സംസ്ഥാനത്ത് സ്വര്‍ണ വില പുതിയ ഉയരത്തില്‍. പവന് 400 രൂപയുടെ വര്‍ധനയാണ് ശനിയാഴ്ച ഉണ്ടായത്. ഒരു പവന് സ്വര്‍ണത്തിന് 34,800 രൂപയാണ് വില. ഗ്രാമിന് 4,350 രൂപയും.
Samayam Malayalam17 May 2020, 9:31 am
കൊച്ചി: സംസ്ഥാനത്ത് സ്വര്‍ണ വിലയില്‍ മാറ്റമില്ല. പവന് ശനിയാഴ്ച 400 രൂപ ഉയര്‍ന്നിരുന്നു. ഒരു പവന് 34,800 രൂപയും ഗ്രാമിന് 4,350 രൂപയുമാണ് വില. ഇന്നലെ ഉച്ചകഴിഞ്ഞ് സ്വര്‍ണ വില 34,800 രൂപയില്‍ തന്നെ എത്തിയിരുന്നു. ഇന്നലെ (മെയ് 16) രാവിലെ 34,800 രൂപയില്‍ ആയിരുന്നു വ്യാപാരം. രാജ്യാന്തര വിപണിയില്‍ സ്വര്‍ണ വില ഉയര്‍ന്നതാണ് ആഭ്യന്തര വിപണിയിലും പ്രതിഫലിച്ചത്.
മെയ് എട്ടിന് 34,080 രൂപ എന്ന നിലയില്‍ സ്വര്‍ണ വില എത്തിയിരുന്നു. ഇതായിരുന്നു ഇതുവരെയുള്ള ഏറ്റവും ഉയര്‍ന്ന നിരക്ക്. ഗ്രാമിന് 4,260 രൂപയായിരുന്നു വില. ഏപ്രിലിലെയും ഏറ്റവും ഉയര്‍ന്ന നിരക്ക് 34,080 രൂപയായിരുന്നു. ഏപ്രില്‍ 29-നാണ് വില റോക്കോര്‍ഡില്‍ എത്തിയത്. കൊറോണ മൂലം രാജ്യാന്തര വിപണിയില്‍ വീണ്ടും സ്വര്‍ണ വില കൂടും എന്നാണ് അനുമാനം. 2021-ഓടെ ഔണ്‍സിന് 3,000 ഡോളര്‍ വരെ വില എത്തിയേക്കും എന്ന് റിപ്പോര്‍ട്ടുകള്‍ ഉണ്ട്.
കൊറോണ പ്രതിസന്ധി മൂലം ലോക്ക്ഡൗണ്‍ പ്രഖ്യാപിച്ചിരിയ്ക്കുന്നതിനാല്‍ സംസ്ഥാനത്ത് ഉള്‍പ്പെടെ ജ്വല്ലറികള്‍ അടഞ്ഞു കിടക്കുകയാണ്. മാര്‍ച്ചിലെ സ്വര്‍ണ ഇറക്കുമതി ആറു വര്‍ഷത്തിനിടയിലെ ഏറ്റവും താഴ്ന്ന നിരക്കിലുമാണ്. Also Read: COVID-19: സൗദിയില്‍ കൊവിഡ് ബാധിതരുടെ എണ്ണം അരലക്ഷം കടന്നു
ഇന്ന് രാജ്യാന്തര വിപണിയില്‍ സ്വര്‍ണ വില ഉയര്‍ന്നു. ഔണ്‍സിന് 1,747.55 ഡോളര്‍ എന്ന നിലവാരത്തില്‍ ആണ് വ്യാപാരം. ഒരുഗ്രാമിന് 54.7187 ഡോളറും കിലോഗ്രാമിന് 56,056.43 ഡോളറുമാണ് വില. സംസ്ഥാനത്ത് വെള്ളി വില ഉയര്‍ന്നു. ഗ്രാമിന് 46.71 രൂപയും എട്ടു ഗ്രാമിന് 373.68 രൂപയുമാണ് വില. ഒരു കിലോഗ്രാമിന് 46,710 രൂപയാണ് വില.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
