Gold Rate Today; സംസ്ഥാനത്ത് സ്വർണ വില വീണ്ടും കുറഞ്ഞു

കൊച്ചി: സംസ്ഥാനത്ത് സ്വർണ വില കുറയുന്നു. പവന് 80 രൂപയാണ് കുറഞ്ഞത്. ഒരു പവൻ സ്വർണത്തിന് 34,440 രൂപയും ഒരു ഗ്രാമിന് 4,175 രൂപയുമാണ് വില. ഇന്നലെ സ്വർണ വില പവന് 34,520 രൂപയായിരുന്നു. മെയ് 18-ന് ഈ മാസത്തെ ഏറ്റവും ഉയർന്ന നിലയിൽ ആയിരുന്നു സ്വർണ വില. സർവ്വകാല റെക്കോർഡ് ആയിരുന്ന 35,040 രൂപ എന്ന നിലവാരത്തിലാണ് വില എത്തിയത്. പിന്നീട് നാലു ദിവസം കൊണ്ട് പവന് 520 രൂപയോളം കുറഞ്ഞിരുന്നു.

ഏപ്രിലിലെയും ഏറ്റവും ഉയര്‍ന്ന നിരക്ക് 34,080 രൂപയായിരുന്നു. ഏപ്രില്‍ 29-നാണ് വില റോക്കോര്‍ഡില്‍ എത്തിയത്. കൊറോണ മൂലം രാജ്യാന്തര വിപണിയില്‍ വീണ്ടും സ്വര്‍ണ വില കൂടും എന്നാണ് അനുമാനം. 2021-ഓടെ ഔണ്‍സിന് 3,000 ഡോളര്‍ വരെ വില എത്തിയേക്കും എന്ന് റിപ്പോര്‍ട്ടുകള്‍ ഉണ്ട്. രാജ്യാന്തര വിപണിയിലെ വിലക്കുറവ് തന്നെയാണ് ആഭ്യന്തര വിപണിയിലും പ്രതിഫലിയ്ക്കുന്നത്.

Also Read: അടച്ചു തീർത്തത് പത്തു ലക്ഷം രൂപയുടെ ലോൺ; ഏതോ മാലാഖയെന്ന് പാവങ്ങൾ




ഇന്ന് രാജ്യാന്തര വിപണിയില്‍ സ്വര്‍ണ വില നേരിയ തോതിൽ ഉയർന്നിട്ടുണ്ട്. ഔണ്‍സിന്1,746.45 ഡോളര്‍ എന്ന നിലവാരത്തില്‍ ആണ് വ്യാപാരം. ഒരുഗ്രാമിന് 56. 15 ഡോളറും കിലോഗ്രാമിന് 56,149.67 ഡോളറുമാണ് വില. സംസ്ഥാനത്ത് വെള്ളി വില കുറഞ്ഞു. ഗ്രാമിന് 48.21രൂപയും എട്ടു ഗ്രാമിന് 385.68 രൂപയുമാണ് വില. ഒരു കിലോഗ്രാമിന് 48,210 രൂപയാണ് വില.