Gold Rate India: സ്വർണ വില വീണ്ടും 34,000ത്തിലേക്ക്

കൊച്ചി: വീണ്ടും 34,000 ത്തിലേക്ക് തിരികെ എത്തി സ്വർണ വില. ഗ്രാമിന് 4,250 രൂപയാണ് വില. ഇന്നലെ ഉച്ച കഴിഞ്ഞാണ് സ്വർണ വില 34,000 ത്തിൽ എത്തിയത്. മെയ് ഒൻപത് മുതൽ പവന് 33,840 രൂപ എന്ന നിലവാരത്തിലാണ് സ്വർണ വില.

മെയ് എട്ടിന് സ്വർണ വില പവന് ഏറ്റവും ഉയർന്ന നിരക്കായ 34,080 രൂപ എന്ന നിലയിൽ എത്തിയിരുന്നു. ഗ്രാമിന് 4,260 രൂപയായിരുന്നു വില. മെയ് ഒൻപത് ഉച്ചകഴിഞ്ഞാണ് വില കുറഞ്ഞ് 33,840 രൂപയിൽ എത്തിയത്.

ഏപ്രിലിലെയും ഏറ്റവും ഉയർന്ന നിരക്ക് 34,080 രൂപയായിരുന്നു. ഏപ്രിൽ 29-നാണ് വില റോക്കോർഡിൽ എത്തിയത്. കൊറോണ മൂലം രാജ്യാന്തര വിപണിയിൽ വീണ്ടും സ്വർണ വില കൂടും എന്നാണ് അനുമാനം. 2021-ഓടെ ഔൺസിന് 3,000 ഡോളർ വരെ വില എത്തിയേക്കും എന്ന് റിപ്പോർട്ടുകൾ ഉണ്ട്.

Also Read: ജിയോ ഓഹരികൾ വാങ്ങാനൊരുങ്ങി കൂടുതൽ രാജ്യാന്തര കമ്പനികൾ

കൊറോണ പ്രതിസന്ധി മൂലം ലോക്ക്ഡൗൺ പ്രഖ്യാപിച്ചിരിയ്ക്കുന്നതിനാൽ സംസ്ഥാനത്ത് ഉൾപ്പെടെ ജ്വല്ലറികൾ അടഞ്ഞു കിടക്കുന്നു. മാർച്ചിലെ സ്വർണ ഇറക്കുമതി ആറു വർഷത്തിനിടയിലെ ഏറ്റവും താഴ്ന്ന നിരക്കിലുമാണ്.

ഇന്ന് രാജ്യാന്തര വിപണിയിൽ സ്വർണ വില ഉയർന്നു. ഔണ്‍സിന് 1,719.60ഡോളർ എന്ന നിലവാരത്തിൽ ആണ് വ്യാപാരം. ഒരുഗ്രാമിന് 55.29 ഡോളറും, കിലോഗ്രാമിന് 55,286.42 ഡോളറുമാണ് വില. സംസ്ഥാനത്ത് വെള്ളി വിലയിൽ മാറ്റമില്ല. ഗ്രാമിന് 43.01 രൂപയും എട്ടു ഗ്രാമിന് 344.08 രൂപയുമാണ് വില. ഒരു കിലോഗ്രാമിന് 43,010 രൂപയാണ് വില.