സ്വര്‍ണ വിലയിൽ വീണ്ടും ഇടിവ്

കൊച്ചി: സ്വര്‍ണ വില പവന് 480 രൂപ കുറഞ്ഞു. ഒരു പവൻ സ്വര്‍ണത്തിന് 36,720 രൂപയാണ് വില. ഒരു ഗ്രാമിന് 4,590 രൂപയും. ഈ മാസത്തെ ഏറ്റവും കുറഞ്ഞ നിരക്കാണ് ഇത്. നാലുദിവസം കൊണ്ട് സ്വര്‍ണത്തിന് കുറഞ്ഞത് പവന് 1,440 രൂപയാണ് .

രാജ്യാന്തര വിപണിയിൽ 1,859 ഡോളറിലാണ് സ്വര്‍ണ വില. ഇന്നലെ ഒരു പവൻ സ്വര്‍ണത്തിന് 37,200 രൂപയായിരുന്നു വില. ഒരു ഗ്രാമിന് 4,650 രൂപയും.

തുടര്‍ച്ചയായ മൂന്ന് ദിവസങ്ങളിൽ മാറ്റമില്ലാതിരുന്ന സ്വര്‍ണ വില സെപ്റ്റംബറിലെ ഏറ്റവും ഉയര്‍ന്ന നിരക്കിലേയ്ക്ക് തിരിച്ചെത്തിയതിന് ശേഷമാണ് ഇടിഞ്ഞത്. ഒരു പവൻ സ്വര്‍ണത്തിന് 38,160 രൂപയും ഒരു ഗ്രാമിന് 4,770 രൂപയുമായിരുന്നു വില. ഇതിൽ നിന്നാണ് വില കുറഞ്ഞത്.

Also Read: നിങ്ങളുടെ സ്വര്‍ണത്തിന് സര്‍ക്കാര്‍ പലിശ നൽകും; വിവിധ കാലയളവിലേയ്ക്ക് നിക്ഷേപം നടത്തുന്നത് എങ്ങനെ എന്നറിയാം

പ്രതിസന്ധിഘട്ടത്തിൽ സ്വര്‍ണത്തെ ആശ്രയിച്ച നിക്ഷേപകര്‍ സ്വര്‍ണം വിറ്റ് ലാഭം എടുക്കുന്നതാണ് ഇടയ്ക്ക് വില ഇടിവിലേയ്ക്ക് നയിച്ചത്. സുരക്ഷിത നിക്ഷേപം എന്ന നിലയിൽ സ്വര്‍ണത്തെ ആശ്രയിക്കുന്നവര്‍ കൂടുന്നതിനാൽ ദീര്‍ഘകാലാടിസ്ഥാനത്തിൽ വില ഉയരും എന്നു തന്നെയാണ് വിദഗ്ധരുടെ നിരീക്ഷണം.



വെള്ളി വില

വെള്ളി വിലയിലും ഇടിവ്. സംസ്ഥാനത്ത് ഒരു ഗ്രാം വെള്ളിയ്ക്ക് 58.50 രൂപയാണ് വില. എട്ടുഗ്രാമിന് 468.80 രൂപയും കിലോഗ്രാമിന് 58,500 രൂപയുമാണ് വില. ഇന്നലെ കിലോഗ്രാമിന് 59,000 രൂപയായിരുന്നു വില.