പ്രധാനമന്ത്രി ആവാസ് യോജനയ്ക്കായി ഓൺലൈനായി അപേക്ഷിക്കാം

കൊച്ചി: പ്രാധാനമന്ത്രി ആവാസ് യോജന പദ്ധതി പ്രകാരം രാജ്യത്തെ മദ്ധ്യവ‍ര്‍ഗ്ഗക്കാ‍ര്‍ക്ക് ഉൾപ്പെടെ വീടുവയ്ക്കുന്നതിനായി പലിശ സബ്സിഡി ലഭ്യമാണ്. ഭവന വായ്പയ്ക്കാണ് പലിശ സബ്സിഡി ലഭിക്കുക.നിലവിലെ ഭവവന വായ്പാ പലിശ നിരക്കായ 10.5 ശതമാനത്തില്‍നിന്ന് അഞ്ച് ശതമാനം മുതല്‍ 6.5 ശതമാനം വരെയാണ് പലിശയില്‍ ഇളവ് ലഭിക്കുക. നഗരപ്രദേശങ്ങളിൽ വീടുവയ്ക്കുന്നതിനാണ് ആനുകൂല്യം ലഭിക്കുന്നത്.

15 വര്‍ഷകാലാവധിയുള്ള വായ്പയില്‍ മൊത്തം 2.30 ലക്ഷം രൂപയുടെ പലിശ ഇളവ് ലഭിക്കും. വിധവകള്‍, വനിതകള്‍, പട്ടികജാതി-പട്ടികവര്‍ഗക്കാര്‍, ഭിന്നശേഷിക്കാര്‍ തുടങ്ങിയവര്‍ക്ക് പദ്ധതിയിൽ മുന്‍ഗണന ലഭിക്കും.

Also Read: എംആധാര്‍ ആപ്പ്;ആധാര്‍ സേവനങ്ങൾ ഇനി വിരൽത്തുമ്പിൽ

പിഎംഎവൈ പദ്ധതിയ്ക്കായി ഓൺലൈനിലൂടെയും അപേക്ഷിക്കാം.

*ആദ്യമായി pmaymis.gov.in എന്ന വെബ്സൈറ്റിൽ പ്രവേശിക്കുക.

*പലിശ സബ്സിഡിക്കായി ബെനിഫിറ്റ്സ് അണ്ടര്‍ അദര്‍ കോംപോണൻറ്സ് എന്നതിൽ നിന്ന് സിറ്റിസൺ അസസ്മെൻറ് തെരഞ്ഞെടുക്കുക.

*ആധാര്‍ നമ്പര്‍ കൊടുത്ത് സബ്മിറ്റ് ക്ലിക്ക് ചെയ്യുക.

*ആധാ‍ര്‍ നമ്പര്‍ കൃത്യമാണെങ്കിൽ പുതിയതായി തുറന്നു വരുന്ന പേജിൽ പേര്, വരുമാനം, കുടുംബാംഗങ്ങളുടെ എണ്ണം, അഡ്രസ് തുടങ്ങിയ വിവരങ്ങൾ നൽകാം.

*പിന്നീട് ക്യാപ്ച്ച കോഡ് നൽകി സബ്മിറ്റ് കൊടുക്കാം.

*ഇത്രയും ചെയ്താൽ ഓൺലൈൻ അപേക്ഷ പൂർത്തിയാകും.