ഏറ്റവും ചുരുങ്ങിയ കാലം കൊണ്ട് മികച്ച റിട്ടേൺ തരുന്ന മ്യൂച്വൽ ഫണ്ടുകൾ ഏതാണ്?

കൊച്ചി : ഉയര്‍ന്ന നഷ്ട സാധ്യതയാണ് മ്യൂച്വൽ ഫണ്ട് നിക്ഷേപങ്ങളിൽ നിന്ന് നിക്ഷേപകരെ അകറ്റുന്നത്. ദീര്‍ഘകാലത്തേയ്ക്ക് നിക്ഷേപിയ്ക്കുന്നതാണ് നിക്ഷേപകര്‍ക്ക് കൂടുതൽ നേട്ടം നൽകുന്നത് എന്ന പൊതുവായ മ്യൂച്വൽ ഫണ്ട് തത്വവും സാധാരണ നിക്ഷേപകരെ അൽപ്പം ആശങ്കപ്പെടുത്താറുണ്ട്.
ഒന്നോ രണ്ടോ വര്‍ഷത്തേയ്ക്ക് നിക്ഷേപം നടത്തിയാൽ മുതൽ നഷ്ടപ്പെടുമോ എന്നത് ഉൾപ്പെടെയാണ് സംശയങ്ങൾ. എന്നാൽ ചുരുങ്ങിയ കാലയളവു കൊണ്ട് മികച്ച നേട്ടം കൈവരിയ്ക്കാൻ കഴിയുന്ന മ്യൂച്വൽ ഫണ്ടുകളും ഉണ്ട്.

ലിക്വിഡ് ഫണ്ടിൽ നിക്ഷേപിയ്ക്കാം

ചുരുങ്ങിയ നിക്ഷേപ കാലാവധിയാണ് ലക്ഷ്യം എങ്കിൽ ലിക്വിഡ് ഫണ്ടുകളിൽ നിക്ഷേപം നടത്താം. ഹ്രസ്വകാലത്തേയ്ക്ക് നിക്ഷേപം നടത്താൻ ആഗ്രഹിയ്ക്കുന്ന ആര്‍ക്കും നിക്ഷേപത്തിനായി ലിക്വിഡ് ഫണ്ടുകൾ തെരഞ്ഞെടുക്കാം. ഏതാനും ആഴ്ചകളോ, മാസങ്ങളോ ഒക്കെ ഇത്തരം ഫണ്ടുകളിൽ നിക്ഷേപം നടത്താം.

ട്രഷറി ബില്ലുകൾ, കൊമേഴ്സ്യൽ പേപ്പറുകൾ, ഡിപ്പോസിറ്റ് സര്‍ട്ടിഫിക്കറ്റുകൾ തുടങ്ങി ചുരുങ്ങിയ കാലാവധിയിലുള്ള ലിക്വിഡ് ആസ്തികളിലായിരിക്കും ഇത്തരം ഫണ്ടുകൾക്ക് കീഴിൽ നിക്ഷേപം നടത്തുന്നത്. ഒരു മാസം മുതൽ ഒരു വര്‍ഷം വരെയുള്ള നിക്ഷേപം ആണ് ലക്ഷ്യമെങ്കിൽ ലിക്വിഡ് ഫണ്ടുകളിൽ പണം മുടക്കാം. ഒരു മാസം പോലും ഇത്തരം നിക്ഷേപ മാര്‍ഗങ്ങളിൽ പണം മുടക്കാനാകും.
മണീ മാര്‍ക്കറ്റ് ഉപകരണങ്ങളിൽ പണം മുടക്കാം. ഇവയിൽ അധികവും മണീ മാര്‍ക്കറ്റ് ഉപകരണങ്ങളാണ്.

Also Read: പണത്തിന് അത്യാവശ്യം വന്നോ? സ്വര്‍ണം പണയം വയ്ക്കുന്നതാണോ വിൽക്കുന്നതാണോ ലാഭം ?

മണീ മാര്‍ക്കറ്റ് ഉപകരണങ്ങളിൽ നിക്ഷേപം

ചുരുങ്ങിയ കാലയളവിലേക്ക് പുറത്തിറക്കുന്ന കൊമേഴ്സ്യൽ പേപ്പറുകളും ട്രഷറി ബില്ലുകളും പോലുള്ള മണി മാര്‍ക്കറ്റ് ഉപകരണങ്ങളിൽ ഹ്രസ്വകാല നിക്ഷേപം ലക്ഷ്യമിടുന്നവര്‍ക്ക് നേരിട്ട് പണം നിക്ഷേപിയ്ക്കാം. ഒരു വര്‍ഷത്തിൽ താഴെ കാലാവധിയുള്ള കൊചുക്കൽ വാങ്ങലുകളാണിത്.

അൾട്രാ ഷോര്‍ട് ഫണ്ടും പരിഗണിയ്ക്കാം

ആറു മാസം മുതൽ ഒരു വര്‍ഷം വരെയാണ് നിക്ഷേപം നടത്താൻ ഉദ്ദേശിയ്ക്കുന്നതെങ്കിൽ അൾട്രാ ഷോര്‍ട് ഫണ്ടുകൾ സഹായകരമാകും. പ്രധാനമായും ഒരു വര്‍ഷത്തിൽ താഴെ കാലാവധിയുള്ള കടപ്പത്രങ്ങളിലാകും ഇത്തരം ഫണ്ടുകൾക്ക് കീഴിലെ നിക്ഷേപം. ഒന്നര വര്‍ഷം വരെ കാലാവധിയുള്ള ഫണ്ടുകളും ഉണ്ട്.