എസ്ബിഐ ഇക്കാര്യം ശ്രദ്ധിച്ചില്ലെങ്കിൽ ക്രെഡിറ്റ്, ഡെബിറ്റ് കാർഡ് ഓൺലൈൻ സേവനം ഇന്നു കൂടെ മാത്രം

ന്യൂഡൽഹി: എസ്ബിഐ ക്രെഡിറ്റ്, ഡെബിറ്റ് കാ‍ര്‍ഡുപയോഗിച്ചുള്ള നിങ്ങളുടെ ഓൺലൈൻ ഇടപാടുകൾ ഇന്നു മുതൽ (മാ‍ര്‍ച്ച് 16) റദ്ദാക്കിയേക്കാം. കാ‍ര്‍ഡ് ഇഷ്യു ചെയ്തതതിന് ശേഷം ഇതുവരെ ഓൺലൈൻ ഇടപാടുകൾ നടത്താത്തവരുടെ ഡെബിറ്റ്, ക്രെഡിറ്റ് കാ‍ര്‍ഡുപയോഗിച്ചുള്ള ഓൺലൈൻ സേവനങ്ങളാണ് ബ്ലോക്ക് ചെയ്യുന്നത്.

ഇങ്ങനെ കാ‍ര്‍ഡ് ബ്ലോക്കു ചെയ്യപ്പെട്ടാൽ വീണ്ടും സേവനങ്ങൾ ലഭിയ്ക്കുന്നതിനായി ബാങ്കുമായി ബന്ധപ്പെടേണ്ടി വരും എന്നാണ് സൂചന. കോൺടാക്ട് ലെസ് സംവിധാനം ഉപയോഗിച്ചുള്ള പണം ഇടപാടുകൾ ഉപയോഗപ്പെടുത്തിയില്ലെങ്കിൽ ഈ സേവനവും ബ്ലോക്കു ചെയ്യപ്പെടും. ഒരു ഇടപാടെങ്കിലും ഡെബിറ്റ്, ക്രെഡിറ്റ് കാ‍ര്‍ഡുപയോഗിച്ച് മാ‍ര്‍ച്ച് 16-നു മുമ്പ് നടത്തിയിരിക്കണം.
Also Read: എസ്ബിഐ മിനിമം ബാലൻസ് പിഴ ഇനി ഇല്ല;എസ്എംഎസിനും ചാർജില്ല

ഇത് സംബന്ധിച്ച് 2020 ജനുവരി 15-നാണ് ആ‍ര്‍ബിഐ വിജ്ഞാപനം പുറപ്പെടുവിച്ചത്. ഡെബിറ്റ്, ക്രെഡിറ്റ് ഇടപാടുകളുടെ സുരക്ഷ വ‍ര്‍ധിപ്പിക്കുകയാണ് പ്രധാന ലക്ഷ്യം. എന്നാൽ എസ്ബിഐ ഗിഫ്റ്റ് കാ‍ര്‍ഡുകൾക്ക് ഇത് ബാധകമാകില്ല.