നിങ്ങള്‍ക്കു അങ്ങനെ പ്രിയപ്പെട്ട ഒരു നോട്ടുണ്ടോ? ഉണ്ടെന്നാണു കണക്കുകള്‍ വ്യക്തമാക്കുന്നത്. ഇന്ത്യയില്‍ ഏറ്റവും കൂടുതല്‍ ആളുകള്‍ ഇഷ്ടപ്പെടുന്ന മൂല്യമുള്ള കറന്‍സകിള്‍ ഒന്നു നോക്കാം. ഇക്കഴിഞ്ഞ ദിവസം ആര്‍.ബി.ഐ. നടത്തിയ സര്‍വെയാണ് ഇക്കാര്യങ്ങള്‍ വ്യക്തമാക്കുന്നത്.
ഏറ്റവും കുറവ് ഇഷ്ടപ്പെടുന്നത് 2,000 രൂപ
ഏതൊരു കാര്യത്തിനും രണ്ടു വശങ്ങള്‍ ഉണ്ടല്ലോ? ആളുകള്‍ക്കു പ്രിയപ്പെട്ട കറന്‍സി ഉണ്ടെങ്കില്‍, അതിനൊരു മറുവശം കൂടി വേണമല്ലോ. അവിടെ നിന്നു തുടങ്ങാം. നോട്ടു നിരോധനത്തിനു ശേഷം 1,000 രൂപയ്ക്കു ബദലായി സര്‍ക്കാര്‍ പുറത്തിറക്കിയ 2,000 രൂപ നോട്ടുകളെയാണ് ആളുകള്‍ ഏറ്റവും കൂടുതല്‍ അകറ്റി നിര്‍ത്തുന്നത്.
Also Read: ക്രെഡിറ്റ് കാര്‍ഡുകള്‍ ഗൂഗിള്‍പേയും, ഫോണ്‍പേയും വഴി ഉപയോഗിക്കാം
ഉപയോഗിക്കാനുള്ള ബുദ്ധിമുട്ട് തന്നെയാണ് 2,000 ത്തെ ഏറ്റവും മോശം കറന്‍സിയാക്കി മാറ്റുന്നത്. പുറത്തിറക്കിയതു മുതല്‍ ആര്‍.ബി.ഐയും 2,000 രൂപ നോട്ടുകളുടെ പ്രിന്റിങ് കുറച്ചു കൊണ്ടുവരികയാണ്. 2000 രൂപ നോട്ടുകളുടെ ആകെ എണ്ണം 214 കോടി അല്ലെങ്കില്‍ മൊത്തം കറന്‍സി നോട്ടുകളുടെ 1.6 ശതമാനം മാത്രമാണെന്നും ആര്‍.ബി.ഐ. സര്‍വേ കണ്ടെത്തി.
അപ്പോള്‍ പ്രിയം ആരോട്?
2,000 രൂപ നോട്ടുകള്‍ ആളുകള്‍ അത്രയധികം ഇഷ്ടപ്പെടുന്നില്ലെന്നു മനസിലായലോ? ഇപ്പോള്‍ മനസിലുള്ള ചോദ്യം അപ്പോള്‍ പ്രിയം ആരോട് എന്നാകും അല്ലേ? രാജ്യത്ത് ഏറ്റവും കൂടുതല്‍ ആളുകള്‍ ഇഷ്ടപ്പെടുന്നത് 100 രൂപ നോട്ടുകളെയാണ്. എവിടെയും യാതൊരു ബുദ്ധിമുട്ടുകളും ഇല്ലാതെ ഉപയോഗിക്കാം എന്നതു തന്നെയാണ് 100 രൂപ കറന്‍സിയെ പ്രിയങ്കരമാക്കുന്നത്.
Also Read: ഈട് വേണ്ട, 35 ലക്ഷം രൂപ എസ്.ബി.ഐ. തരും; അപേക്ഷിക്കേണ്ടത് യോനോ ആപ്പ് വഴി
28 സംസ്ഥാനങ്ങളിലും, മൂന്ന് കേന്ദ്രഭരണ പ്രദേശങ്ങളിലും വ്യാപിച്ചുകിടക്കുന്ന ഗ്രാമീണ, അര്‍ദ്ധ- നഗര, നഗര, മെട്രോപൊളിറ്റന്‍ പ്രദേശങ്ങളില്‍ നിന്നുള്ള 11,000 പേരാണ് സാമ്പിള്‍ സര്‍വേയില്‍ പങ്കെടുത്തത്. 18 മുതല്‍ 79 വയസുവരെയുള്ളവരാണ് സര്‍വേയില്‍ പങ്കെടുത്തവരെല്ലാം.
സര്‍വേ ഫലങ്ങള്‍ ഒറ്റനോട്ടത്തില്‍
- ബാങ്ക് നോട്ടുകളില്‍ ഏറ്റവും കൂടുതല്‍ മുന്‍ഗണനയുള്ളത് 100 രൂപയ്ക്കാണെന്നും, ഏറ്റവും കുറച്ച് ആളുകള്‍ ഇഷ്ടപ്പെടുന്നത് 2000 രൂപയാണെന്നും കണ്ടെത്തി.
- നാണയങ്ങളില്‍ അ‌ഞ്ചു രൂപയുടെ മൂല്യത്തിനാണ് ഏറ്റവും കൂടുതല്‍ മുന്‍ഗണന ലഭിച്ചത്. അതേസമയം ഏറ്റവും കുറവ് മുന്‍ഗണന നല്‍കിയത് ഒരു രൂപയ്ക്കാണ്.
- മഹാത്മാഗാന്ധിയുടെ ചിത്രത്തിന്റെ വാട്ടര്‍മാര്‍ക്കും, വിന്‍ഡോഡ് സെക്യൂരിറ്റി ത്രെഡും ഏറ്റവും അംഗീകൃത സുരക്ഷാ ഫീച്ചറായി കണ്ടെത്തി.
Also Read: സൗജന്യമായി ഒരു ഒല ഇ- സ്‌കൂട്ടര്‍ വേണോ? വഴിയുണ്ട്...
- പ്രതികരിച്ചവരില്‍ ഏകദേശം മൂന്നു ശതമാനം പേര്‍ക്കും ബാങ്ക് നോട്ടിന്റെ സുരക്ഷാ ഫീച്ചറുകളൊന്നും അറിയില്ല.
- മൊത്തത്തില്‍, പ്രതികരിച്ച 10 പേരില്‍ ഏഴുപേരും പുതിയ ബാങ്ക് നോട്ടുകളില്‍ തൃപ്തരാണെന്ന് കണ്ടെത്തി.
- കാഴ്ച വൈകല്യമുള്ളവരില്‍ ഭൂരിഭാഗവും പേപ്പറിന്റെ ഗുണനിലവാരത്തെക്കുറിച്ചും, നോട്ടുകളുടെ വലുപ്പത്തെക്കുറിച്ചും ബോധവാന്മാരാണെന്ന് കണ്ടെത്തി.
പ്രചാരത്തിലുള്ള ബാങ്ക് നോട്ടുകള്‍
പ്രചാരത്തിലുള്ള ബാങ്ക് നോട്ടുകളുടെ മൂല്യവും അളവും 2021- 22 കാലയളവില്‍ 9.9 ശതമാനവും 5.0 ശതമാനവും വര്‍ധിച്ചു. 2022 മാര്‍ച്ച് 31 പ്രകാരം മൊത്തം വിപണിയിലുള്ള കറന്‍സികളുടെ മൂല്യത്തിന്റെ 87.1 ശതമാനവും 500, 1000 രൂപ നോട്ടുകളാണ്.
Also Read: സര്‍ക്കാര്‍ തരും 6,000 രൂപ; നടപടികള്‍ മേയ് 31ന് മുമ്പ് പൂര്‍ത്തീകരിച്ചാല്‍...
2021 മാര്‍ച്ച് 31ന് ഇത് 85.7 ശതമാനമായിരുന്നു. മൂല്യാടിസ്ഥാനത്തില്‍ വിപണിയിലുള്ള മൊത്തം നോട്ടുകളുടെ 34.9 ശതമാനം 500 രൂപ നോട്ടുകളും, 21.3 ശതമാനം 10 രൂപ നോട്ടുകളുമാണ്.
റിസര്‍വ് ബാങ്കിന്റെ ഭാവി ലക്ഷ്യങ്ങള്‍
നോട്ടുകളുടെ സംസ്‌കരണം കൂടുതല്‍ നവീകരിക്കുക, കറന്‍സി മാനേജ്മെന്റ് പ്രക്രിയകള്‍ യുക്തിസഹമാക്കുക, നോട്ടുകളുടെ സമഗ്രത ശക്തിപ്പെടുത്തുന്നതിനുള്ള വിശകലന ഗവേഷണം പ്രോത്സാഹിപ്പിക്കുക, നോട്ട് ഉല്‍പ്പാദനത്തിനുള്ള അസംസ്‌കൃത വസ്തുക്കളുടെ സമ്പൂര്‍ണ സ്വദേശിവല്‍ക്കരണത്തിനുള്ള തന്ത്രം രൂപപ്പെടുത്തുക, പൊതുജനാവബോധം വര്‍ധിപ്പിക്കുക എന്നിവയാണ് റിസര്‍വ് ബാങ്കിന്റെ പ്രധാന ഭാവി ലക്ഷ്യങ്ങള്‍. കറന്‍സി, നാണയങ്ങള്‍, ഡിജിറ്റല്‍ മോഡുകളിലും ആര്‍.ബി.ഐയുടെ ശ്രദ്ധയും മേല്‍നോട്ടവും ഉണ്ടാകുമെന്നും വാര്‍ഷിക റിപ്പോര്‍ട്ട് വ്യക്തമാക്കുന്നു.
Also Read: ജൂണ്‍ 1 മുതല്‍ തേര്‍ഡ് പാര്‍ട്ടി ഇന്‍ഷുറന്‍സ് പ്രീമിയം കുതിക്കും; പുതുക്കിയ നിരക്ക് ഇങ്ങനെ
പ്രചാരത്തിലുള്ള നാണയങ്ങള്‍
2021- 22ല്‍ പ്രചാരത്തിലുള്ള നാണയങ്ങളുടെ മൊത്തം മൂല്യം 4.1 ശതമാനം വര്‍ധിച്ചു. ഇതേ കാലയളവില്‍ മൊത്തം വോളിയം 1.3 ശതമാനം കൂടി. 2022 മാര്‍ച്ച് 31 പ്രകാരം മൊത്തം പ്രചാരത്തിലുള്ള നാണയങ്ങളുടെ 83.5 ശതമാനവും ഒന്ന്, രണ്ട്, അഞ്ച് രൂപ നാണയങ്ങളാണ്. മൂല്യാടിസ്ഥാനത്തില്‍ ഇത് 75.8 ശതമാനമാണ്.