ഇന്നത്തെ സ്വർണം, വെള്ളി നിരക്ക് അറിയാം

കൊച്ചി: സംസ്ഥാനത്ത് കഴിഞ്ഞ നാല് ദിവസമായി സ്വര്‍ണ വില മാറ്റമില്ലാതെ തുടരുന്നു. ഒരു പവൻ സ്വര്‍ണത്തിന് 37,360 രൂപയാണ് ഇന്നത്തെ വില. ഒരു ഗ്രാമിന് 4,670 രൂപയും. രാജ്യാന്തര വിപണിയിലും സ്വര്‍ണ വിലയിൽ നേരിയ കുറവ്. ഔൺസിന് 1,886.10 ഡോളര്‍ ആണ് വില.

നവംബറിൽ റെക്കോര്‍ഡ് നിലവാരത്തിൽ വില ഇടിഞ്ഞിരുന്നു. ഒരു മാസം കൊണ്ട് സ്വര്‍ണ വില പവന് 1,920 രൂപ കുറഞ്ഞിരുന്നു. നവംബര്‍ 9-ന് സ്വര്‍ണ വില പവന് 38,880 രൂപയിൽ എത്തിയിരുന്നു. ഇതായിരുന്നു നവംബറിലെ ഏറ്റവും ഉയര്‍ന്ന നിരക്ക്. ഒക്ടോബര്‍ 1 മുതൽ 31 വരെ സ്വര്‍ണ വിലയിൽ 400 രൂപയുടെ വര്‍ധനയാണ് ഉണ്ടായത്.

Also Read: മൈക്കൾ ജാക്സൻെറ 'പ്രേത്ര' ബംഗ്ലാവ് വിറ്റു;ലേലത്തുക 161 കോടി രൂപ

ഒക്ടോബർ 27ന് ആണ് സ്വര്‍ണ വില ഒക്ടോബറിലെ ഏറ്റവും ഉയര്‍ന്ന നിരക്കിൽ എത്തിയത്. ഒരു പവന് 37,880 രൂപയായിരുന്നു വില. അതേസമയം സെപ്റ്റംബറിൽ സ്വര്‍ണ വില പവന് 440 രൂപ കുറഞ്ഞിരുന്നു. സെപ്തംബർ 15,16,21 ദിവസങ്ങളിലാണ് സ്വർണ വില സെപ്റ്റംബറിലെ ഏറ്റവും ഉയർന്ന നിരക്കിലെത്തിയത്. പവന് 38,160 രൂപയായിരുന്നു വില.



വെള്ളി വില

ഒരു ഗ്രാം വെള്ളിയ്ക്ക് 67.60 രൂപയാണ് വില. 8 ഗ്രാമിന് 540.80 രൂപയും. ഒരു കിലോഗ്രാമിന് 67,600 രൂപയാണ് വില.