1.75 ലക്ഷം വരെ നഷ്ട പരിഹാരം; കൂടുതൽ കാർഷിക വിളകൾക്ക് ഇൻഷുറൻസ്; കൂടുതലറിയാം

പ്രധാനമന്ത്രി ഫസൽ ബീമാ യോജനയുടെ കീഴിൽ കേന്ദ്ര - സംസ്ഥാന സർക്കാരുകൾ സംയുക്തമായി രൂപവത്കരിച്ച അഗ്രികൾച്ചർ ഇൻഷുറൻസ് കമ്പനി മുഖേനയാണ് കാലാവസ്ഥാധിഷ്ഠിത വിള ഇൻഷുറൻസ് പദ്ധതി നടപ്പാക്കുന്നത്. വർഷത്തിൽ മൂന്നു തവണ ഇതുണ്ടാകും. 2023-24 സീസണിലെ റാബി-2 ക‍ൃഷി വിളകൾക്കു വേണ്ടിയാണ് ഇപ്പോൾ അപേക്ഷ ക്ഷണിച്ചിരിക്കുന്നത്. ഇതിനുള്ള അവസാന തീയതി ഡിസംബർ 31നാണ്. മഴക്കുറവ്, അധികമഴ, ശക്തമായ കാറ്റ്, കൂടിയ ചൂട്, രോഗസാധ്യതയുള്ള കാലാവസ്ഥ എന്നിവ കൊണ്ടുണ്ടാകുന്ന ഉത്‌പാദനക്കുറവിന് നഷ്ടപരിഹാരം നൽകുന്നതാണ് വിള ഇൻഷുറൻസ് പദ്ധതി. അതേസമയം കാലാവസ്ഥാധിഷ്ഠിത വിള ഇൻഷുറൻസ് പദ്ധതിയിലൂടെ ലഭിക്കാവുന്ന ആനുകൂല്യങ്ങൾ എന്തെല്ലാമെന്നും ആർക്കൊക്കെ, എങ്ങനെ അപേക്ഷിക്കാമെന്നും തുടങ്ങിയ വിവരങ്ങളാണ് ചുവടെ ചേർക്കുന്നത്.


എല്ലാ ജില്ലകളിലേക്കുമായി വിജ്ഞാപനം ചെയ്തിട്ടുളള കാർഷിക വിളകൾ, ബ്രായ്ക്കറ്റിൽ ഇൻഷുറൻസ് തുക

• നെല്ല് - 80,000 രൂപ
• കവുങ്ങ്/ തെങ്ങ്/ ഇഞ്ചി/ റബ്ബർ - 1 ലക്ഷം
• വാഴ (1.75 ലക്ഷം)
• കശുമാവ്/ കൊക്കോ/ പൈനാപ്പിൾ/ മഞ്ഞൾ - 60,000 രൂപ
• മാവ് - 1.5 ലക്ഷം
• ജാതി - 55,000 രൂപ
• കുരുമുളക് - 50,000 രൂപ
• മരച്ചീനി - 1.25 ലക്ഷം
• കിഴങ്ങു വർഗങ്ങൾ (ചേമ്പ്/ ചേന/ കാച്ചിൽ/ ചെറുകിഴങ്ങ്/ മധുരക്കിഴങ്ങ്) - 40,000 രൂപ
• പച്ചക്കറി വിളകൾ ഗ്രൂപ്പ്-1 (പടവലം/ പാവയ്ക്ക/ വള്ളിപ്പയർ/ കുമ്പളങ്ങ/ മത്തൻ/ വെളളരി/ വെണ്ട/ മുളക്) - 40,000 രൂപ

ഈ എട്ട് അടവുകൾ പയറ്റി നോക്കാം; 2024ൽ പണക്കാരനായാലോ?
ജില്ലകൾ തിരിച്ച് വിജ്ഞാപനം ചെയ്തിട്ടുള്ള വിളകൾ

• വെറ്റില (ഇടക്കി ഒഴികെയുള്ള എല്ലാ ജില്ലകളും) - ഒരു ലക്ഷം
• ഏലം (ഇടുക്കി, കോട്ടയം, കോഴിക്കോട്, മലപ്പുറം, പാലക്കാട്, പത്തനംതിട്ട, വയനാട്) - 45,000
• ഗ്രാമ്പൂ (ആലപ്പുഴ ഒഴികെയുള്ള എല്ലാ ജില്ലകളും) - 55,000 രൂപ
• കാപ്പി (Arabica - ഇടുക്കി & വയനാട്) - 45,000 രൂപ
• കാപ്പി (Robusta - ഇടുക്കി & വയനാട്) - 33,000 രൂപ
• നിലക്കടല (കാസറഗോഡ് & പാലക്കാട്) - 40,000 രൂപ
• പയറുവർഗങ്ങൾ (ഉഴുന്ന്, വൻപയർ, ഗ്രീൻപീസ്, ചെറുപയർ, സോയാബീൻ - കോട്ടയവും തൃശൂരും ഒഴികെയുള്ള ജില്ലകൾ) - 40,000 രൂപ
• എള്ള് (ആലപ്പുഴ, എറണാകുളം, കൊല്ലം, മലപ്പുറം, പാലക്കാട്, പത്തനംതിട്ട, തൃശൂർ) - 40,000 രൂപ
• കരിമ്പ് ( ആലപ്പുഴ, എറണാകുളം, ഇടുക്കി, കോട്ടയം, പാലക്കാട്, പത്തനംതിട്ട) - 60,000 രൂപ
• തേയില (ഇടുക്കി, കൊല്ലം, കോട്ടയം, മലപ്പുറം, പാലക്കാട്, തിരുവനന്തപുരം, തൃശൂർ, വയനാട്) - 45,000 രൂപ
• പുകയില (കാസറഗോഡ്) - 40,000 രൂപ
• ചെറു ധാന്യങ്ങൾ (കൂവരക്, ചോളം, ചാമ, തിന - ഇടുക്കി & പാലക്കാട്) - 30,000 രൂപ
• ഉരുളക്കിഴങ്ങ് (ഇടുക്കി) - 40,000 രൂപ
• തക്കാളി (പാലക്കാട്) - 40,000 രൂപ
• പച്ചക്കറി വിളകൾ ഗ്രൂപ്പ്-2 (കാബേജ്, കാരറ്റ്, വെളുത്തുള്ളി, ഫ്രഞ്ച് ബീൻസ് - ഇടുക്കി) - 40,000 രൂപ

Motisons Jewellers Ipo: ഓ​ഹരി വില 55 രൂപ; പ്രീമിയം 100ലേക്ക്; ലി​സ്റ്റിങ്ങിൽ 180% ലാഭം കിട്ടുമോ?
നഷ്ട പരിഹാര നിർണയം (RWBCIS)

ഓരോ വിളയുടെയും ഇന്‍ഷുറന്‍സ് കവറേജും പ്രീമിയം തുകയും വ്യത്യസ്തമായിരിക്കും. ഒരോ വിളയ്ക്കും വെവ്വേറേ പ്രതികൂല കാലാവസ്ഥാ ഘടകങ്ങളും അതിന്റെ നിർണയ തോതും ടേം ഷീറ്റ് പ്രകാരം സംസ്ഥാന സർക്കാർ വിജ്ഞാപനം ചെയ്തിട്ടുണ്ട്. ഇപ്രകാരം ഓരോ പഞ്ചായത്തിനും വിജ്ഞാപനം ചെയ്ത സൂചന കാലാവസ്ഥ നിലയത്തിൽ നിന്നും ഇൻഷുറൻസ് കാലയളവിൽ രേഖപ്പെടുത്തുന്ന കാലാവസ്ഥയുടെ വിവരവും ടേം ഷീറ്റും അടിസ്ഥാനമാക്കിയാണ് നഷ്ട പരിഹാര നിർണയം നടത്തുക. വിജ്ഞാപനത്തിൽ പറഞ്ഞിട്ടുള്ള വ്യക്തിഗത വിള നാശങ്ങൾക്ക് പദ്ധതിയുടെ മാനദണ്ഡങ്ങൾക്ക് അനുസൃതമായാകും നഷ്ടപരിഹാരം ലഭ്യമാണ്.

എങ്ങനെ അപേക്ഷ സമർപ്പിക്കാം?

കര്‍ഷകര്‍ക്ക് ഡിജിറ്റല്‍ സേവാ കേന്ദ്രങ്ങള്‍/ അക്ഷയ കേന്ദ്രങ്ങൾ വഴിയും മൈക്രോ ഇന്‍ഷുറന്‍സ് ഏജന്റുകള്‍ മുഖേനയും ഓണ്‍ലൈനായും (www.pmfby.gov.in) കാർഷിക വിള ഇൻഷുറൻസ് പദ്ധതിയില്‍ ചേരാം. പൂരിപ്പിച്ച അപേക്ഷയോടൊപ്പം ബാങ്ക് പാസ് ബുക്ക്, ആധാര്‍ കാർഡ്, കൃഷിയിടത്തിന്റെ വിസ്തീർണത്തിന് തുല്യമായ നികുതി ചീട്ട് എന്നിവയുടെ കോപ്പിയും സമര്‍പ്പിക്കണം. പാട്ടത്തിന് കൃഷി ചെയ്യുന്ന കർഷകര്‍, പാട്ടകരാറിന്റെ പകര്‍പ്പ് ഉള്‍പ്പെടുത്തണം. അതേസമയം വിളകള്‍ക്ക് വായ്പയെടുത്ത കര്‍ഷകരെ നിര്‍ദ്ദിഷ്ട ബാങ്കുകളാണ് പദ്ധതിയില്‍ ചേര്‍ക്കേണ്ടത്.

കർഷകർ പ്രത്യേകം ശ്രദ്ധിക്കേണ്ട കാര്യങ്ങൾ

• ഇൻഷുറൻസ് പോളിസിയിൽ രേഖപ്പെടുത്തിയ വിവരങ്ങൾ കൃത്യവും ശരിയുമാണെന്ന് ഉറപ്പാക്കുക. പോളിസി അംഗീകരിച്ചശേഷം (അപ്രൂവ് ചെയ്ത ശേഷം) ഇതുമായി ബന്ധപ്പെട്ട മറ്റ് പരാതികൾ സ്വീകരിക്കുന്നതല്ല.

• വിവിധ മാർഗങ്ങളിലൂടെ ഒന്നിലധികം തവണ ഒരേ സ്ഥലത്ത് കൃഷി ചെയ്യുന്ന വിളകൾക്ക് ഇൻഷുറൻസ് എടുക്കുന്നത് കുറ്റകരമാണ്. ഇങ്ങനെ ചെയ്തതായി പിന്നീട് കണ്ടെത്തിയാൽ അവർക്കെതിരേ നിയമപ്രകാരമുള്ള ശിക്ഷാനടപടികൾ സ്വീകരിക്കുന്നതായിരിക്കും.

• പ്രീമിയം നൽകിയശേഷം ഇൻഷുറൻസ് പോളിസിയുടെ പകർപ്പ് കൈപ്പറ്റാൻ മറക്കാതിരിക്കുക.