സേവനങ്ങള്‍ ഓണ്‍ലൈനിലേക്ക് മാറിയതോടെയാണ് ഇത്തരം തെറ്റുകളും കൂടുതലായി തിരിഞ്ഞറിയാന്‍ തുടങ്ങിയത്. പാന്‍ ആധാറുമായി ഓണ്‍ലൈനില്‍ ബന്ധിപ്പിക്കാന്‍ പലര്‍ക്കും പറ്റാതെ പോയതും സര്‍മെനയിമിലെ ഈ വ്യത്യാസമാണ്. നിലവില്‍ ഉപയോക്താക്കള്‍ക്കു വീട്ടിലിരുന്നു തന്നെ ഈ പ്രശ്‌നം പരിഹരിക്കാന്‍ സാധിക്കുമെന്നു എത്രപേര്‍ക്ക് അറിയാം? വളരെ ലളിതമാണ് ഇതിനുള്ള നടപടിക്രമങ്ങള്‍.
വിവരങ്ങള്‍ കൃത്യമായി ഇരിക്കേണ്ടത് അനിവാര്യം
ഒരു വ്യക്തിയുടെയോ കമ്പനിയുടെയോ നികുതി ബാധ്യത വിലയിരുത്തുന്നതിനും അത്യാവശ്യമായ എല്ലാ സാമ്പത്തിക ഇടപാടുകളും ട്രാക്ക് ചെയ്യാന്‍ ആദായനികുതി അതോറിറ്റിയെ സഹായിക്കുന്നത് പാന്‍ കാര്‍ഡാണ്. ഒട്ടുമിക്ക എല്ലാ സാമ്പത്തിക സേവനങ്ങളും ഇന്ന് പാന്‍ കാര്‍ഡ് ഇല്ലെങ്കില്‍ ലഭിക്കില്ല. പ്രധാനപ്പെട്ട ഒരു തിരിച്ചറിയല്‍ രേഖ എന്ന നിലയിലും പാന്‍ കാര്‍ഡിലെ വിവരങ്ങള്‍ കൃത്യമായി സൂക്ഷിക്കേണ്ടതുണ്ട്. പാന്‍ കാര്‍ഡ് നികുതിവെട്ടിപ്പിനുള്ള സാധ്യതകള്‍ കുറയ്ക്കാന്‍ സഹായിക്കുന്നു.
പാന്‍കാര്‍ഡിലെ വിവരങ്ങള്‍ തിരിത്തുന്നത് എങ്ങനെ?
ആദ്യം നാഷണല്‍ സെക്യൂരിറ്റീസ് ഡിപ്പോസിറ്ററി ലിമിറ്റഡ് വെബ്‌സൈറ്റ് സന്ദര്‍ശിക്കുക (https://www.onlineservices.nsdl.com/paam/endUserRegisterContact.html). ഇവിടെ നിന്ന് പാന്‍ തിരുത്തല്‍ എന്ന ഓപ്ഷന്‍ തെരഞ്ഞെടുക്കുക. വിഭാഗം തെരഞ്ഞെടുത്ത ശേഷം, അറ്റാച്ചുചെയ്യേണ്ട ശരിയായ പേരും ശരിയായ അക്ഷരവിന്യാസവും ഉള്ള പ്രമാണങ്ങള്‍ അപ് ലോഡ് ചെയ്യണം.
Also Read: ഒരൊറ്റ ഫെയ്‌സ്ബുക്ക് പോസ്റ്റ് സംരംഭകയുടെ ജീവീതം മാറ്റിമറിച്ചു; ഇന്നു നിന്നു തിരിയാന്‍ സമയമില്ല
വിലാസമോ അവസാന പേരോ മാറ്റുന്നതിന് കാര്‍ഡ് ഉടമകള്‍ 110 രൂപ ഫീസ് അടയ്‌ക്കേണ്ടതുണ്ട്. തുടര്‍ന്ന് സബമിറ്റ് ഓപ്ഷന്‍ ക്ലിക്ക് ചെയ്യുക. അപേക്ഷിച്ച ദിവസം മുതല്‍ 45 ദിവസത്തിനുള്ളില്‍ പുതുക്കിയ പാന്‍ കാര്‍ഡ് രജിസ്റ്റര്‍ ചെയ്ത വിലാസത്തിലേക്ക് അയയ്ക്കും.