പാൻ ആധാറുമായി ബന്ധിപ്പിക്കേണ്ടേ? നിര്‍ണായക പ്രഖ്യാപനവുമായി സര്‍ക്കാര്‍!

പാൻ ആധാറുമായി ബന്ധിപ്പിക്കേണ്ട തിയതി വീണ്ടും നീട്ടി നൽകി സര്‍ക്കാര്‍. 2022 മാര്‍ച്ച് 31 വരെയാണ് തിയതി നീട്ടീ നൽകിയിരിക്കുന്നത്. ആറു മാസമാണ് ഇതിനായി സമയം അനുവദിച്ചിരിക്കുന്നത്. നികുതി ദായകര്‍ നേരിടുന്ന ബുദ്ധിമുട്ടുകൾ കണക്കിലെടുത്താണ് തീരുമാനം എന്ന് ആദായ നികുതി വകുപ്പ് വ്യക്തമാക്കിയിരുന്നു. നിലവിൽ പാൻ കാർഡ് ഉള്ളവര്‍ ആധാര്‍ കാര്‍ഡ് എടുക്കണമെന്നും കാര്‍ഡ് കൈവശമുണ്ടെങ്കിൽ പാൻകാര്‍ഡുമായി ലിങ്ക് ചെയ്തിരിക്കണം എന്നും ആദായനികുതി വകുപ്പ് ചൂണ്ടിക്കാട്ടുന്നുണ്ട്. ലിങ്ക് ചെയ്തിട്ടില്ലാത്ത കാര്‍ഡുകൾ മാര്‍ച്ച് 31ന് ശേഷം പ്രവര്‍ത്തനക്ഷമമല്ലാതാകും എന്നാണ് വിലയിരുത്തൽ.

50,000 രൂപക്ക് മുകളിലുള്ള എല്ലാ പണം ഇടപാടുകൾക്കും പാൻകാര്‍ഡ് നിര്‍ബന്ധമാണ്. ഓഹരി വിപണിയിലെ ഇടപാടുകൾക്കിം ട്രേഡര്‍മാര്‍ പാനും ആധാര്‍ നമ്പറും ബന്ധിപ്പിക്കണമെന്ന് സെബി നിര്‍ദേശിച്ചിരുന്നു. ബാങ്കിങ് ഇടപാടുകൾക്ക് ചില ബാങ്കുകൾ പാൻ ആധാര്‍ ലിങ്കിങ് നിര്‍ബന്ധമാക്കിയിട്ടുണ്ട്. ആദായ നികുതി ഫയൽ ചെയ്യുന്നതിനും പാൻ-ആധാര്‍ ലിങ്കിങ് ആവശ്യപ്പെടുന്നുണ്ട്. നിശ്ചിത തുകയിൽ കൂടുതലുള്ള വസ്തു കൈമാറ്റം സ്വര്‍ണം വാങ്ങൽ തുടങ്ങിയവക്കും പാൻ കാര്‍ഡ് ആവശ്യപ്പെടുന്നുണ്ട്. ഓഹരി വിപണിയില്‍ ഇടപാട് നടത്തുന്നവര്‍ സെപ്റ്റംബര്‍ 30 നകം പാന്‍ ആധാറുമായി ബന്ധിപ്പിക്കണമെന്നാണ് ചെയ്തിരിക്കണമെന്നാണ് സെബി നിര്‍ദേശം നൽകിയിരുന്നത്.