സ്വര്ണ വില ഇങ്ങനെ കുതിച്ചുയരുന്നത് എന്തുകൊണ്ട്? വില ഇനിയും ഉയരുമോ
പൊന്നിന് പൊന്നു വിലയാണിപ്പോൾ. കൈയിലുള്ള ഒരു തരി സ്വര്ണം പോലും ഏറെ വിലപ്പെട്ടതാണ്.കൊറോണക്കാലത്ത് മഞ്ഞ ലോഹത്തിന് വില കുതിയ്ക്കുന്നത് എന്തുകൊണ്ടാണ്? നിക്ഷേപം എന്ന നിലയിൽ നിങ്ങളുടെ കൈവശമുള്ള സ്വര്ണത്തിന് വരും വര്ഷങ്ങളിൽ മൂല്യമുയരുന്നത് എങ്ങനെ?
Samayam Malayalam 23 Jul 2020, 3:44 pm
കൊച്ചി:ഒൻപത് വര്ഷങ്ങൾക്ക് ശേഷം സ്വര്ണ വിലയിൽ കുതിപ്പ് തുടരുകയാണ്. ചൈനയ്ക്ക് ശേഷം സ്വര്ണ ഉപഭോഗത്തിൽ ഏറ്റവും മുന്നിലുള്ള രാജ്യം കൂടെയാണ് ഇന്ത്യ. അതുകൊണ്ടു തന്നെ സ്വര്ണം കൈവശമുള്ളവരെയും വാങ്ങാൻ ആഗ്രഹിയ്ക്കുന്നവരെയും ഒക്കെ സ്വര്ണ വിലയിൽ ഉണ്ടാകുന്ന ഏറ്റക്കുറച്ചിലുകൾ ബാധിയ്ക്കും.
- കൊവിഡ് കാലത്ത് വില ഉയരുന്നത് എന്തുകൊണ്ട്?
കൊവിഡ് 19 നെ തുടര്ന്ന് ആഗോള വിപണിയിലെ പ്രതിസന്ധികളും ഡോളറിൻെറ വിനിമയ നിരക്ക് കുറഞ്ഞതും പലിശ നിരക്കിലെ ഇടിവും എല്ലാം സ്വര്ണത്തിൻെറ മൂല്യം കുതിച്ചുയരാൻ കാരണം ആയിട്ടുണ്ട്. പ്രതിസന്ധി ഘട്ടങ്ങളിൽ സുരക്ഷിത നിക്ഷേപം എന്ന നിലയിൽ സ്വര്ണത്തെ ആശ്രയിക്കുന്നവര് കൂടുകയാണ്. വിപണിയിലെ അസ്ഥിരത മൂലം രാജ്യാന്തര വിപണിയിൽ വൻകിട നിക്ഷേപകര് സ്വര്ണം വാങ്ങിക്കൂട്ടുന്നുണ്ട്. - വില ഇനിയും ഉയരുമോ?
10 ഗ്രാം സ്വര്ണത്തിന് രാജ്യത്ത് അടുത്ത രണ്ടു വര്ഷത്തിനുള്ളിൽ 25,000 രൂപ വരെ വില ഉയര്ന്നേക്കാം എന്നു വിദഗ്ധര് പറയുന്നു. 2020 മുതൽ സ്വര്ണ വില ഉയര്ന്നു തുടങ്ങിയിട്ടുണ്ട്. ഇതുവരെ 25 ശതമാനത്തിൽ അധികമാണ് വില വര്ധന. രാജ്യാന്തര വിപണിയിലും സ്വര്ണ വില കുതിയ്ക്കുകയാണ്. ഔൺസിന് (ട്രോയ് ഔൺസ്) 1920 ഡോളര് എന്ന സര്വകാല റെക്കോര്ഡിൽ ലണ്ടനിൽ ബുധനാഴ്ച വില എത്തിയിരുന്നു. 20 വര്ഷം കൊണ്ട് ട്രോയ് ഔൺസിന് ഉണ്ടായ വില വര്ധന 645 ശതമാനത്തോളം ആണ്. ഇതു തന്നെയാണ് പ്രധാനമായി ആഭ്യന്തര വിപണിയിലും പ്രതിഫലിയ്ക്കുന്നത്. രാജ്യാന്തര വിപണിയിൽ സ്വര്ണം വീണ്ടും സര്വ്വകാല റെക്കോര്ഡുകൾ ഭേദിച്ച് മുന്നേറും എന്നു തന്നെയാണ് ഈ രംഗത്തെ വിദഗ്ധര് ചൂണ്ടിക്കാട്ടുന്നത്. - നിക്ഷേപം എന്ന നിലയിൽ സ്വര്ണം ആകര്ഷകമാണോ?
മികച്ച നിക്ഷേപ മാര്ഗം ആയി സ്വര്ണത്തെ ആശ്രയിക്കാൻ കഴിയില്ല എന്ന് ധനകാര്യ വിദഗ്ധര് പറയാറുണ്ടെങ്കിലും ഏതു സമയത്തും പണ ലഭ്യത ഉറപ്പാണ് എന്നതാണ് സ്വര്ണത്തിൻെറ പ്രധാന ആകര്ഷണം. നിക്ഷേപം എന്ന നിലയിൽ സാധാരണക്കാര് പോലും സ്വര്ണത്തെ കൂടുതൽ ആശ്രയിആശ്രയിക്കാറുണ്ട്. ഓഹരി, കടപ്പത്ര വിപണി ഇടിഞ്ഞു നിൽക്കുമ്പോഴും മറ്റു നിക്ഷേപ മാര്ഗങ്ങളിൽ നിന്നുള്ള വരുമാനം കുറഞ്ഞിരിയ്ക്കുമ്പോഴും ഒക്കെ പണ ലഭ്യതയ്ക്കായി സ്വര്ണത്തെ ആശ്രയിക്കാം. - സ്വര്ണത്തിൽ നിക്ഷേപം നടത്താൻ ആകുന്നത് എങ്ങനെയൊക്കെ?
ആഭരണങ്ങളും സ്വര്ണ നാണയങ്ങളും സ്വര്ണക്കട്ടികളും ഒക്കെ വാങ്ങുന്നതിന് ഒപ്പം ഡിജിറ്റൽ ഗോൾഡിലും നിക്ഷേപം നടത്താം. ഭൗതിക രൂപമില്ലാതെ സ്വര്ണത്തിൻെറ മൂല്യം നൽകുന്ന ഇത്തരം നിക്ഷേപ പദ്ധതികളിൽ കുറഞ്ഞ നിരക്കിലും പണം മുടക്കാം. സ്വര്ണത്തിൻെറ ഒരു ഗ്രാം മുതലുള്ള യൂണിറ്റുകളിൽ നിക്ഷേപിയ്ക്കാൻ ആകും എന്നതാണ് ആകര്ഷണം. സോവറൈൻ ഗോൾഡ് ബോണ്ടുകൾ, ഗോൾഡ് ഇടിഎഫുകൾ എന്നിവ ഉദാഹരണം. സ്വര്ണത്തിൽ നിക്ഷേപിയ്ക്കാൻ ആഗ്രഹിയ്ക്കുന്നവര്ക്കായി വിവിധ ഗോൾഡ് ഫണ്ടുകളും ഉണ്ട്. - രാജ്യത്തെ സ്വര്ണ വിപണി എങ്ങനെ?
ഇന്ത്യയിലെ വീടുകളിൽ മാത്രം 24,000 -25,000 ടൺ വരെ വരുന്ന സ്വര്ണ ശേഖരം ഉണ്ടെന്നാണ് കണക്കാക്കുന്നത്. റിസര്വ് ബാങ്കിൻെറ കൈവശം 653.01 ടൺ സ്വര്ണ ശേഖരം ആണുള്ളത്. 2019-ൽ 690.4 ടൺ ആണ് ഇന്ത്യയിലെ സ്വര്ണ ഉപഭോഗം. 2018-ൽ 760.4 ടൺ ആയിരുന്നു ഇത്. സ്വര്ണ ഉപഭോഗം കുറയുന്നുണ്ടെങ്കിലും വില കുറയുന്നില്ല എന്നതാണ് ശ്രദ്ധേയം