ഇത്തരം സാഹചര്യങ്ങളില്‍ ഒരു ടിക്കറ്റിന്റെ പിന്‍ബലമില്ലാതെയും ട്രെയിനില്‍ യാത്ര ചെയ്യാന്‍ സാധിക്കുമെന്നതാണു വാസ്തവം. കള്ളവണ്ടി കയറാനോ, സിനിമയിലും മറ്റും കാണുന്നതു പോലെ ട്രെയിനിന്റെ ബാത്‌റൂമില്‍ ഒളിച്ചും മറ്റും യാത്ര ചെയ്യുന്ന കാര്യമല്ല പറഞ്ഞുവരുന്നത്. നിയമപരമായി, ഒരു ഇന്ത്യന്‍ പൗരന്‍ എന്ന നിലയില്‍ എല്ലാ അവകാശങ്ങളോടെയും യാത്രാ ചെയ്യുന്ന കാര്യമാണ് ഇവിടെ പറയുന്നത്.
പ്ലാറ്റ്ഫോം ടിക്കറ്റില്‍ യാത്രയാകാം
അടിയന്തര സാഹചര്യങ്ങളില്‍ ട്രെയിന്‍ റിസര്‍വേഷന്‍ ഇല്ലെങ്കില്‍ യാത്ര ചെയ്യണമെങ്കില്‍ പ്ലാറ്റ്ഫോം ടിക്കറ്റ് മാത്രം എടുത്താല്‍ മതിയെന്നാണ് റെയില്‍വേ അടുത്ത വൃത്തങ്ങളെ ഉദ്ധരിച്ച് സീ ന്യൂസ് ഹിന്ദിയും, എ.ബി.പിയും റിപ്പോര്‍ട്ട് ചെയ്യുന്നത്. പ്ലാറ്റ്ഫോം ടിക്കറ്റെടുത്ത് ട്രെയിനില്‍ കയറിയ ശേഷം ഇതുമായി ടിക്കറ്റ് ചെക്കറെ (ടി.സി) സമീപിച്ച് ടിക്കറ്റ് ആവശ്യപ്പെടാം.
സമയക്കുറവ് കാരണം ഒരു യാത്രക്കാരന് ടിക്കറ്റ് വാങ്ങാന്‍ കഴിയാതെ വരുമ്പോള്‍, സാധുവായ പ്ലാറ്റ്ഫോം ടിക്കറ്റ് ഹാജരാക്കിയാല്‍ മാത്രമേ ഗാര്‍ഡ് സര്‍ട്ടിഫിക്കറ്റ് നല്‍കൂ. ഡ്യൂട്ടിയിലുള്ള ഗാര്‍ഡുകള്‍/ കണ്ടക്ടര്‍മാരും മറ്റ് വിഭാഗത്തിലുള്ള ജീവനക്കാരുമാണ് 'യാത്രയ്ക്കുള്ള അനുമതി സര്‍ട്ടിഫിക്കറ്റ്' നല്‍കുന്നത്.
ഇങ്ങനെയും നിയമങ്ങള്‍
ഇന്ത്യയില്‍ ഏറ്റവും അധികം ഉപയോഗിക്കപ്പെടുന്ന പൊതുഗതാഗത മാര്‍ഗമാണ് റെയില്‍വേ. എന്നാല്‍ യാത്രക്കാരുടെ അവകാശങ്ങളെപ്പറ്റിയും, അതിന്റെ നിയമ സാധുതകളെപ്പറ്റിയും എത്രപേര്‍ക്ക് അറിയാം? എത്ര ബൃഹത്തായ ഗതാഗത സംവിധാനമെന്നു പറഞ്ഞാലും പലപ്പോഴും ടിക്കറ്റ് ലഭിക്കാത്ത സാഹചര്യങ്ങളുണ്ട്.
Also Read: ഭവനപദ്ധതിയിൽ പണം കുടുങ്ങിയോ? പലിശ സഹിതം തിരികെ കിട്ടും
റെയില്‍വേയുടെ പ്രത്യേക നിയമങ്ങളെക്കുറിച്ചാണ് ഇന്നിവിടെ പറയുന്നത്. അടിയന്തര സാഹചര്യങ്ങളില്‍ യാതൊരു റിസര്‍വേഷനുകളും ഇല്ലാതെ യാത്ര ചെയ്യാനുള്ള അവകാശത്തെ പറ്റി.
ടി.ടി.ഇ. എത്തുന്നതു വരെ താമസിക്കരുത്
ഇത്തരം സന്ദര്‍ഭങ്ങളില്‍ ട്രെയിനില്‍ കയറിയ ശേഷം ടി.ടി.ഇ. എത്തുന്നതുവരെ കാത്തിരിക്കരുത്. യാത്രക്കാര്‍ക്കു വേണ്ടി റെയില്‍വേ നിര്‍മിച്ച നിയമങ്ങള്‍ ദുരുപയോഗം ചെയ്യരുതെന്നു സാരം. പ്ലാറ്റ്ഫോം ടിക്കറ്റ് എടുത്ത് ഉടന്‍ തന്നെ ടി.ടി.ഇയുമായി ബന്ധപ്പെടണം.
Also Read: പാചകവാതക വിലവര്‍ധന വരുമാന മാര്‍ഗമാക്കാം; വേണ്ടത് 1,500 രൂപ മാത്രം
തുടര്‍ന്ന് ടി.ടി.ഇ. ചാര്‍ട്ടുകള്‍ പരിശോധിച്ച് ടിക്കറ്റ് അനുവദിക്കും. പ്ലാറ്റ്ഫോം ടിക്കറ്റ് യാത്രക്കാരന് ട്രെയിനില്‍ കയറാനുള്ള അവകാശം നല്‍കുന്നുണ്ടെന്നു സാരം. പ്ലാറ്റ്ഫോം ടിക്കറ്റ് വാങ്ങിയ സ്റ്റേഷന്‍ കണക്കാക്കിയാകും ലക്ഷ്യസ്ഥാനത്തേയ്ക്കുള്ള ടിക്കറ്റ് നിരക്ക് കണക്കാക്കുക.
സീറ്റ് കിട്ടിയില്ലെങ്കിലോ?
ട്രെയിനില്‍ സീറ്റ് ഒഴിവില്ലാത്ത സാഹചര്യങ്ങളും ഉണ്ടാകാം. സീസണുകളിലും മറ്റും ഇത്തരം സന്ദര്‍ഭങ്ങള്‍ ഉണ്ടാകാനുള്ള സാധ്യത കൂടുതലാണ്. അത്തരമൊരു സാഹചര്യത്തില്‍, ടി.ടി.ഇക്ക് നിങ്ങള്‍ ആവശ്യപ്പെട്ട സീറ്റ് വിസമ്മതിക്കാം, പക്ഷേ യാത്രയില്‍ നിന്ന് നിങ്ങളെ തടയാന്‍ കഴിയില്ല.
Also Read: മാസാവസാനങ്ങളിൽ പണത്തിനു ബുദ്ധിമുട്ടുണ്ടോ? ഇനി ആരുടേയും മുന്നിൽ ഇരക്കേണ്ട
തീവണ്ടിയില്‍ റിസര്‍വേഷന്‍ ഇല്ലെങ്കില്‍ 250 രൂപ പിഴ ഈടാക്കുന്നതിനൊപ്പം യാത്രാക്കൂലിയും നല്‍കി ടിക്കറ്റ് എടുക്കണം.