ആധാർ സേവനങ്ങൾക്ക് ഓൺലൈനായി അപ്പോയിന്റ്മെന്റ് എടുക്കാം, അറിയേണ്ട കാര്യങ്ങൾ

കൊച്ചി: രാജ്യത്ത് ആധാർ ഓൺലൈൻ അപ്പോയിന്റ്മെന്റ് സേവനങ്ങൾ വലിയ പ്രചാരം നേടുകയാണ്. നിരവധി പേരാണ് ആധാർ സേവാ കേന്ദ്രം സന്ദർശിക്കുന്നതിനായി ഓൺലൈൻ അപ്പോയിന്റ്മെന്റ് സേവനം പ്രയോജനപ്പെടുത്തുന്നത്. പാസ്പോർട്ട് സേവ കേന്ദ്രം വാഗ്ദാനം ചെയ്യുന്ന അതേ അപ്പോയിന്റ്മെന്റ് സേവനങ്ങളാണ് യുണിക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (യുഐഡിഎഐ)യും ലഭ്യമാക്കുന്നത്.

ഓൺലൈൻ അപ്പോയിന്റ്മെന്റ് ബുക്കിംഗ് സൗകര്യം ഉപയോഗിച്ച് എളുപ്പത്തിൽ പുതിയ ആധാർ കാർഡിനായി അപേക്ഷിക്കുകയോ നിലവിലുള്ളതിൽ എന്തെങ്കിലും മാറ്റങ്ങൾ വരുത്തുകയോ ചെയ്യാം. ഇതിനായി ഇനി ബാങ്കിലോ പോസ്റ്റ് ഓഫീസിലോ ക്യൂ നിൽക്കേണ്ടതില്ല. നിങ്ങൾക്ക് ഇഷ്ടമുള്ള ആധാർ കേന്ദ്രത്തിൽ നിന്ന് എളുപ്പത്തിൽ അപ്പോയിന്റ്മെന്റ് ബുക്ക് ചെയ്യാം. യുഐഡിഎഐയുടെ ഔദ്യോഗിക വെബ്സൈറ്റ് www.uidai.gov.in വഴിയാണ് അപ്പോയിൻ്റ്മെന്റ് ബുക്ക് ചെയ്യേണ്ടത്.

Also Read: ക്രെഡിറ്റ് കാർഡ് കയ്യിൽ ഇല്ലെങ്കിലും പേയ്മെൻ്റ് നടത്താം

വെബ്സൈറ്റ് സന്ദർശിച്ച് My Aadhaar എന്ന ഓപ്ഷനിലേക്ക് പോകുക, ഇവിടെ കാണുന്ന Book an appointmentൽ ക്ലിക്ക് ചെയ്യുക. ഇതോടെ നിങ്ങളുടെ ബുക്കിംഗ് പൂർത്തിയാകും. പുതിയ ആധാർ എൻറോൾമെന്റ് ചെയ്യുക, പേര്, വിലാസം, മൊബൈൽ നമ്പർ, ഇമെയിൽ ഐഡി, ജനന തീയതി, ബയോമെട്രിക് (ഫോട്ടോ,ഫിംഗർപ്രിൻറ്,ഐറിസ്) എന്നിവ അപ്‌ഡേറ്റ് ചെയ്യുക തുടങ്ങിയ സേവനങ്ങൾക്കാണ് അപ്പോയിന്റ്മെന്റ് ബുക്ക് ചെയ്യാനാകുക.