സ്വര്‍ണ വിലയിൽ മാറ്റമില്ല

കൊച്ചി: സംസ്ഥാനത്ത് സ്വര്‍ണ വിലയിൽ മാറ്റമില്ല.. ഒരു പവൻ സ്വര്‍ണത്തിന് 37,480 രൂപയും ഗ്രാമിന് 4,685 രൂപയുമാണ് വില. രാജ്യാന്തര വിപണിയിൽ സ്വര്‍ണ വിലയിൽ ഇടിവ്. ഔൺസിന് 1,876.29 ഡോളറിലാണ് വ്യാപാരം. സംസ്ഥാനത്ത് ഇന്നലെ പവന് 240 രൂപ കുറഞ്ഞ് ഒരു പവന് വില 37,480 രൂപയായി മാറിയിരുന്നു. ഗ്രാമിന് 4,685 രൂപയായിരുന്നു വില.

ഒക്ടോബര്‍ 27ന് ആണ് സ്വര്‍ണ വില ഈ മാസത്തെ ഏറ്റവും ഉയര്‍ന്ന നിരക്കിൽ എത്തിയത്. ഒരു പവന് 37,880 രൂപയായിരുന്നു വില. സെപ്തംബർ 15,16,21 ദിവസങ്ങളിലാണ് സ്വർണ വില സെപ്റ്റംബറിലെ ഏറ്റവും ഉയർന്ന നിരക്കിലെത്തിയത്. പവന് 38,160 രൂപയായിരുന്നു വില. ഗ്രാമിന് 4,770 രൂപയും. പ്രതിസന്ധിഘട്ടത്തിൽ സ്വര്‍ണത്തെ ആശ്രയിച്ച നിക്ഷേപകര്‍ സ്വര്‍ണം വിറ്റ് ലാഭം എടുക്കുന്നതാണ് ഇടയ്ക്ക് വില ഇടിവിലേയ്ക്ക് നയിച്ചത്. അതേസമയം അടുത്ത 12 മാസത്തിനുള്ളിൽ സ്വര്‍ണ വിലയിൽ 10-15 ശതമാനം വരെ വര്‍ധന ഉണ്ടായേക്കാം എന്ന് വിദഗ്ധര്‍ ചൂണ്ടിക്കാട്ടുന്നു.

Also Read: പ്രതിമാസ തവണകളായി മാത്രമല്ല ഈ സൗകര്യങ്ങൾ വഴിയും സ്വർണ വായ്പ തിരിച്ചടയ്ക്കാം




ഇന്ന് ഒരു ഗ്രാം വെള്ളിയ്ക്ക് 62.41 രൂപയാണ് വില. എട്ടുഗ്രാമിന് 499.29 രൂപയും കിലോഗ്രാമിന് 62,410 രൂപയുമാണ് വില. ഇന്നലെ ഒരു കിലോഗ്രാം വെള്ളിയ്ക്ക് 62,400 രൂപയായിരുന്നു വില.