സംസ്ഥാനത്ത് സ്വ‍ര്‍ണ വിലയിൽ മാറ്റമില്ല; ഇന്നത്തെ വില അറിയാം

കൊച്ചി: സംസ്ഥാനത്ത് മാറ്റമില്ലാതെ സ്വർണ വില. ഒരു പവന് 32,120 രൂപയാണ് വില. ഗ്രാമിന് 4,015 രൂപയാണ് വില. മാർച്ച് ആറാം തിയതി മുതൽ ഒൻപതാം തിയതി വരെ 32,320 രൂപയിലായിരുന്നു സ്വർണ വ്യാപാരം. ഈ മാസത്തെ ഏറ്റവും ഉയർന്ന നിരക്കായിരുന്നു ഇത്.

കഴിഞ്ഞ മാസത്തെ(ഫെബ്രുവരി) ഏറ്റവും ഉയർന്ന നിരക്ക് പവന് 32,000 രൂപയായിരുന്നു. കൊറോണ വൈറസ് ബാധ സൃഷ്ടിച്ച അനിശ്ചിതത്വത്തെ തുടർന്ന് സുരക്ഷിത നിക്ഷേപം എന്ന നിലയിൽ സ്വർണത്തെ ആശ്രയിച്ച നിക്ഷേപകർ കൂടിയതാണ് പൊടുന്നനെയുള്ള വില വർധനയ്ക്ക് കാരണമായത്. ജനുവരിയിലെ ഏറ്റവും ഉയർന്ന നിരക്ക് പവന് 30,400 രൂപയായിരുന്നു.

Also Read: യെസ് ബാങ്ക് മോറട്ടോറിയം ഉടൻ നീക്കിയേക്കും; ആർബിഐ നിയമങ്ങൾ ശക്തമാക്കും

രാജ്യാന്തര വിപണിയിൽ സ്വർണ വില കുറഞ്ഞിട്ടുണ്ട്. ഔണ്‍സിന് 1,665.45ഡോളർ എന്ന നിലവാരത്തിൽ ആണ് വ്യാപാരം. ഒരു ഗ്രാമിന് 53.55 ഡോളറും, കിലോഗ്രാമിന് 53,545.46 ഡോളറുമാണ് വില.

സംസ്ഥാനത്ത് വെള്ളി വിലയിൽ മാറ്റമില്ല . ഗ്രാമിന് 48.50 രൂപയും എട്ടു ഗ്രാമിന് 388 രൂപയുമാണ് വില. ഒരു കിലോഗ്രാമിന് 48,500 രൂപയിലാണ് വ്യാപാരം നടക്കുന്നത്.