സ്വര്‍ണ വില ഈ ആഴ്ചത്തെ കുറഞ്ഞ നിരക്കിൽ

കൊച്ചി: സംസ്ഥാനത്ത് സ്വര്‍ണ വില മാറ്റമില്ലാതെ തുടരുന്നു. കഴിഞ്ഞദിവസത്തെ റെക്കോര്‍ഡ് തകര്‍ച്ചയിൽ സ്വർണം പവന് 960 രൂപയാണ് ഒറ്റയടിയ്ക്ക് കുറഞ്ഞത്. ഒരു പവൻ സ്വര്‍ണത്തിന് ഇന്ന് 37,040 രൂപയാണ് വില. ഒരു ഗ്രാമിന് 4,630 രൂപയും. രാജ്യാന്തര വിപണിയിൽ സ്വര്‍ണ വിലയിൽ നേരിയ വർധന. ഔൺസിന് 1,856.50 ഡോളറിൽ ആണ് വ്യാപാരം.

വെള്ളിയാഴ്ച സംസ്ഥാനത്ത് ഒരു പവൻ സ്വര്‍ണത്തിന് 38,000 രൂപയായിരുന്നു വില .ഒരു ഗ്രാമിന് 4,750 രൂപയും. ജനുവരി 5,6 തിയതികളിൽ പവന് 38,400 രൂപയായി വില ഉയര്‍ന്നതിന് ശേഷമാണ് വില ഇടിഞ്ഞത്. ഡിസംബറിൽ സ്വര്‍ണ വില പവന് 1,440 രൂപയാണ് വര്‍ധിച്ചത്. ഡിസംബര്‍ 21,28 ദിവസങ്ങളിൽ സ്വര്‍ണ വില ഡിസംബറിലെ ഏറ്റവും ഉയര്‍ന്ന നിരക്കിൽ എത്തിയിരുന്നു. പവന് 37,680 രൂപയായിരുന്നു വില.ഡിസംബര്‍ ഒന്നിന് 35,920 രൂപയായിരുന്നു ഒരു പവന് വില. ഇതായിരുന്നു ഡിസംബറിലെ ഏറ്റവും കുറഞ്ഞ നിരക്ക്.

Also Read: ദിവസം മുഴുവൻ സൗജന്യമായി കോൾ ചെയ്യാം; അൺലിമിറ്റഡ് കോൾ ഓഫർ ‘അൺലിമിറ്റഡ്’ ആക്കി ബിഎസ്എൻഎൽ

നവംബറിൽ ഒരു മാസം കൊണ്ട് സ്വര്‍ണ വില പവന് 1,920 രൂപ കുറഞ്ഞിരുന്നു. നവംബര്‍ 9-ന് സ്വര്‍ണ വില പവന് 38,880 രൂപയിൽ എത്തിയിരുന്നു. ഇതായിരുന്നു നവംബറിലെ ഏറ്റവും ഉയര്‍ന്ന നിരക്ക്. ഒക്ടോബര്‍ 1 മുതൽ 31 വരെ സ്വര്‍ണ വിലയിൽ 400 രൂപയുടെ വര്‍ധനയാണ് ഉണ്ടായത്. കൊറോണ വ്യാപനത്തിൻെറ തുടക്കത്തിൽ സ്വര്‍ണ വില കുതിച്ചുയര്‍ന്നിരുന്നെങ്കിലും പിന്നീട് കുറയുകയായിരുന്നു.



വെള്ളി വില

സംസ്ഥാനത്ത് വെള്ളി വില കുറഞ്ഞു. ഇന്ന് ഒരു ഗ്രാം വെള്ളിയ്ക്ക് 63.90 രൂപയാണ് വില. 8 ഗ്രാമിന് 511.20 രൂപയും. ഒരു കിലോഗ്രാമിന് 63,900 രൂപയാണ് വില.