സ്വര്‍ണ വിലയിൽ ഇടിവ്

കൊച്ചി: സംസ്ഥാനത്ത് സ്വര്‍ണ വില പവന് 200 രൂപ കുറഞ്ഞു. ഒരു പവൻ സ്വര്‍ണത്തിന് 37,960 രൂപയും ഒരു ഗ്രാമിന് 4,745 രൂപയുമാണ് വില. അതേസമയം രാജ്യാന്തര വിപണിയിൽ സ്വര്‍ണ വില ഉയര്‍ന്നു. ഔൺസിന് 1960 ഡോളറിലാണ് വ്യാപാരം. തുടര്‍ച്ചയായ രണ്ടാം ദിവസവും സംസ്ഥാനത്ത് ഇന്നലെ സ്വര്‍ണ വില പവന് 38,000 കടന്നിരുന്നു . ഒരു പവൻ സ്വര്‍ണത്തിന് 38,160 രൂപയും ഒരു ഗ്രാമിന് 4,770 രൂപയുമായിരുന്നു വില. കൂടിയും കുറഞ്ഞുമാണ് ഇപ്പോൾ സ്വര്‍ണ വില.

സെപ്റ്റംബര്‍ 15,16 തിയതികളിൽ ഒരു പവൻ സ്വര്‍ണത്തിന് 38,160 രൂപയായിരുന്നു വില. ഇതാണ് ഈ മാസത്തെ ഏറ്റവും ഉയര്‍ന്ന നിരക്ക്.

പ്രതിസന്ധിഘട്ടത്തിൽ സ്വര്‍ണത്തെ ആശ്രയിച്ച നിക്ഷേപകര്‍ സ്വര്‍ണം വിറ്റ് ലാഭം എടുക്കുന്നതാണ് ഇടയ്ക്ക് വില ഇടിവിലേയ്ക്ക് നയിച്ചത്. സുരക്ഷിത നിക്ഷേപം എന്ന നിലയിൽ സ്വര്‍ണത്തെ ആശ്രയിക്കുന്നവര്‍ കൂടുന്നതിനാൽ ദീര്‍ഘകാലാടിസ്ഥാനത്തിൽ വില ഉയരും എന്നു തന്നെയാണ് വിദഗ്ധരുടെ നിരീക്ഷണം.

സെപ്റ്റംബര്‍ അഞ്ചിന് സ്വര്‍ണ വില 37,360 രൂപയായി കുറഞ്ഞിരുന്നു. ഇതാണ് സെപ്റ്റംബറിലെ ഏറ്റവും കുറഞ്ഞ നിരക്ക്. നാലു ദിവസം കൊണ്ട് പവന് 480 രൂപയായിരുന്നു കുറഞ്ഞത്.



ആഗസ്റ്റ് 29, 30, 31 തിയതികളിൽ സ്വര്‍ണ വില ഇടിഞ്ഞിരുന്നു. പവന് 37,600 രൂപയായി ആണ് വില കുറഞ്ഞത്. ഇതായിരുന്നു ആഗസ്റ്റിലെ ഏറ്റവും കുറഞ്ഞ വില.

വെള്ളി വില

വെള്ളി വിലയിൽ കാര്യമായ വ്യത്യാസം ഇല്ല . ഒരു ഗ്രാം വെള്ളിയ്ക്ക് 69.01നേരിയ വര്‍ധന രൂപയാണ് വില. എട്ടുഗ്രാമിന് 552.08 രൂപയും കിലോഗ്രാമിന് 69,010 രൂപയുമാണ് വില. ഇന്നലെ കിലോഗ്രാമിന് 69,000 രൂപയായിരുന്നു വില.