ചെറുകിട സംരംഭകർക്ക് ആശ്വാസം: എംഎസ്എംഇ വായ്പയ്ക്ക് ഇപ്പോൾ അപേക്ഷിക്കാം? ചെയ്യേണ്ടത് ഇത്രമാത്രം
സംരംഭകരെ ലക്ഷ്യമിട്ട് ആകെ നാല് വായ്പ പദ്ധതികളാണുള്ളത്. മുദ്ര വായ്പകൾ, സ്റ്റാൻഡ് അപ് ഇന്ത്യ വായ്പകൾ, പിഎംഇജിപി വായ്പ, 59 മിനുട്ട് വായ്പ എന്നിവയാണവ. അപേക്ഷകന്റെ പ്രൊഫൈലും ബിസിനസ്സ് ചരിത്രവും പരിഗണിച്ചാണ് വായ്പ തുകയുടെ പലിശ നിരക്കുകൾ നിശ്ചയിക്കുക.
Samayam Malayalam2 Jun 2020, 7:57 pm
ഡൽഹി: കൊവി‍ഡ് സാമ്പത്തിക പ്രതിസന്ധി പരിഹരിക്കുന്നതിന്റെ ഭാഗമായി രാജ്യത്തെ സ്റ്റാർട്ടപ്പുകൾക്കും ചെറുകിട സംരംഭകർക്കും സൂഷ്മ ചെറുകിട ഇടത്തരം വ്യവസായ (എംഎസ്എംഇ) വായ്പകൾ അനുവദിക്കുന്നുണ്ട്. സംരംഭകരെ ലക്ഷ്യമിട്ട് ആകെ നാല് വായ്പ പദ്ധതികളാണുള്ളത്. മുദ്ര വായ്പകൾ, സ്റ്റാൻഡ് അപ് ഇന്ത്യ വായ്പകൾ, പിഎംഇജിപി വായ്പ, 59 മിനുട്ട് വായ്പ എന്നിവയാണവ. അപേക്ഷകന്റെ പ്രൊഫൈലും ബിസിനസ്സ് ചരിത്രവും പരിഗണിച്ചാണ് വായ്പ തുകയുടെ പലിശ നിരക്കുകൾ നിശ്ചയിക്കുക. ആർബി അനുശാസിക്കുന്ന യോഗ്യതാ മാനദണ്ഡങ്ങൾ പാലിച്ചാൽ മാത്രമേ ബാങ്കുകളും എൻ‌ബി‌എഫ്‌സികളും അപേക്ഷകന് എംഎസ്എംഇ വായ്പകൾ അനുവദിക്കുകയുള്ളൂ.
Samayam Malayalamചെറുകിട സംരംഭകർക്ക് ആശ്വാസം: എംഎസ്എംഇ വായ്പയ്ക്ക് ഇപ്പോൾ അപേക്ഷിക്കാം? ചെയ്യേണ്ടത് ഇത്രമാത്രം
എംഎസ്എംഇ വായ്പയ്ക്ക് എങ്ങനെ അപേക്ഷിക്കാം?
ആദ്യം udyogaadhaar.gov.in എന്ന വെബ്സൈറ്റ് സന്ദർശിക്കുക. എംഎസ്എംഇ സംരംഭങ്ങളുടെ രജിസ്ട്രേഷനായുള്ള ദേശീയ പോർട്ടലാണിത്.
ആധാർ നമ്പർ, സംരംഭകന്റെ പേര് തുടങ്ങിയ വിവരങ്ങൾ പൂരിപ്പിക്കുക. വിശദാംശങ്ങൾ നൽകി കഴിഞ്ഞാൽ, 'സാധൂകരിക്കുക' എന്ന ഓപ്ഷനിൽ ക്ലിക്കുചെയ്ത് ഒടിപി ജനറേറ്റ് ചെയ്യുക.
ഇതിനുശേഷം ആധാർ കാർഡുമായി ലിങ്ക് ചെയ്തിട്ടുള്ള മൊബൈൽ നമ്പറിൽ ഒടിപി ലഭിക്കും. തുടർന്ന് ഒടിപി പൂരിപ്പിച്ച് വീണ്ടും സ്ക്രീനിൽ കാണുന്ന 'സാധൂകരിക്കുക' എന്ന ഓപ്ഷനിൽ ക്ലിക്കുചെയ്യുക.
ഇതോടെ ഒരു അപേക്ഷാ ഫോം ദൃശ്യമാകും. ഇതിൽ ആവശ്യമായ വിവരങ്ങൾ രേഖപ്പെടുത്തുക.
ശേഷം 'സബ്മിറ്റ്' ബട്ടൺ അമർത്തുക.
സബ്മിറ്റ് ബട്ടൺ ക്ലിക്കുചെയ്തതിനുശേഷം, എല്ലാ ഡാറ്റയും ശരിയായി നൽകിയിട്ടുണ്ടോ എന്ന ചോദ്യം സ്ക്രീനിൽ തെളിയും. ഇത് സ്ഥിരീകരിക്കുന്നതിന് 'ശരി' എന്ന ഓപ്ഷൻ ക്ലിക്കുചെയ്യുക.
ആധാർ കാർഡുമായി ലിങ്ക് ചെയ്തിട്ടുള്ള മൊബൈൽ നമ്പറിൽ വീണ്ടും ഒരു ഒടിപി ലഭിക്കും. ഒടിപി പൂരിപ്പിക്കുക, തുടർന്ന് അപേക്ഷാ ഫോം സമർപ്പിക്കുന്നതിന് 'ഫൈനൽ സബ്മിറ്റ്' എന്ന ഓപ്ഷൻ ക്ലിക്കുചെയ്യുക.
സ്ക്രീനിന് മുകളിൽ രജിസ്ട്രേഷൻ നമ്പർ കാണിക്കും. ഇത് കുറിച്ചു വയ്ക്കുക.
എംഎസ്എംഇ വായ്പയ്ക്ക് ആവശ്യമായ രേഖകൾ
ശരിയായി പൂരിപ്പിച്ച അപേക്ഷാ ഫോം.
തിരിച്ചറിയൽ രേഖ: പാസ്‌പോർട്ട്, ഡ്രൈവിംഗ് ലൈസൻസ്, പാൻ കാർഡ്, വോട്ടർ ഐഡി.
അഡ്രസ് പ്രൂഫ്: പാസ്‌പോർട്ട്, പാട്ടക്കരാർ, ട്രേഡ് ലൈസൻസ്, ടെലിഫോൺ, വൈദ്യുതി ബില്ലുകൾ, റേഷൻ കാർഡ്, വിൽപ്പന നികുതി സർട്ടിഫിക്കറ്റ്.
പ്രായം തെളിയിക്കുന്ന സർട്ടിഫിക്കറ്റ്: പാസ്‌പോർട്ട്, വോട്ടർ ഐഡി, പാൻ കാർഡ്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
