സ്വർണ വിലയിൽ വർധന

കൊച്ചി: സംസ്ഥാനത്ത് സ്വര്‍ണ വിലയിൽ വർധന. പവന് 200 രൂപയാണ് ഉയർന്ന് ഒരു പവൻ സ്വര്‍ണത്തിന് ഇന്ന് 36,800 രൂപയാണ് വില. ഒരു ഗ്രാമിന് 4,600 രൂപയും. ഇന്നലെ ഒരു പവൻ സ്വര്‍ണത്തിന് 36,600 രൂപയായിരുന്നു വില. രാജ്യാന്തര വിപണിയിലും സ്വര്‍ണ വില ഉയർന്നു. 1,856.60 ഡോളറിലാണ് ഇന്ന് വ്യാപാരം.

ജനുവരി ഒന്നിന് 37,440 രൂപയായിരുന്നു ഒരു പവൻ സ്വര്‍ണത്തിന് വില. ജനുവരി 5,6 തിയതികളിൽ ഈ മാസത്തെ ഏറ്റവും ഉയര്‍ന്ന നിരക്കിലായിരുന്നു സ്വര്‍ണ വില. ഒരു പവൻ സ്വര്‍ണത്തിന് 38,400 രൂപയായിരുന്നു വില.ഡിസംബറിൽ സ്വര്‍ണ വില പവന് 1,440 രൂപയാണ് വര്‍ധിച്ചത്. ഡിസംബര്‍ 21,28 ദിവസങ്ങളിൽ സ്വര്‍ണ വില ഡിസംബറിലെ ഏറ്റവും ഉയര്‍ന്ന നിരക്കിൽ എത്തിയിരുന്നു. പവന് 37,680 രൂപയായിരുന്നു വില.ഡിസംബര്‍ ഒന്നിന് 35,920 രൂപയായിരുന്നു ഒരു പവന് വില. ഇതായിരുന്നു ഡിസംബറിലെ ഏറ്റവും കുറഞ്ഞ നിരക്ക്.

Also Read: ഡിജിറ്റൽ പ്ലാറ്റ്ഫോമിലൂടെ 20 ലക്ഷം പേർക്ക് തൊഴിൽ; രജിസ്ട്രേഷൻ അടുത്ത മാസം മുതൽ

നവംബറിൽ ഒരു മാസം കൊണ്ട് സ്വര്‍ണ വില പവന് 1,920 രൂപ കുറഞ്ഞിരുന്നു. നവംബര്‍ 9-ന് സ്വര്‍ണ വില പവന് 38,880 രൂപയിൽ എത്തിയിരുന്നു. ഇതായിരുന്നു നവംബറിലെ ഏറ്റവും ഉയര്‍ന്ന നിരക്ക്. ഒക്ടോബര്‍ 1 മുതൽ 31 വരെ സ്വര്‍ണ വിലയിൽ 400 രൂപയുടെ വര്‍ധനയാണ് ഉണ്ടായത്. കൊറോണ വ്യാപനത്തിൻെറ തുടക്കത്തിൽ സ്വര്‍ണ വില കുതിച്ചുയര്‍ന്നിരുന്നെങ്കിലും പിന്നീട് കുറയുകയായിരുന്നു.



വെള്ളി വില
ഒരു ഗ്രാം വെള്ളിയ്ക്ക് 66.60 രൂപയാണ് വില. 8 ഗ്രാമിന് 532.80 രൂപയും. ഒരു കിലോഗ്രാമിന് 66,600 രൂപയാണ് വില.