സ്വര്‍ണ വിലയിൽ നേരിയ കുറവ്

കൊച്ചി: സ്വര്‍ണ വില പവന് 80 രൂപ കുറഞ്ഞ് ഒരു പവൻ സ്വര്‍ണത്തിന് 37,600 രൂപയായി മാറി. ഒരു ഗ്രാമിന് 4700 രൂപയും. രാജ്യാന്തര വിപണയിൽ സ്വര്‍ണ വിലയിൽ വീണ്ടും ഇടിവ്. ഔൺസിന് 1901.73 ഡോളറിലാണ് വ്യാപാരം നടക്കുന്നത്. സംസ്ഥാനത്ത് ഇന്നലെ സ്വര്‍ണവില പവന് 120 രൂപ കുറഞ്ഞ് ഒരു പവൻ സ്വര്‍ണത്തിന് 37,680 രൂപയായി മാറിയിരുന്നു. ഗ്രാമിന് 4,710 രൂപയായിരുന്നു വില.

ഒക്ടോബർ 10 മുതൽ 13 വരെ ഈ മാസത്തെ ഏറ്റവും ഉയര്‍ന്ന നിരക്കിലായിരുന്നു സ്വര്‍ണ വില. ഒരു പവൻ സ്വര്‍ണത്തിന് 37,800 രൂപയായിരുന്നു വില. ഗ്രാമിന് 4,725 രൂപയും. ഒക്ടോബര്‍ ഒന്നിന് പവന് 37,280 രൂപയായിരുന്നു വില. വിലയിൽ കാര്യമായ മാറ്റങ്ങൾ ഇല്ലാതെയാണ് ഈ മാസം സ്വര്‍ണ വ്യാപാരം. വിലയിൽ ഇതുവരെ 480 രൂപയുടെ വര്‍ധനയാണുണ്ടായത്.

Also Read: പ്രതിമാസ തിരിച്ചടവ് വേണ്ട; മൂന്ന് ലക്ഷം രൂപ വരെ ഗോൾഡ് ലോൺ

സെപ്തംബർ 15,16,21 ദിവസങ്ങളിലാണ് സ്വർണ വില സെപ്റ്റംബറിലെ ഏറ്റവും ഉയർന്ന നിരക്കിലെത്തിയത്. പവന് 38,160 രൂപയായിരുന്നു വില. ഗ്രാമിന് 4,770 രൂപയും. പ്രതിസന്ധിഘട്ടത്തിൽ സ്വര്‍ണത്തെ ആശ്രയിച്ച നിക്ഷേപകര്‍ സ്വര്‍ണം വിറ്റ് ലാഭം എടുക്കുന്നതാണ് ഇടയ്ക്ക് വില ഇടിവിലേയ്ക്ക് നയിച്ചത്. അതേസമയം അടുത്ത 12 മാസത്തിനുള്ളിൽ സ്വര്‍ണ വിലയിൽ 10-15 ശതമാനം വരെ വര്‍ധിന ഉണ്ടായേക്കാം എന്ന് വിദഗ്ധര്‍ ചൂണ്ടിക്കാട്ടുന്നു.