ഇന്നത്തെ സ്വർണം, വെള്ളി നിരക്കുകൾ അറിയാം

കൊച്ചി: സംസ്ഥാനത്ത് സ്വർണ വില മാറ്റമില്ലാതെ തുടരുന്നു. ഒരു പവൻ സ്വർണത്തിന് ഇന്ന് 37,440 രൂപയാണ് വില. ഗ്രാമിന് 4,680 രൂപയും. ഇന്നലെ സ്വർണത്തിന് 80 രൂപ ഉയർന്നിരുന്നു. അതേസമയം രാജ്യാന്തര വിപണിയിൽ സ്വര്‍ണ വില ഉയർന്നു. ഔൺസിന് 1,906.75 ഡോളറിലാണ് ഇന്ന് വ്യാപാരം.

ഒക്ടോബർ 10 മുതൽ 13 വരെ ഈ മാസത്തെ ഏറ്റവും ഉയര്‍ന്ന നിരക്കിലായിരുന്നു സ്വര്‍ണ വില. ഒരു പവൻ സ്വര്‍ണത്തിന് 37,800 രൂപയായിരുന്നു വില. ഗ്രാമിന് 4,725 രൂപയും. ഒക്ടോബര്‍ ഒന്നിന് പവന് 37,280 രൂപയായിരുന്നു വില. വിലയിൽ കാര്യമായ മാറ്റങ്ങൾ ഇല്ലാതെയാണ് ഈ മാസം സ്വര്‍ണ വ്യാപാരം. വിലയിൽ ഇതുവരെ 160 രൂപയുടെ വ്യത്യാസം മാത്രമാണുണ്ടായത്.

സെപ്തംബർ 15,16,21 ദിവസങ്ങളിലാണ് സ്വർണ വില സെപ്റ്റംബറിലെ ഏറ്റവും ഉയർന്ന നിരക്കിലെത്തിയത്. പവന് 38,160 രൂപയായിരുന്നു വില. ഗ്രാമിന് 4,770 രൂപയും. പ്രതിസന്ധിഘട്ടത്തിൽ സ്വര്‍ണത്തെ ആശ്രയിച്ച നിക്ഷേപകര്‍ സ്വര്‍ണം വിറ്റ് ലാഭം എടുക്കുന്നതാണ് ഇടയ്ക്ക് വില ഇടിവിലേയ്ക്ക് നയിച്ചത്. അതേസമയം അടുത്ത 12 മാസത്തിനുള്ളിൽ സ്വര്‍ണ വിലയിൽ 10-15 ശതമാനം വരെ വര്‍ധിന ഉണ്ടായേക്കാം എന്ന് വിദഗ്ധര്‍ ചൂണ്ടിക്കാട്ടുന്നു.

Also Read: ചട്ടലംഘനം; ഉത്സവ സീസണിൽ ഇ-കൊമേഴ്‌സ് സ്ഥാപനങ്ങള്‍ക്ക് കേന്ദ്ര സര്‍ക്കാരിന്റെ നോട്ടീസ്




വെള്ളി വില

കേരളത്തിൽ വെള്ളി വില മാറ്റമില്ലാതെ തുടരുന്നു. ഇന്ന് ഒരു ഗ്രാം വെള്ളിയ്ക്ക് 61.70 രൂപയാണ് വില. എട്ടുഗ്രാമിന് 493.60 രൂപയും കിലോഗ്രാമിന് 61,700 രൂപയുമാണ് ഇന്നത്തെ വില.