ജിയോയ്ക്കും എയർടെല്ലിനും പിന്നാലെ വർക്ക് ഫ്രം ഹോം പ്ലാനുമായി വോഡഫോൺ

കൊച്ചി: പ്രീപെയ്ഡ് ഉപഭോക്താക്കൾക്ക് പുതിയ വ‍ര്‍ക്ക് ഫ്രം ഹോം പ്ലാനുമായി വോഡഫോൺ. 251 രൂപയുടേതാണ് പ്ലാൻ. ആദ്യമായി വ‍ര്‍ക്ക് ഫ്രം ഹോം പ്ലാൻ വിപണിയിൽ എത്തിച്ചത് ജിയോ ആയിരുന്നു. പിന്നാലെ ബിസിനസുകാ‍ര്‍ക്കുൾപ്പെടെ പ്രത്യേക പ്ലാനുമായി എയര്‍ടെൽ എത്തിയിരുന്നു.

ഇരു ടെലികോം കമ്പനികളുടെയും പ്ലാൻ പോലെ തന്നെ ടോപ് അപ് പ്ലാൻ ആണിത്. ഫോൺ വിളിയ്ക്കാനോ, എസ്എംഎസിനോ പ്ലാൻ പ്രയോജനപ്പെടില്ല. വീട്ടിലിരുന്നു ജോലി ചെയ്യുന്നവർക്ക് പ്ലാൻ പ്രയോജനപ്പെടുത്താം. 28 ദിവസത്തേയ്ക്ക് 50 ജിബി ഡാറ്റയാണ് ലഭിയ്ക്കുക.

Also Read: യുപിഐ ഐഡി ഉപയോഗിച്ച് ഫോൺ റീചാർജ് ചെയ്യാം

നിലവിൽ കുറഞ്ഞ ഡാറ്റ പ്ലാനുകൾ ഉള്ളവർക്കും ഈ പ്ലാൻ പ്രയോജനപ്പെടുത്താം. നിലവിൽ ഒരു ദിവസം ലഭ്യമായ ഡാറ്റ തീർന്നാൽ അധിക ഡാറ്റ ലഭിയ്ക്കാൻ പുതിയ പ്ലാൻ സഹായകരമാകും. കേരളത്തിലും തമിഴ്നാട്ടിലും ഉൾപ്പെടെ ചില നഗരങ്ങളിൽ മാത്രമാണ് പ്ലാൻ ബാധകമാകുക.

ഡൽഹി, മഹരാഷ്ട്ര, കർണാടക, ഗോവ തുടങ്ങിയ ഇടങ്ങളിൽ പ്ലാൻ ലഭ്യമാകില്ല. വോഡഫോണിൻെറ 98 രൂപയുടെ പ്ലാൻ പ്രകാരം ലഭ്യമാകുന്ന ഡാറ്റ വർധിപ്പിച്ചിട്ടുണ്ട്. 6 ജിബി ലഭ്യമായിരുന്ന സ്ഥാനത്ത് ഇപ്പോൾ 12 ജിബി ലഭ്യമാണ്.