കൂടാതെ കൃത്യസമയത്ത് ക്രെഡിറ്റ് കാർഡ് ബില്ലുകൾ അടയ്ക്കുന്ന ശീലം പിന്തുടരേണ്ടത് അത്യാവശ്യമാണ്. മോശം സാമ്പത്തിക സ്ഥിതിയിലാണ് നിങ്ങളുള്ളതെങ്കിലും പരമാവധി വൈകി ക്കാതെ കൃത്യമായി ക്രെഡിറ്റ് കാർഡ് ബില്ലുകൾ അടയ്ക്കണം. ഇല്ലെങ്കിൽ അത് നിങ്ങളുടെ സിബിൽ സ്കോറിനെയും ക്രെഡിറ്റ് സ്കോറിനെയും സാരമായി ബാധിക്കും. അതിനാൽ ക്രെഡിറ്റ് കാർഡ് ബിൽ അടയ്ക്കുമ്പോൾ ശ്രദ്ധിക്കേണ്ട ചില കാര്യങ്ങളുണ്ട്. അവ നിങ്ങളുടെ സിബിൽ സ്കോർ നിലനിർത്താൻ സഹായിക്കും.
1. ബജറ്റ്
ക്രെഡിറ്റ് കാർഡ് ബിൽ സമയബന്ധിതമായി അടയ്ക്കുന്നതിന് കുറച്ച് അധികം തുക സമ്പാദിക്കേണ്ടതുണ്ട്. അതിനായി കടങ്ങളെല്ലാം അടച്ച് തീർക്കുന്നതിന് മുമ്പ് ഒരു ബജറ്റ് പ്ലാൻ തയ്യാറാക്കണം. അതായത് അതത് മാസത്തെ വരുമാനവും ചെലവും പ്രത്യേകം എഴുതി വയ്ക്കണം. ഇങ്ങനെ ചെയ്യുന്നത് കൊണ്ട് നിങ്ങൾക്ക് അധിക ചെലവുകൾ വിലയിരുത്താനാകും. ഇതിലൂടെ അധിക ചെലവ് നിയന്ത്രിക്കാനും ക്രെഡിറ്റ് കാർഡ് ബിൽ സമയബന്ധിതമായി അടയ്ക്കുന്നതിനുള്ള തുക കണ്ടെത്താനും കഴിയും.
2. ബിൽ ബാലൻസ്
നിങ്ങൾ സാമ്പത്തിക പ്രതിസന്ധികളിലൂടെ കടന്നുപോകുകയാണെങ്കിൽ ആദ്യം ക്രെഡിറ്റ് കാർഡിന്റെ മിനിമം ബാലൻസോ അല്ലെങ്കിൽ കുറഞ്ഞ ബിൽ ബാലൻസോ നിശ്ചിത തീയതിക്ക് മുമ്പായി അടയ്ക്കുകയാണ് ചെയ്യേണ്ടത്. ഇതിൽ പരാജയപ്പെട്ടാൽ വലിയ പലിശ അടയ്ക്കേണ്ടിവരും.
Also Read: ഇലക്ട്രോണിക് ചിപ്പ് ഘടിപ്പിച്ച ഇ-പാസ്പോർട്ടുകൾ; അടുത്തവർഷം മുതൽ ലഭ്യമാക്കും
ഇത് സാധാരണയായി അടയ്ക്കുന്ന നിലവിലെ പലിശ നിരക്കിനേക്കാൾ ഇരട്ടിയാകാം. ഇത്തരം സാഹചര്യങ്ങളിൽ ഉയർന്ന പലിശ നിരക്കിൽ നിങ്ങളുടെ ക്രെഡിറ്റ് കാർഡ് ബിൽ പരിശോധിച്ച് അവ ആദ്യം അടയ്ക്കുക. തുടർന്ന് ബിൽ നിരക്കുകൾ കണക്കി അതിൽ മുൻഗണനയിലുള്ള ബില്ലുകൾ ആദ്യം അടയ്ക്കുക.
3. ഇഎംഐ ഓപ്ഷൻ
ഉയർന്ന പലിശനിരക്ക് ഒഴിവാക്കാനായി ഇഎംഐ ഓപ്ഷൻ തെരഞ്ഞെടുക്കാവുന്നതാണ്. കൂടാതെ ഇഎംഐ ഓപ്ഷൻ തെരഞ്ഞെടുത്ത് ക്രെഡിറ്റ് കാർഡ് ബിൽ അടയ്ക്കുന്നതിലൂടെ നിങ്ങളുടെ കടബാധ്യതകൾ പരിഹരിക്കാനാകും. സാമ്പത്തിക പ്രതിസന്ധി ഘട്ടത്തിൽ വലിയ തുക അടയ്ക്കുന്നത് എളുപ്പമായിരിക്കില്ല. ഈ സമയത്ത് ഇഎംഐ തെരഞ്ഞെടുത്ത് മാസത്തവണകളായി കടങ്ങൾ അടച്ചുതീർക്കാനാകും.
Also Read:റിലയൻസ് ടിക് ടോക് ഏറ്റെടുക്കുമോ?ചൂടു പിടിച്ച് ചര്ച്ചകൾ
ബാങ്കിൽ നേരിട്ട് എത്തിയോ ബാങ്കിന്റെ മൊബൈൽ ആപ്പ് വഴിയോ ക്രെഡിറ്റ് കാർഡ് ബില്ലുകൾ ഇഎംഐ ഓപ്ഷനിലേക്ക് മാറ്റാവുന്നതാണ്. ഇതിലൂടെ കൃത്യസമയത്ത് ക്രെഡിറ്റ് കാർഡ് ബില്ലുകൾ അടച്ച് ബാധ്യതകൾ ഒഴിവാക്കാനും സിബിൽ സ്കോർ നിലനിർത്താനും സാധിക്കും.
4. ക്രെഡിറ്റ് കാർഡ് സ്റ്റേറ്റ്മെന്റ്
ക്രെഡിറ്റ് ബിൽ അടയ്ക്കുന്നതിന് മുമ്പ് ക്രെഡിറ്റ് കാർഡ് സ്റ്റേറ്റ്മെന്റും ബില്ലിംഗ് സൈക്കിളും പരിശോധിക്കാൻ മറക്കരുത്. അധിക നിരക്കുകൾ ഒഴിവാക്കാൻ നിശ്ചിത തീയതിയ്ക്ക് മുമ്പായി കുടിശ്ശികയുള്ള ക്രെഡിറ്റ് കാർഡ് ബില്ലുകൾ പരിശോധിക്കണം. മിക്ക ബാങ്കുകളും ക്രെഡിറ്റ് കാർഡ് ഉപഭോക്താക്കൾക്ക് 28 ദിവസത്തെ കാലയളവ് നൽകുന്നുണ്ട്. ഇതിലൂടെ രണ്ട് ഇടപാടുകളിലായി സൗകര്യത്തിനനുസരിച്ച് നിശ്ചിത തീയതിക്ക് മുമ്പായി ബില്ലുകൾ അടയ്ക്കാൻ കഴിയും.
Also Read: ബിറ്റ്കോയിൻ മൂല്യം വീണ്ടും കുതിച്ചുയര്ന്നേക്കും; നിക്ഷേപം ഉയരുന്നു
നിങ്ങളുടെ ബില്ലിംഗ് തീയതി ഒരിക്കലും ഒഴിവാക്കരുത്. അടയ്ക്കേണ്ട മുഴുവൻ തുകയും ഇല്ലെങ്കിൽ, അധിക നിരക്കുകൾ ഒഴിവാക്കാൻ കുറഞ്ഞത് മിനിമം ബിൽ തുകയെങ്കിലും അടയ്ക്കുക. ക്രെഡിറ്റ് കാർഡ് ബിൽ അടയ്ക്കാൻ വൈകിയാൽ പ്രതിദിനം 30 ശതമാനത്തിൽ കൂടുതൽ പലിശ നിരക്ക് ഈടാക്കുമെന്ന് പ്രത്യേകം ഓർമ്മിക്കുക.
5. ഓട്ടോ പേ സൗകര്യം
ക്രെഡിറ്റ് കാർഡ് ബിൽ കൃത്യസമയത്ത് അടയ്ക്കുന്നതിന് ഓട്ടോ പേ സൗകര്യം പരിഗണിക്കുക. ഇതുവഴി വൈകി അടയ്ക്കുന്നതിനുള്ള ഫീസ്, അധികം പലിശ എന്നിവ ഒഴിവാക്കാനാകും. ഓട്ടോ പേ സൗകര്യം വഴി നിശ്ചിത സമയത്ത് അടയ്ക്കേണ്ട ക്രെഡിറ്റ് ബില്ലുകൾ ഓട്ടോമാറ്റിക് ആയി അക്കൗണ്ടിൽനിന്ന് ക്രെഡിറ്റ് ചെയ്യപ്പെടും. അതിനാൽ ബില്ലുകൾ അടയ്ക്കാൻ നിങ്ങൾ മറന്നാലും പേടിക്കേണ്ടതില്ല.