സുന്ദരം ബ്ലുചിപ്പ് ഫണ്ട്
അസറ്റ് മാനേജ്മെന്റ് കമ്പനിയായ സുന്ദരം മ്യൂച്വൽ ഫണ്ട് നിക്ഷേപകര്ക്കു മുന്നില് പുതുതായി അവതരിപ്പിച്ച ന്യൂ ഫണ്ട് ഓഫറാണ് ബ്ലുചിപ്പ്. ഗ്രോത്ത്, ഡിവിഡന്റ് ഓപ്ഷനുകൾക്കൊപ്പം റെഗുലർ, ഡയറക്ട് പ്ലാനുകൾ സുന്ദരം ബ്ലുചിപ്പ് ഫണ്ട് വാഗ്ദാനം ചെയ്യുന്നുണ്ട്. 100 രൂപയാണ് ഏറ്റവും കുറഞ്ഞ നിക്ഷേപ തുക. നിശ്ചിത കാലയളവില് പണം നിക്ഷേപിക്കുന്ന സിസ്റ്റമാറ്റിക് ഇന്വെസ്റ്റ് പ്ലാന് അഥവാ എസ്ഐപിയിലൂടെയും ഫണ്ടില് പണം നിക്ഷേപം നടത്താനാകും.
Also Read: മ്യൂച്വല് ഫണ്ട് വാങ്ങാനും വില്ക്കാനുമുള്ള സമയക്രമത്തിൽ മാറ്റം; പുതിയ സമയം അറിയാം
എസ്ഐപിയിലൂടെയും നിക്ഷേപം നടത്താം
ഏറ്റവും കുറഞ്ഞ പ്രതിമാസ എസ്ഐപി നിക്ഷേപം 100 രൂപയാണ്. ത്രൈമാസ എസ്ഐപിയ്ക്ക് 750 രൂപയും പ്രതിവാര എസ്ഐപിയ്ക്ക് 1,000 രൂപയുമാണ് നിക്ഷേപിക്കേണ്ടത്. പേടിഎം മണി, ഗ്രോ, 5പൈസ തുടങ്ങിയ ഡിജിറ്റല് പേയ്മെന്റ് ആപ്പ് വഴി പണം നിക്ഷേപിക്കാം. അലോട്ട്മെന്റ് തീയതി മുതൽ 12 മാസത്തിനുള്ളിൽ പദ്ധതിയിൽനിന്ന് പുറത്തുകടക്കുകയാണെങ്കിൽ ഒരു ശതമാനം എക്സിറ്റ് ലോഡ് ഈടാക്കും. ഒരുവർഷമോ അതിനുശേഷമോ ആണ് ഫണ്ടിൽ നിന്ന് പുറത്തുകടക്കുന്നതെങ്കിൽ എക്സിറ്റ് ലോഡ് ഈടാക്കില്ല.
Also Read: ഇനി പെയ്മെൻറ് കമ്പനികൾക്ക് യുപിഐ അല്ലെങ്കിൽ ഭാരത് ക്യൂആര് കോഡുകൾ മാത്രം;
എന്തുകൊണ്ട് ബ്ലുചിപ്പുകൾ?
പ്രത്യേക സെക്ടറിന് ഊന്നല് നല്കുന്നില്ലെങ്കിലും 45-50 ശതമാനം വൈവിധ്യമാര്ന്ന വന്കിട കമ്പനികളിൽ നിക്ഷേപം നടത്തുന്ന ഓപ്പൺ-എൻഡ് ഇക്വിറ്റി സ്കീമാണ് സുന്ദരം ബ്ലുചിപ്പ് ഫണ്ട്. വിപണിയിലെത്തുന്ന സമയത്ത് വാങ്ങാനും വില്ക്കാനും സാധിക്കുന്ന ഫണ്ടുകളാണ് ഓപ്പണ് എന്ഡഡ്. മാനേജ്മെന്റ്, ബിസിനസ് മോഡല്, സാമ്പത്തിക സ്ഥിതി, ബാലൻസ് ഷീറ്റുകൾ, മാനേജ്മെന്റ് ബാൻഡ്വിഡ്ത്ത് എന്നിവ പരിഗണിച്ചാണ് കമ്പനികളെ തിരഞ്ഞെടുക്കുന്നത്. ഇവ തന്നെയാണ് നിക്ഷേപകരെയും ആകർഷിക്കുന്നത്. അതിനാൽ കുറഞ്ഞ ചാഞ്ചാട്ടത്തോടെ മൂലധന വിലമതിപ്പ് തേടുന്ന ഇടത്തരം മുതൽ ദീർഘകാല നിക്ഷേപകർക്ക് ഈ ഫണ്ടിൽ നിക്ഷേപിക്കാം.
Also Read: ജോലി നൽകിയില്ലെങ്കിൽ ഇന്ത്യയിലെ യുവാക്കൾ തെരുവിലേക്ക് ഇറങ്ങുമെന്ന് രഘുറാം രാജൻ
ഫണ്ട് പോർട്ട്ഫോളിയോയുടെ 80 ശതമാനം ഉയർന്ന റിസ്ക് ഇക്വിറ്റിയും വലിയ ക്യാപ് കമ്പനികളുടെ ഇക്വിറ്റി സംബന്ധിയായ സെക്യൂരിറ്റികളും ഉൾക്കൊള്ളുന്നതാണ്. 20 ശതമാനം ഉയർന്ന അപകടസാധ്യതയുള്ള മറ്റ് ഇക്വിറ്റികൾ, വിദേശ ഇക്വിറ്റികൾ/ അമേരിക്കൻ ഡിപോസിറ്ററി രസീതുകൾ (എഡിആർ) / ഗ്ലോബൽ ഡിപോസിറ്ററി രസീതുകൾ (ജിഡിആർ), 10 ശതമാനം ഇടത്തരം മുതൽ ഉയർന്ന റിസ്ക് യൂണിറ്റുകൾ, മണി മാർക്കറ്റ് ഉപകരണങ്ങൾ, സർക്കാർ സെക്യൂരിറ്റികൾ എന്നിവയും ഫണ്ടിൽ ഉൾപ്പെടുന്നു.
നിഫ്റ്റി 100 ടിആർഐ സൂചിക
കഴിഞ്ഞ ഒരു വർഷത്തിനിടെ 3.18 ശതമാനം വരുമാനം നേടുകയും കഴിഞ്ഞ ആറ് മാസത്തിനുള്ളിൽ 31.47 ശതമാനം ഉയർന്ന വരുമാനം നേടുകയും ചെയ്ത നിഫ്റ്റി 100 ടിആർഐ സൂചികയാണ് ഫണ്ടിന്റെ മാനദണ്ഡം. ഫണ്ടിന്റെ ഇക്വിറ്റി ഭാഗം കൈകാര്യം ചെയ്യുന്നത് രാഹുൽ ബൈജൽ, കൃഷ്ണകുമാർ എസ് എന്നിവരാണ്. സ്ഥിര വരുമാന ഭാഗം ദ്വിജേന്ദ്ര ശ്രീവാസ്തവ കൈകാര്യം ചെയ്യുന്നു.