Gold Rate Today: സംസ്ഥാനത്ത് സ്വർണ വില കുറഞ്ഞു

കൊച്ചി: സംസ്ഥാനത്ത് സ്വർണ വില കുറഞ്ഞു. ഇന്നലെ (മെയ് 13) ഉച്ച കഴിഞ്ഞ് പവന് 240 രൂപയാണ് കുറഞ്ഞത്. ഒരു പവൻ സ്വർണത്തിന് 33,760 രൂപയാണ് വില. ഗ്രാമിന് 4,250 രൂപയും. മെയ് 12-ന് പവന് 34,000 രൂപയായിരുന്നു സ്വർണ വില.

മെയ് എട്ടിന് സ്വർണ വില പവന് ഏറ്റവും ഉയർന്ന നിരക്കായ 34,080 രൂപ എന്ന നിലയിൽ എത്തിയിരുന്നു. ഗ്രാമിന് 4,260 രൂപയായിരുന്നു വില. ഏപ്രിലിലെയും ഏറ്റവും ഉയർന്ന നിരക്ക് 34,080 രൂപയായിരുന്നു. ഏപ്രിൽ 29-നാണ് വില റോക്കോർഡിൽ എത്തിയത്. കൊറോണ മൂലം രാജ്യാന്തര വിപണിയിൽ വീണ്ടും സ്വർണ വില കൂടും എന്നാണ് അനുമാനം. 2021-ഓടെ ഔൺസിന് 3,000 ഡോളർ വരെ വില എത്തിയേക്കും എന്ന് റിപ്പോർട്ടുകൾ ഉണ്ട്.

Also Read: ഡെബിറ്റ്കാർഡ് ഉപയോഗം സുരക്ഷിതമാക്കാൻ എസ്ബിഐയുടെ നിർദേശങ്ങൾ

കൊറോണ പ്രതിസന്ധി മൂലം ലോക്ക്ഡൗൺ പ്രഖ്യാപിച്ചിരിയ്ക്കുന്നതിനാൽ സംസ്ഥാനത്ത് ഉൾപ്പെടെ ജ്വല്ലറികൾ അടഞ്ഞു കിടക്കുന്നു. മാർച്ചിലെ സ്വർണ ഇറക്കുമതി ആറു വർഷത്തിനിടയിലെ ഏറ്റവും താഴ്ന്ന നിരക്കിലുമാണ്.

ഇന്ന് രാജ്യാന്തര വിപണിയിൽ സ്വർണ വില കുറഞ്ഞു. ഔണ്‍സിന് 1,713.05ഡോളർ എന്ന നിലവാരത്തിൽ ആണ് വ്യാപാരം. ഒരുഗ്രാമിന് 55.08 ഡോളറും, കിലോഗ്രാമിന് 55,115.64 ഡോളറുമാണ് വില. സംസ്ഥാനത്ത് വെള്ളി വില കുറഞ്ഞു. ഗ്രാമിന് 42.96 രൂപയും എട്ടു ഗ്രാമിന് 343.68 രൂപയുമാണ് വില. ഒരു കിലോഗ്രാമിന് 42,960 രൂപയാണ് വില.