എയർടെൽ പേയ്‌മെന്റ് ബാങ്ക് അക്കൗണ്ട് തുറക്കാൻ
ആധാർ അധിഷ്ഠിത ഇ-കെ‌വൈ‌സി പ്രാമാണീകരണം വഴി മിനിറ്റുകൾക്കുള്ളിൽ സേവിംഗ്സ് അക്കൗണ്ട് തുറക്കാൻ എയർടെൽ പേയ്‌മെന്റ് ബാങ്ക് ഉപയോക്താക്കളെ അനുവദിക്കുന്നു. തികച്ചും കടലാസില്ലാത്ത പ്രക്രിയയാണിത്. നിയുക്ത എയർടെൽ റീട്ടെയിൽ ഔട്ട്‌ലെറ്റ് സന്ദർശിച്ച് എയർടെൽ പേയ്‌മെന്റ് ബാങ്ക് അക്കൗണ്ട് തുറക്കാൻ സാധിക്കും. രാജ്യത്തുടനീളമുള്ള 5 ലക്ഷത്തിലധികം ബാങ്കിംഗ് പോയിന്റുകളിൽ എയർടെൽ ബാങ്കിന്റെ സേവനങ്ങൾ ലഭ്യമാണ്.
മൊബൈൽ നമ്പർ, ആധാർ കാർഡ്, പാൻ കാർഡ് എന്നിവയാണ് ബാങ്ക് അക്കൗണ്ട് തുറക്കാനാവശ്യമായ കെവൈസികൾ. പാൻ കാർഡ് ലഭ്യമല്ലെങ്കിൽ ഫോം 60 മതി. എയർടെൽ പേയ്‌മെന്റ് ബാങ്ക് സേവിംഗ്സ് ബാങ്ക് അക്കൗണ്ട് തുറക്കുന്നതിനോ ആക്‌സസ് ചെയ്യുന്നതിനോ അടുത്തുള്ള ബാങ്കിംഗ് പോയിന്റ് സന്ദർശിക്കാം. മൈ എയർടെൽ ആപ്ലിക്കേഷൻ വഴിയും അക്കൗണ്ട് തുറക്കാനാകും.
എയർടെൽ ബാങ്ക് അക്കൗണ്ട് ആർക്കൊക്കെ?
Moody's ആധാർ കാർഡ്, പാൻ കാർഡ്, ഇന്റർനെറ്റ് കണക്റ്റിവിറ്റിയുള്ള സ്മാർട്ട്‌ഫോൺ എന്നിവ കയ്യിലുള്ള മുഴുവൻ എയർടെൽ ഉപയോക്താക്കൾക്കും എയർടെലിന്റെ പേയ്‌മെന്റ് ബാങ്കിൽ അക്കൗണ്ട് തുറക്കാൻ സാധിക്കും. ആധാർ അടിസ്ഥാനമാക്കിയുള്ള കടലാസ് രഹിത ഇകെവൈസി പ്രക്രിയയിലൂടെ മിനിറ്റുകൾക്കുള്ളിൽ ഉപയോക്താക്കൾക്ക് അക്കൗണ്ട് തുറക്കാനാകും എന്നതാണ് എയർടെൽ ബാങ്കിന്റെ സവിശേഷത.
Also Read: യുഎസിൽ ബെസ്റ്റ് സെല്ലറായി പ്രിയങ്ക ചോപ്രയുടെ പുസ്തകം, വരുമാനം കോടികൾ
2.5 ശതമാനമാണ് വാർഷിക പലിശ നിരക്ക്. 1 ലക്ഷം രൂപവരെയുള്ള സൗജന്യ വ്യക്തിഗത അപകട ഇൻഷുറൻസ് പരിരക്ഷ ബാങ്ക് വാഗ്ദാനം ചെയ്യുന്നുണ്ട്. മറ്റ് ബാങ്കുകളെപോലെ മിനിമം ബാലൻസിന്റെ ആവശ്യമില്ല. വെർച്വൽ ഡെബിറ്റ് കാർഡ് സേവനവും എയർടെൽ ബാങ്ക് ഉറപ്പാക്കുന്നു.
എയർടെൽ ബാങ്ക് അക്കൗണ്ട് എങ്ങനെ തുറക്കാം?
- സ്മാർട്ട്‌ഫോണിൽ എയർടെൽ താങ്ക്സ് ആപ്ലിക്കേഷൻ തുറക്കുക അല്ലെങ്കിൽ വെബ്‌സൈറ്റ് സന്ദർശിക്കുക.
- മൊബൈൽ നമ്പർ നൽകുക.
- പാൻ, വോട്ടർ ഐഡി, ഡ്രൈവിംഗ് ലൈസൻസ്, ആധാർ കാർഡ് ഇവയിൽ ഏതെങ്കിലുമൊരു തിരിച്ചറിയൽ രേഖ തിരഞ്ഞെടുക്കുക.
- പാൻ നമ്പർ, വോട്ടർ ഐഡി/ഡ്രൈവിംഗ് ലൈസൻസ് നമ്പർ നൽകുക.
- മൊബൈൽ നമ്പറിലേക്ക് അയച്ച് ഒടിപി നൽകി അത് പരിശോധിക്കുക.
- ഇത്രയും പ്രക്രിയ വിജയകരമായി പൂർത്തിയാക്കുന്നതോടെ എയർടെൽ വാലറ്റ് അക്കൗണ്ട് തുറക്കാനാകും.