ഇന്നത്തെ സ്വർണ വില അറിയാം

കൊച്ചി: സംസ്ഥാനത്ത് തുടര്‍ച്ചയായ മൂന്നാം ദിവസവും സ്വർണ വിലയിൽ മാറ്റമില്ല. ഇന്ന് ഒരു പവൻ സ്വര്‍ണത്തിന് 38,080 രൂപയാണ് വില. ഗ്രാമിന് 4,760 രൂപയും. രാജ്യാന്തര വിപണിയിൽ സ്വർണ വിലയിൽ നേരിയ വർധന രേഖപ്പെടുത്തി. ഔൺസിന് 1,958.20 ഡോളറിലാണ് ഇന്ന് വ്യാപാരം. സംസ്ഥാനത്ത് വെള്ളിയാഴ്ച പവന് 120 രൂപ വര്‍ധിച്ചാണ് വില 38,080 രൂപയിലേക്ക് ഉയർന്നത്.

സെപ്റ്റംബര്‍ 15,16 തിയതികളിൽ ഒരു പവൻ സ്വര്‍ണത്തിന് 38,160 രൂപയായിരുന്നു വില. ഇതാണ് ഈ മാസത്തെ ഏറ്റവും ഉയര്‍ന്ന നിരക്ക്. പിന്നീട് നേരിയ തോതിൽ വില കുറയുകയായിരുന്നു. സെപ്റ്റംബര്‍ അഞ്ചിന് സ്വര്‍ണ വില 37,360 രൂപയായി കുറഞ്ഞിരുന്നു. ഇതാണ് സെപ്റ്റംബറിലെ ഏറ്റവും കുറഞ്ഞ നിരക്ക്. നാലു ദിവസം കൊണ്ട് പവന് 480 രൂപയായിരുന്നു കുറഞ്ഞത്.

Also Read: ഡീസൽ വില വീണ്ടും കുറഞ്ഞു, പെട്രോൾ വിലയിൽ മാറ്റമില്ല

പ്രതിസന്ധിഘട്ടത്തിൽ സ്വര്‍ണത്തെ ആശ്രയിച്ച നിക്ഷേപകര്‍ സ്വര്‍ണം വിറ്റ് ലാഭം എടുക്കുന്നതാണ് ഇടയ്ക്ക് വില ഇടിവിലേയ്ക്ക് നയിച്ചത്. സുരക്ഷിത നിക്ഷേപം എന്ന നിലയിൽ സ്വര്‍ണത്തെ ആശ്രയിക്കുന്നവര്‍ കൂടുന്നതിനാൽ ദീര്‍ഘകാലാടിസ്ഥാനത്തിൽ വില ഉയരും എന്നു തന്നെയാണ് വിദഗ്ധരുടെ നിരീക്ഷണം.




വെള്ളി വില

സംസ്ഥാനത്ത് വെള്ളി വിലയും മാറ്റമില്ലാതെ തുടരുന്നു. ഒരു ഗ്രാം വെള്ളിയ്ക്ക് 67.90 രൂപയാണ് വില. എട്ടുഗ്രാമിന് 543.20 രൂപയും. കിലോഗ്രാമിന് 67,900 രൂപയുമാണ് വില.