ഇന്നത്തെ സ്വര്‍ണ വില അറിയാം

കൊച്ചി: സ്വര്‍ണ വില കുറഞ്ഞു. പവന് 160 രൂപയാണ് കുറഞ്ഞത്. ഒരു പവൻ സ്വര്‍ണത്തിന് 37,720 രൂപയാണ് വില. ഒരു ഗ്രാമിന് 4,715 രൂപയും. രാജ്യാന്തര വിപണിയിൽ സ്വര്‍ണ വിലയിൽ കാര്യമായ മാറ്റമില്ല . ഔൺസിന് 1,908.68 ഡോളറിൽ ആണ് വ്യാപാരം. ഇന്നലെ സ്വര്‍ണ വില പവന് 280 രൂപ വര്‍ധിച്ച് 37,880 രൂപയായി മാറിയിരുന്നു. ഗ്രാമിന് 4,735 രൂപയായിരുന്നു വില. ഇതായിരുന്നു ഈ മാസത്തെ ഏറ്റവും ഉയര്‍ന്ന നിരക്ക്.

വിലയിൽ കാര്യമായ മാറ്റങ്ങൾ ഇല്ലാതെയാണ് ഈ മാസം സ്വര്‍ണ വ്യാപാരം. ഇതുവരെ പവന് 440 രൂപയുടെ വര്‍ധനയാണുള്ളത്. സെപ്തംബർ 15,16,21 ദിവസങ്ങളിലാണ് സ്വർണ വില സെപ്റ്റംബറിലെ ഏറ്റവും ഉയർന്ന നിരക്കിലെത്തിയത്. പവന് 38,160 രൂപയായിരുന്നു വില. ഗ്രാമിന് 4,770 രൂപയും. പ്രതിസന്ധിഘട്ടത്തിൽ സ്വര്‍ണത്തെ ആശ്രയിച്ച നിക്ഷേപകര്‍ സ്വര്‍ണം വിറ്റ് ലാഭം എടുക്കുന്നതാണ് ഇടയ്ക്ക് വില ഇടിവിലേയ്ക്ക് നയിച്ചത്. അതേസമയം അടുത്ത 12 മാസത്തിനുള്ളിൽ സ്വര്‍ണ വിലയിൽ 10-15 ശതമാനം വരെ വര്‍ധന ഉണ്ടായേക്കാം എന്ന് വിദഗ്ധര്‍ ചൂണ്ടിക്കാട്ടുന്നു.

Also Read: പ്രതിമാസ തവണകളായി മാത്രമല്ല ഈ സൗകര്യങ്ങൾ വഴിയും സ്വർണ വായ്പ തിരിച്ചടയ്ക്കാം



ഇന്ന് ഒരു ഗ്രാം വെള്ളിയ്ക്ക് 62 രൂപയാണ് വില. എട്ടുഗ്രാമിന് 496 രൂപയും കിലോഗ്രാമിന് 62,000 രൂപയുമാണ് വില. ഇന്നലെ ഒരു കിലോഗ്രാം വെള്ളിയ്ക്ക് 62100 രൂപയായിരുന്നു വില.