനെ സ്വന്തമാക്കാം?

ക്രെഡിറ്റ് കാർഡുകൾ ഇന്ന് ജനപ്രിയമായി മാറിക്കൊണ്ടിരിക്കുന്നു. സൗകര്യപ്രദമായ രീതിയിൽ പെയ്മെന്റുകൾ നടത്താൻ ഇവ ഉപഭോക്താക്കളെ സഹായിക്കുന്നു. ഉയർന്ന ക്രെഡിറ്റ് പരിധിയും, ആകർഷകമായ റിവാർഡ് പോയിന്റുകളും വാഗ്ദാനം ചെയ്യുന്ന ക്രെഡിറ്റ് കാർഡുകൾ ലഭിക്കാൻ എന്തൊക്കെ ചെയ്യാം എന്നാണ് ഇവിടെ വിശദമാക്കുന്നത്.

നിങ്ങൾക്ക് ഒരു ബാങ്കിൽ ആക്ടീവായ സാലറി അക്കൗണ്ട് ഉണ്ടെങ്കിൽ ആ ബാങ്കിനെത്തന്നെ ക്രെഡിറ്റ് കാർഡിനായി സമീപിക്കാവുന്നതാണ്. ബാങ്കിങ് ഹിസ്റ്ററി ഉള്ളതിനാൽ പ്രീ അപ്രൂവ്‍ഡ് ആയ ഒരു ക്രെ‍ഡിറ്റ് കാർഡ്, ലളിതമായ പേപ്പർ വർക്കുകളോടെ അനുവദിച്ചു കിട്ടാൻ എളുപ്പമാണ്.



നിങ്ങൾക്ക് സാലറി അക്കൗണ്ടുള്ള ബാങ്ക് നൽകുന്ന ക്രെഡിറ്റ് കാർഡിൽ താല്പര്യമില്ലെങ്കിൽ മറ്റ് ബാങ്കുകളുടെ കാർഡുകളും, ഓഫറുകളും പരിശോധിക്കാം. എന്നാൽ ശമ്പള വരുമാനമില്ലാത്ത വ്യക്തിയാണെങ്കിൽ ബാങ്ക് ഉയർന്ന റിസ്ക് എടുക്കുന്ന വായ്പക്കാരനായിട്ടായിരിക്കും അപേക്ഷകനെ പരിഗണിക്കുക. ഇത്തരം സാഹചര്യങ്ങളിൽ സ്ഥിരനിക്ഷേപം അടക്കമുള്ളവ ചില ബാങ്കുകൾ ഈടായി ആവശ്യപ്പെടാറുണ്ട്. പിന്നീട് ഈ തുകയുടെ 90% വരെ ക്രെഡിറ്റ് പരിധിയുള്ള കാർഡുകൾ അനുവദിക്കും.

ആഡ് ഓൺ കാർഡുകൾ പരിഗണിക്കുക. ഒരു കുടുംബാംഗത്തിന്റെ കാർഡ് ഉപയോഗിച്ച് ആഡ് ഓൺ കാർഡുകൾക്ക് അപേക്ഷ നൽകുക എന്നത് മറ്റൊരു മാർഗമാണ്. പ്രൈമറി ക്രെഡിറ്റ് കാർഡ് അക്കൗണ്ടിലേക്ക് ഈ കാർഡ് അറ്റാച്ച് ചെയ്തിരിക്കും. സ്പെൻഡിങ് ലിമിറ്റ് ഇത്തരത്തിൽ പങ്കു വെക്കപ്പെടും.

Also Read : ഭവന വായ്പ എടുക്കുന്നവർക്ക് ആശ്വാസം; പലിശ നിരക്കുകളിൽ മാറ്റം വരുത്താതെ റിസർവ് ബാങ്ക്
ഏത് തരം ക്രെഡിറ്റ് കാർഡുകൾക്ക് അപേക്ഷിക്കുന്നതിനു മുമ്പും നിങ്ങളുടെ യോഗ്യത പരിശോധിക്കേണ്ടതാണ്. തുടർന്ന് ഡോക്യുമെന്റ്സ് തയ്യാറാക്കി വെക്കുക. ഇക്കാലത്ത് ഡിജിറ്റൽ കെവൈസി നടപടിക്രമങ്ങൾ പൂർത്തിയായാൽ ക്രെഡിറ്റ് കാർഡ് വേഗത്തിൽ ലഭിക്കും.

ക്രെഡിറ്റ് കാർ‍ഡ് അപേക്ഷകളിൽ ബാങ്കുകൾ ക്രെഡിറ്റ് സ്കോറിന് പ്രാധാന്യം നൽകുന്നു. ഉയർന്ന ക്രെഡിറ്റ് സ്കോർ ആരോഗ്യകരമായ സാമ്പത്തിക ശീലത്തെയാണ് സൂചിപ്പിക്കുന്നത്. അതു പോലെ കുറഞ്ഞ ക്രെഡിറ്റ് സ്കോർ, സാമ്പത്തിക അച്ചടക്കമില്ലായ്മയെ സൂചിപ്പിക്കുന്നു. ഇക്കാരണത്താൽ ക്രെഡിറ്റ് കാർഡ് അപേക്ഷ നൽകുന്നതിനു മുമ്പ് ക്രെഡിറ്റ് സ്കോർ പരിശോധിക്കേണ്ടത് ആവശ്യമാണ്. ക്രെഡിറ്റ് കാർഡുകൾ സ്വന്തമാക്കിയതിനു ശേഷം, കൃത്യമായ തിരിച്ചടവുകൾ നടത്തി ക്രെഡിറ്റ് സ്കോർ വർധിപ്പിക്കാനും അവസരമുണ്ട്.

Read Latest Business News and Malayalam News