സേവിങ്സ് അക്കൗണ്ടായാകും കുട്ടി അക്കൗണ്ട് പ്രവര്ത്തിക്കുക. അതിനാല് തന്നെ കുട്ടികള്ക്കു ബാങ്കിന്റെ പ്രവര്ത്തനങ്ങള് മനസിലാക്കാനും ഇതു വഴിയൊരുക്കും. സൗജന്യം എസ്.എം.എസ്. അലേര്ട്ടുകള്, അധിക സേവന നിരക്കുകളില്ലാതെ ഡിമാന്ഡ് ഡ്രാഫ്റ്റ് (ഡി.ഡി), സൗജന്യ ആര്.ടി.ജി.സി.- എന്.ഇ.എഫ്.ടി- ഐ.എം.പി.എസ് സേവനങ്ങള് തുടങ്ങിയവയും പ്രത്യേകതകളാണ്.
പദ്ധതിയില് അറിയേണ്ട കാര്യങ്ങള്
12 മുതല് 16 വയസുവരെയുള്ള കുട്ടികള്ക്കാകും അക്കൗണ്ട് തുറക്കാനാകുക. ഒരു സേവിങ്സ് അക്കൗണ്ട് എന്നിതിലുപരി ഉന്നത വിദ്യാഭ്യാസം സ്വപ്നം കാണുന്ന കുട്ടികള്ക്കു കുറഞ്ഞ ചെലവില് വിദ്യാഭ്യാസ വായ്പകള് നേടിനല്കാനും പദ്ധതി വഴി രക്ഷിതാക്കള്ക്കു സാധിക്കും.
പദ്ധതിയിലെ അംഗങ്ങള്ക്കു വിദ്യാഭ്യാസ വായ്പകള്ക്കു മുന്ഗണന നല്കുമെന്നു ബാങ്ക് വ്യക്തമാക്കിയിട്ടുണ്ട്. സാധാരണ അക്കൗണ്ട് സേവനങ്ങള്ക്ക് ഈടാക്കുന്ന യാതൊരുവിധ നിരക്കും കുട്ടി അക്കൗണ്ടിന് ഉണ്ടായിരിക്കില്ല. സൗജന്യ എ.ടി.എം. കാര്ഡ്, മൊബൈല് ബാങ്കിങ് സേവനങ്ങളും ലഭിക്കും.
രക്ഷിതാക്കള് അറിയാന്
കുട്ടികള്ക്കുള്ള കേന്ദ്ര- സംസ്ഥാന സര്ക്കാരുകളുടെ വിവിധ സ്കോളര്ഷിപ്പുകള് ഭാവിയില് വിദ്യാനിധി അക്കൗണ്ടുകള് വഴിയാകും കൈമാറുകയെന്നാണു നിലവില് ലഭ്യമായ വിവരം. കുട്ടി അക്കൗണ്ട് തുടങ്ങുമ്പോള് അതിനൊപ്പം രക്ഷിതാവിന് (അമ്മയ്ക്ക് മുന്തൂക്കം) ഒരു പ്രിവിലേജ് അക്കൗണ്ട് ബാങ്ക് വാഗ്ദാനം ചെയ്യുന്നുണ്ട്.
ഈ അംഗങ്ങള്ക്ക് രണ്ടു ലക്ഷം രൂപയുടെ അപകട ഇന്ഷുറന്സും പദ്ധതി വാഗ്ദാനം ചെയ്യുന്നു. ആദ്യ വര്ഷം പ്രീമിയം അടയ്ക്കേണ്ടതില്ലെന്നതും സവിശേഷതയാണ്. രക്ഷിതാക്കള്ക്കു മറ്റു അക്കൗണ്ടുകള് നല്കുന്ന എല്ലാ സേവനങ്ങളും ഈ പ്രിവിലേജ് അക്കൗണ്ടും നല്കും. കൂടാതെ ഭാവിയില് കൂടുതല് സേവനങ്ങളും വാഗ്ദാനം ചെയ്യുന്നുണ്ട്.