Sbi Card And Irctc Launch Co-branded Contactless Credit Card On Rupay Platform
ട്രെയിൻ യാത്രക്കാര്‍ക്കായി ഇനി ഐആര്‍സിടിസിയുടെ എസ്ബിഐ റുപേ കാര്‍ഡ്
പതിവായി ട്രെയിൻ യാത്ര ചെയ്യണ്ടതായി വരാറുണ്ടോ? ഒട്ടേറെ ഓഫറുകളുമായി ഐആര്‍സിടിസി പ്രത്യേക റുപേ കാര്‍ഡ് അവതരിപ്പിച്ചു. കാര്‍ഡ് ഉടമകൾക്ക് ടിക്കറ്റുകൾക്ക് ഇളവ് ലഭിയ്ക്കുന്നതിന് പുറമെ ഒട്ടേറെ ആനുകൂല്യങ്ങൾ
Samayam Malayalam28 Jul 2020, 4:38 pm
കൊച്ചി: എസ്ബിഐ കാര്‍ഡും ഇന്ത്യന്‍ റെയില്‍വേ കാറ്ററിംഗ് ആന്‍ഡ് ടൂറിസം കോര്‍പ്പറേഷന്‍ ലിമിറ്റഡും (ഐആര്‍സിടിസി) ചേര്‍ന്ന് റൂപേ പ്ലാറ്റ്‌ഫോമില്‍ ഐആര്‍സിടിസി എസ്ബിഐ കാര്‍ഡ് പുറത്തിറക്കി.
Samayam Malayalamഐആര്‍സിടിസി എസ്ബിഐ റുപേ കാര്‍ഡ്
പതിവായി ട്രെയിന്‍ യാത്ര ചെയ്യുന്നവര്‍ക്ക് പരമാവധി സാമ്പത്തിക നേട്ടം നല്‍ക്കുന്ന രീതിയിലാണ് കാര്‍ഡ് പുറത്തിറക്കിയിട്ടുള്ളത്. ഭക്ഷണം, വിനോദം, തുടങ്ങി ട്രെയിനിൽ പണം ചെലവഴിക്കുന്നതിന് മികച്ച ഓഫറുകളും ടിക്കറ്റ് ഇളവുകളും കാര്‍ഡിലൂടെ ലഭിക്കും.
എസി ടിക്കറ്റുകള്‍ക്ക് ഈ കാര്‍ഡ് ഉടമകള്‍ക്ക് 10 ശതമാനം വരെ കാഷ് ബാക്ക് ലഭിക്കും. കാര്‍ഡ് സജീവമാക്കുമ്പോള്‍ 350 റിവാര്‍ഡ് പോയിൻറും തുടര്‍ന്ന് ഐആര്‍സിടിസി വെബ്‌സൈറ്റ് വഴിയുള്ള ഇടപാടുകള്‍ക്ക് ഒരു ശതമാനം ട്രാന്‍സാക്ഷന്‍ ഫീസ് ഇളവു കിട്ടും. ഐആര്‍സിടിസി സൈറ്റില്‍ കയറി റിവാര്‍ഡ് പോയിന്റ് റിഡീം ചെയ്ത് സൗജന്യ ടിക്കറ്റുകള്‍ നേടാം.
ഇന്ധനം അടിക്കുമ്പോള്‍ സര്‍ച്ചാര്‍ജില്‍ ഒരു ശതമാനം ഇളവു കിട്ടും. ബിഗ് ബാസ്‌കറ്റ്, ഒഎക്‌സ്എക്‌സ്‌വൈ, ഫുഡ്ട്രാവല്‍, അജിയോ തുടങ്ങിയ നിരവധി ഇ- കൊമേഴ്‌സ് സൈറ്റുകളില്‍ ഡിസ്‌കൗണ്ടും ലഭ്യമാണ്. മെഡ്‌ലൈഫില്‍നിന്നുള്ള മരുന്നുകള്‍ക്ക് 20 ശതമാനവും ഫിറ്റേണിറ്റിയില്‍ 25 ശതമാനവും ഡിസ്‌കൗണ്ട് റൂപേ കാര്‍ഡ് ലഭ്യമാക്കിയിട്ടുണ്ട്.
''സ്ഥിരം യാത്ര ചെയ്യുന്ന ഇന്ത്യയിലെ വലിയൊരു വിഭാഗം ട്രെയിന്‍ യാത്രക്കാരുടെ ആവശ്യങ്ങള്‍ നിറവേറ്റാനുള്ള കാഷ് രഹിത സംവിധാനം എന്ന ആശയമാണ് ഐആര്‍സിടിസി എസ്ബിഐ കാര്‍ഡിലൂടെ യാഥാര്‍ത്ഥ്യമാകുന്നത് എന്ന് എസ്ബിഐ ചെയര്‍മാന്‍ രജനീഷ് കുമാര്‍ പറഞ്ഞു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
