പരിരക്ഷക്കൊപ്പം നിക്ഷേപവും; ടേം ഇൻഷുറൻസിനൊപ്പം മ്യൂച്വൽ ഫണ്ടും

ഒരു ഇൻവെസ്റ്റ്‌മെന്റ്-കം-ലൈഫ് ഇൻഷുറൻസ് പ്രൊഡക്റ്റ് നൽകുന്ന ഒരു സ്ഥാപനം കണ്ടെത്തുന്നത് ചെറിയ കാര്യമല്ല. എന്നാൽ ഇത്തരമൊരു സ്കീം നിങ്ങൾക്ക് രണ്ട് വിഭാഗങ്ങളിലേയും ഏറ്റവും മികച്ചത് വാഗ്ദാനം ചെയ്യുമോ അതോ മറ്റെന്തെങ്കിലും പുതിയതായി നൽകുമോ എന്ന് ചിന്തിക്കേണ്ടതുണ്ട്. വീടിന്റെ കാര്യങ്ങൾ നോക്കുന്നയാൾ പെട്ടന്ന് മരണപ്പെടുന്ന സാഹചര്യത്തിൽ ഒരു വ്യക്തിയേയോ കുടുംബത്തെയോ സംരക്ഷിക്കുന്നതിനുള്ള സാമ്പത്തിക സംരക്ഷണ ഉപകരണമാണ് ലൈഫ് ഇൻഷുറൻസ് പോളിസി. എന്നിരുന്നാലും, ഈ സംരക്ഷണത്തിൽ പരിമിതമായ പങ്ക് മാത്രമേ ഉൾപ്പെടുന്നുള്ളു. ജീവിതത്തിന്റെ ഒരു വലിയ ലക്ഷ്യം സമ്പാദിക്കുക, ലാഭിക്കുക, നന്നായി നിക്ഷേപിക്കുക എന്നതായിരിക്കണം. അതിലൂടെ ജീവിത ലക്ഷ്യങ്ങളെല്ലാം ഏറ്റവും മികച്ച രീതിയിൽ നിറവേറ്റാനും കഠിനാധ്വാനത്തിന്റെ പ്രതിഫലം നേടാനും, ദീർഘകാലം അനുഭവിക്കാനും കഴിയും.

ലൈഫ് ഇൻഷുറൻസ് ഉൽപ്പന്നങ്ങൾ കുറച്ച് അധികം റിട്ടേൺ നൽകുമ്പോൾ മാത്രമാണ് പലരും ആകർഷകമായി കാണുന്നത്. അതിനാൽ മതിയായ ലൈഫ് ഇൻഷുറൻസ് പരിരക്ഷയോ മികച്ച നിക്ഷേപ ഓപ്ഷനോ നൽകാത്ത ഒരു ഉൽപ്പന്നം അവർ പലപ്പോഴും വാങ്ങുന്നു. ഇൻവെസ്റ്റ്‌മെന്റ്-കം-ഇൻഷുറൻസ് ഉൽപ്പന്നങ്ങൾ പലപ്പോഴും ഉയർന്ന ഫീസും കമ്മീഷനുകളും, പരിമിതമായ നിക്ഷേപ ഓപ്ഷനുകൾ, സുതാര്യതയില്ലായ്മ എന്നിവങ്ങനെയുള്ള പരിമിതികളോടെയാണ് വരുന്നത്. അതിനാൽ, നിക്ഷേപകർ അവരുടെ നിക്ഷേപവും ഇൻഷുറൻസ് ആവശ്യങ്ങളും വേർതിരിക്കുകയും നിക്ഷേപ ആവശ്യങ്ങൾക്കായി മ്യൂച്വൽ ഫണ്ടുകൾ തിരഞ്ഞെടുക്കുകയും ചെയ്യുന്നതാണ് നല്ലത്.


ഇൻവെസ്റ്റ്മെന്റ്-കം-ലൈഫ് ഇൻഷുറൻസ് ഉൽപ്പന്നങ്ങൾ തിരഞ്ഞെടുക്കുന്നതിനുപകരം, നിക്ഷേപകർ അവരുടെ സാമ്പത്തിക ആവശ്യങ്ങൾക്കായി ഒരു പ്യുവർ-ടേം ഇൻഷുറൻസ് പ്ലാൻ തിരഞ്ഞെടുക്കേണ്ടതാണ്. ഏതെങ്കിലും നിർഭാഗ്യകരമായ സംഭവമുണ്ടായാൽ സാമ്പത്തിക നഷ്ടം കുറയ്ക്കുക എന്നതാണ് ഇൻഷുറൻസിന്റെ ലക്ഷ്യം. ഒരു വ്യക്തിയുടെ വരുമാന ശേഷിക്ക് പകരമാണ് ലൈഫ് ഇൻഷുറൻസ്. അതിനാൽ, ഇത് ഒരു നിക്ഷേപമായി കാണുന്നത് മികച്ച രീതിയായിരിക്കില്ല.

ഒരു ടേം ഇൻഷുറൻസ് പ്ലാൻ, ഒരു സാമ്പത്തിക സംരക്ഷണ ഉപകരണമായി മാത്രം ഉപയോഗിക്കുമ്പോൾ, ഏറ്റവും കുറഞ്ഞ ചെലവിൽ നിങ്ങൾക്ക് ഉയർന്ന ലൈഫ് കവറേജ് നൽകുന്നു. ടേം പ്ലാനിനായി അടച്ച പ്രീമിയത്തിന് ലൈഫ് കവർ ചെയ്യാനുള്ള ചിലവ് മാത്രമേയുള്ളൂ, നിക്ഷേപ ഘടകമില്ല. ഇതിനാൽ, ടേം ഇൻഷുറൻസ് ന്യായമായ പ്രീമിയത്തിൽ ഉയർന്ന ഇൻഷുറൻസ് തുക വാഗ്ദാനം ചെയ്യുന്നു. കാരണം മരണം സംഭവിച്ചാൽ മാത്രമേ ഇൻഷുറൻസ് തുക നൽകുകയുള്ളൂ. ഒരു ഇൻവെസ്റ്റ്മെന്റ്-കം-ഇൻഷുറൻസ് പ്ലാനിന്റെ കാര്യത്തിൽ, പ്രീമിയത്തിന്റെ ഒരു ഭാഗം നിക്ഷേപത്തിന് വേണ്ടിയുള്ളതിനാൽ ഉയർന്ന പ്രീമിയം അടച്ചാൽ നൽകുന്ന ലൈഫ് കവർ കുറവായിരിക്കും.

അതിനാൽ, നിങ്ങളുടെ ഇൻഷുറൻസ് ആവശ്യങ്ങൾ പൂർത്തിയാക്കിക്കഴിഞ്ഞാൽ, കഴിയുന്നതും കഠിനാധ്വാനം ചെയ്ത പണം നിക്ഷേപിക്കാൻ ശ്രമിക്കണം. ഇവിടെയാണ് പ്രത്യേക നിക്ഷേപ ഉൽപ്പന്നങ്ങൾ എന്ന നിലയിൽ മ്യൂച്വൽ ഫണ്ടുകൾ പ്രവർത്തിക്കുന്നത്. നിക്ഷേപിക്കാൻ ആഗ്രഹിക്കുന്ന ഒരു സാധാരണക്കാരന് മ്യൂച്വൽ ഫണ്ടുകൾ ഉയർന്ന വരുമാനം നൽകുന്നു.

Also Read : ആരോഗ്യ ഇൻഷുറൻസ് പോർട്ടിംഗ്; പോളിസി നിരസിക്കാനുള്ള ആറ് കാരണങ്ങൾ

മ്യൂച്വൽ ഫണ്ടിൽ നിക്ഷേപിക്കാം
ഇക്വിറ്റികൾ ഏറ്റവും അസ്ഥിരമായ അസറ്റ് ക്ലാസുകളിലൊന്നായി അറിയപ്പെടുന്നു. എന്നിരുന്നാലും, ഇത് ഏറ്റവും ഉയർന്ന വരുമാനവും നൽകുന്നു. മിക്ക നോൺ-പ്രൊഫഷണൽ നിക്ഷേപകരും ഇക്വിറ്റി നിക്ഷേപങ്ങൾ നന്നായി കൈകാര്യം ചെയ്യാൻ സജ്ജരല്ല. ഇക്വിറ്റി നിക്ഷേപങ്ങൾ കൈകാര്യം ചെയ്യാൻ നല്ല അനുഭവപരിചയമുള്ള നിക്ഷേപ വിദഗ്‌ധരുള്ളതിനാൽ എംഎഫുകൾ സഹായിക്കുന്നത് ഇവിടെയാണ്. ഒരു ഫണ്ട് പല സ്റ്റോക്കുകളിലും നിക്ഷേപിക്കുന്നതിനാൽ, അത് നിക്ഷേപകർക്ക് അപകടസാധ്യത വർദ്ധിപ്പിക്കുന്നു. എല്ലാ സാമ്പത്തിക ലക്ഷ്യങ്ങൾക്കും വെവ്വേറെ നിക്ഷേപിക്കാനും മ്യൂച്വൽ ഫണ്ടുകൾ വഴി നിക്ഷേപം വൈവിധ്യവത്കരിക്കാനും കഴിയും. എല്ലാ സാമ്പത്തിക ലക്ഷ്യങ്ങളും പരിപാലിക്കാൻ ലഭ്യമായ ഏറ്റവും മികച്ച മാർഗങ്ങളിലൊന്നാണ് മ്യൂച്വൽ ഫണ്ടുകൾ.

(Disclaimer: മുകളിൽ പറഞ്ഞിരിക്കുന്ന കാര്യങ്ങൾ ഏതെങ്കിലും തരത്തിലുള്ള നിക്ഷേപ നിർദേശമല്ല, നിക്ഷേപകരുടെ അറിവിലേക്കു നൽകിയ വിവരങ്ങൾ മാത്രമാണ്. നിലവിൽ ലഭ്യമായ വിവരങ്ങളാണ് ഇവിടെ നൽകിയിരിക്കുന്നത്. മ്യൂച്വൽ ഫണ്ട് നിക്ഷേപങ്ങൾ ലാഭ-നഷ്ട സാധ്യതകൾക്ക് വിധേയമാണ്. നിക്ഷേപകർ എപ്പോഴും സ്വന്തം ഉത്തരവാദിത്തത്തിൽ മാത്രം നിക്ഷേപങ്ങൾ നടത്തേണ്ടതാണ്)

Read Latest Business News and Malayalam News