വൈദ്യുതി ബിൽ പകുതി അടച്ചാൽ ബാക്കി രണ്ടു തവണകളായി നൽകാം; ഇളവുകളുമായി കെഎസ്ഇബി

കൊച്ചി: കൊവിഡ്-19നെ തുടർന്ന് പ്രഖ്യാപിച്ച ലോക് ഡൗണിനിടെ വൈദ്യുതി ബില്ലുകൾ ഒന്നിച്ചടയ്ക്കാൻ പ്രയാസമുള്ള ഗാർഹിക ഉപഭോക്താക്കൾക്ക് ഇളവുകളുമായി കെഎസ്ഇബി. ബിൽ തുക പകുതി അടച്ചാൽ ബാക്കി രണ്ടുതവണകളായി അടയ്ക്കാൻ ഉപഭോക്താക്കൾക്ക് കെഎസ്ഇബി സൗകര്യമൊരുക്കും.

കൊവിഡ് കാലത്ത് പ്രതിസന്ധിയിലായ വാണിജ്യ വ്യവസായ സ്ഥാപനങ്ങളുടേയും സ്വകാര്യ ആശുപത്രികളുടേയും മാർച്ച് മുതൽ മെയ് വരെയുള്ള ലോക് ഡൗൺ കാലയളവിലെ വൈദ്യുതി ബില്ലിലെ ഫിക്സഡ് ചാർജിൽ 25 ശതമാനം ഇളവ് നൽകും. ഫിക്സഡ് ചാർജിലെ ബാക്കി തുക 2020 ഡിസംബർ 15 വരെ പലിശയില്ലാതെ അടയ്ക്കാനുള്ള സാവകാശവും നല്‍കും.

Also Read: ആഫ്രിക്കൻ പന്നിപ്പനി; ഇന്ത്യയിൽനിന്നുള്ള പന്നിയിറച്ചി ഇറക്കുമതിക്ക് വിലക്കേർപ്പെടുത്തി ചൈന

ഗാര്‍ഹിക ഉപഭോക്താക്കള്‍ക്ക് ലോക് ഡൗണ്‍ കാലയളവില്‍ വലിയ ബില്ലുകള്‍ വരുന്നത് സംബന്ധിച്ച പരാതികൾ ഉയർന്നിരുന്നു. ഈ പരാതികൾ പരിശോധിച്ച് പരിഹാരം കണ്ടെത്താൻ വൈദ്യുതി ബോര്‍ഡിന് സർക്കാർ നിർദേശം നല്‍കിയിട്ടുണ്ട്.