ഇന്നത്തെ സ്വര്‍ണ വില അറിയാം

കൊച്ചി: സംസ്ഥാനത്ത് തുടര്‍ച്ചയായി മൂന്നാം ദിവസവും ഒരേ നിരക്കിൽ സ്വര്‍ണ വില. ഒരു പവൻ സ്വര്‍ണത്തിന് 36,800 രൂപയും ഒരു ഗ്രാമിന് 4,600 രൂപയുമാണ് വില.
രാജ്യാന്തര വിപണിയിൽ 1,861 ഡോളറിലാണ് വ്യാപാരം . സെപ്റ്റംബര്‍ 24ന് ഈ മാസത്തെ ഏറ്റവും കുറഞ്ഞ നിരക്കിലായിരുന്നു സ്വര്‍ണ വില. ഒരു പവൻ സ്വര്‍ണത്തിന് 36,720 രൂപയായിരുന്നു വില.

സെപ്തംബർ 15,16,21 ദിവസങ്ങളിലാണ് സ്വർണ വില ഈ മാസത്തെ ഏറ്റവും ഉയർന്ന നിരക്കിലെത്തിയത്. പവന് 38,160 രൂപയായിരുന്നു വില. ഗ്രാമിന് 4,770 രൂപയും.

പ്രതിസന്ധിഘട്ടത്തിൽ സ്വര്‍ണത്തെ ആശ്രയിച്ച നിക്ഷേപകര്‍ സ്വര്‍ണം വിറ്റ് ലാഭം എടുക്കുന്നതാണ് ഇടയ്ക്ക് വില ഇടിവിലേയ്ക്ക് നയിച്ചത്. സുരക്ഷിത നിക്ഷേപം എന്ന നിലയിൽ സ്വര്‍ണത്തെ ആശ്രയിക്കുന്നവര്‍ കൂടുന്നതിനാൽ ദീര്‍ഘകാലാടിസ്ഥാനത്തിൽ വില ഉയരും എന്നു തന്നെയാണ് വിദഗ്ധരുടെ നിരീക്ഷണം.

Also Read: മാസത്തവണകളായി അടച്ച് സ്വർണം വാങ്ങിക്കാം; മികച്ച സ്വർണ സമ്പാദ്യ പദ്ധതിയുമായി പ്രശസ്ത ജ്വല്ലറികൾ


വെള്ളി വില

സംസ്ഥാനത്ത് തുടര്‍ച്ചയായ മൂന്ന് ദിവസങ്ങളിൽ വെള്ളി വിലയിൽ മാറ്റമില്ല. ഒരു ഗ്രാം വെള്ളിയ്ക്ക് 59 രൂപയാണ് വില. എട്ടുഗ്രാമിന് 472 രൂപയും കിലോഗ്രാമിന് 59,000 രൂപയുമാണ് വില.