കൊച്ചി: എന്തിനും ഏതിനും യൂസർ ഐഡിയും പാസ്‍വേഡും ഉപയോഗിക്കുന്നത് സാധാരണമായതോടെ മിക്ക പാസ്‍വേഡുകളും പലരും മറന്നു പോകുന്നവരുണ്ട്. പാസ്വേഡ് മറന്നു എന്നതുകൊണ്ട് ഇനി ഇൻറർനെറ്റ് ബാങ്കിംഗ് ഇടപാടുകൾ നടത്താതിരിക്കേണ്ട. രാജ്യത്തെ ഏറ്റവും വലിയ സ്വകാര്യ ബാങ്കുകളിലൊന്നായ ഐസിഐസിഐ ബാങ്ക്ഒടിപി (വൺ ടൈം പാസ്വേഡ്) അടിസ്ഥാനത്തിലുള്ള ലോഗ് ഇൻ സംവിധാനം നടപ്പാക്കി. ഇതനുസരിച്ച് ഇന്റർനെറ്റ് ബാങ്കിംഗ് ലോഗ് ഇൻ ചെയ്യാൻ , ബാങ്കിൽ രജിസ്റ്റർ ചെയ്തിരിക്കുന്ന മൊബൈൽ നമ്പരിലേക്കു ലഭിക്കുന്ന ഒടിപി, ഡെബിറ്റ് കാർഡിൻറെ പിൻ എന്നിവ മതിയാകും.
Also Read: എസ്ബിഐ ക്വിക്ക് ആപ്പ്; ഇനി ബാങ്കിങ് സേവനങ്ങൾ ഒരു വിരൽത്തുമ്പിൽ
പ്രയാസം കൂടാതെ ഇടപാടുകാർക്ക് ബാങ്കിംഗ് നടത്താൻ പുതിയ ഒടിപി സംവിധാനം സഹായകരമാകുമെന്ന് ഐസിഐസിഐ ബാങ്ക് അധികൃതർ വ്യക്തമാക്കി. ഐഡി, പാസ്വേഡ് എന്നിവ ഉപയോഗിച്ചു ലോഗ് ഇൻ ചെയ്യുന്നതുപോലെ തന്നെ സുരക്ഷിതമാണ് ഒടിപി ഉപയോഗിച്ചുള്ള ലോഗ് ഇൻ സംവിധാനവും. രണ്ടു ഘട്ടമായുള്ള ഓതെൻറിക്കേഷന് ശേഷമായിരിക്കും ഇൻറർനെറ്റ് ബാങ്കിങ് സേവനങ്ങൾ ലഭ്യമാകുക.