അക്കൗണ്ട് വിവരങ്ങൾ വച്ച് പണം പിൻവലിക്കാം
മിരച്ചയാളുടെ ബാങ്ക് അക്കൗണ്ട് വിവരങ്ങൾ അറിയാമെങ്കിൽ കുടുംബാഗങ്ങൾക്ക് അവ ഉപയോഗിച്ച് പണം പിൻവലിക്കാനാകും. അദ്ദേഹത്തിന്റെ എടിഎം പിൻ നമ്പർ അറിയാമെങ്കിൽ അത് ഉപയോഗിച്ചും പണം പിൻവലിക്കാം. അക്കൗണ്ട് ഉടമ നിക്ഷേപങ്ങളിൽ നോമിനിയെ ചേർത്തിട്ടുണ്ടെങ്കിൽ, ആ നോമിനിക്ക് നേരിട്ട് ബാങ്കിൽ പോയി പണം പിൻവലിക്കാനാകും.
Also Read: സൗജന്യ ചെക്ക് ലീഫിന്റെ എണ്ണം കുറച്ചു, അധികം വേണമെങ്കിൽ പണം നൽകണം
ഇനി നോമിനി ഇല്ലെങ്കിൽ ബാങ്കിന് പണം നിയമപരമായ അവകാശിക്ക് നൽകാം. ഇതൊന്നും ഇല്ലാതെ ഒറ്റയ്ക്ക് പ്രവർത്തിക്കുന്ന അക്കൗണ്ടാണെങ്കിൽ മരണപ്പെട്ടയാൾ ബാങ്ക് അക്കൗണ്ടിലെ നിക്ഷേപം തനിക്ക് ഇഷ്ടദാനമായി നൽകിയിട്ടുണ്ടെന്ന് അവകാശികൾക്ക് ബാങ്കിനെ ബോധിപ്പിക്കാം.
അവകാശവാദം ഉന്നയിക്കാം
അവകാശികളുടെ വാദം ബാങ്കിന് ബോധ്യപ്പെട്ടാൽ സത്യവാങ്മൂലത്തിന്റെ അടിസ്ഥാനത്തിൽ സ്വത്തുക്കൾ നിയമപരമായ അവകാശികൾക്ക് കൈമാറാൻ ബാങ്ക് തയ്യാറായേക്കാം. ഈ സാഹചര്യത്തിൽ ക്ലെയിം ഉന്നയിക്കുന്ന എല്ലാ നിയമ അവകാശികളും സംയുക്തമായി ഒരാൾക്കായി പണം നൽകാമെന്ന് സമ്മതിക്കുന്ന രേഖകൾ ബാങ്കിന് സമർപ്പിക്കേണ്ടതുണ്ട്.
Also Read: വരുമാനമില്ല.. നികുതി നൽകാൻ പണവുമില്ല; ദയനീയസ്ഥിതി വെളിപ്പെടുത്തി കണങ്ക റണാവത്ത്
ജോയിന്റ് അക്കൗണ്ടിന്റെ കാര്യത്തിൽ ഒരാൾ മരിച്ചാൽ ജീവിച്ചിരിക്കുന്ന രണ്ടാമത്തെ അംഗമായിരിക്കും ആ നിക്ഷേപത്തിന്റെ ശേഷിക്കുന്ന ഉടമ. അതുകൊണ്ട് തന്നെ ആ നിക്ഷേപം മുഴുവനും രണ്ടാമത്തെയാൾക്ക് ലഭിക്കും. ഇവിടെ എടുത്ത് പറയേണ്ട കാര്യം, നോമിനി എന്നത് ഒരിക്കലും മരിച്ചയാളിന്റെ സ്വത്തിന്റെ അവകാശിയല്ല.
നിർബന്ധമായും ചെയ്യേണ്ടവ
നോമിനി ആസ്തികളുടെ ട്രസ്റ്റി മാത്രമാണ്. അതേസമയം പണം ലഭിക്കുന്നതിന് നിക്ഷേപകന്റെ മരണ സർട്ടിഫിക്കറ്റും നോമിനിയുടെ ഐഡിയും വിലാസ തെളിവും ഉൾപ്പടെ ബന്ധപ്പെട്ട എല്ലാ പ്രമാണങ്ങളും സൂക്ഷിക്കേണ്ടതുണ്ട്. മരണശേഷം പ്രിയപ്പെട്ടവരെ ബുദ്ധിമുട്ടിൽനിന്ന് കരകയറ്റാൻ ഓരോ വ്യക്തികളും നിക്ഷേപങ്ങളുടെ വിശദാംശങ്ങൾ കുടുംബാംഗങ്ങളുമായി പങ്കിടണമെന്നാണ് വിദഗ്ധരുടെ അഭിപ്രായം.
Also Read: ഡിജിറ്റൽ സേവനങ്ങൾക്ക് മുൻനിര ഐടി കമ്പനികളുമായി കൈകോര്ത്ത് ഫെഡറൽ ബാങ്ക്
വ്യക്തികൾ ബാങ്ക് അക്കൗണ്ട് തുറക്കുന്നതിനൊപ്പം തീർച്ചയായും നോമിനിയെ ചേർത്തിരിക്കണം. ഇത് കുടുംബാഗങ്ങൾ തമ്മിലുള്ള തർക്കവും അഭിപ്രായ വ്യത്യാസവും ശത്രുതയും ഒഴിവാക്കുന്നതിന് സഹായിക്കും.