സ്വർണ വിലയിൽ മാറ്റമില്ല

കൊച്ചി: സംസ്ഥാനത്ത് സ്വർണ വില മാറ്റമില്ലാതെ തുടരുന്നു. ഒരു പവൻ സ്വര്‍ണത്തിന് 34,600 രൂപയാണ് വില. ഒരു ഗ്രാമിന് 4,325 രൂപയും. ഇന്നലെ പവന് 200 രൂപ കൂടിയാണ് സ്വർണ വില ഈ നിരക്കിലെത്തിയത്. വെള്ളിയാഴ്ച ഈ മാസത്തെ ഏറ്റവും താഴ്ന്ന നിരക്കിലായിരുന്നു സ്വര്‍ണ വില. ഒരു പവന് 34,400 രൂപയായിരുന്നു വില. രാജ്യാന്തര വിപണിയിൽ വില ഇടിഞ്ഞതാണ് ഇതിന് കാരണം.

ഒരാഴ്ചയ്ക്ക് ശേഷമാണ് ഇന്നലെ സ്വര്‍ണ വില വര്‍ധിച്ചത്. മൂന്ന് ദിവസം കൊണ്ട് സ്വര്‍ണ വില പവന് 1,000 രൂപ കുറഞ്ഞിരുന്നു. ഈ മാസം ഇതുവരെ പവന് 2, 200 രൂപ കുറഞ്ഞു. ഡോളര്‍ കരുത്താര്‍ജിയ്ക്കുന്നതും നിക്ഷേപകര്‍ സ്വര്‍ണം വിറ്റു ലാഭം എടുക്കുന്നതും വില ഇടിവിലേക്ക് നയിച്ചിരുന്നു. കേന്ദ്ര ബജറ്റിൽ സ്വര്‍ണത്തിൻെറ ഇറക്കുമതി തീരുവ കുറച്ച നടപടി ആഭ്യന്തര വിപണിയിൽ പെട്ടെന്ന് വില കുറയാൻ കാരണമായിരുന്നു. ഫെബ്രുവരി ഒന്നിന് ഒരു പവൻ സ്വര്‍ണത്തിന് 36,800 രൂപയായിരുന്നു വില. പിന്നീട് വില കുറയുകയായിരുന്നു.

Also Read: 80 വയസ് കഴിഞ്ഞവർക്ക് 1,000 രൂപ അധിക പെൻഷൻ; ഏപ്രിൽ മുതൽ ലഭിച്ച് തുടങ്ങിയേക്കും



ജനുവരി 16 മുതൽ 18 വരെയുള്ള തിയതികളിൽ ഏറ്റവും കുറഞ്ഞ നിരക്കിലായിരുന്നു വില. പവന് 36,400 രൂപയായി ആണ് വില കുറഞ്ഞത്. ഇതാണ് ജനുവരിയിലെ ഏറ്റവും കുറഞ്ഞ നിരക്ക്. ജനുവരി 5,6 തിയതികളിലാണ് സ്വര്‍ണ വില ജനുവരിയിലെ ഏറ്റവും ഉയര്‍ന്ന നിരക്കിൽ എത്തിയത്. ഒരു പവൻ സ്വര്‍ണത്തിന് 38,400 രൂപയായിരുന്നു വില.

വെള്ളി വില

വെള്ളി വിലയും മാറ്റമില്ലാതെ തുടരുകയാണ്. ഒരു ഗ്രാം വെള്ളിയ്ക്ക് 69 രൂപയാണ് വില. 8 ഗ്രാമിന് 552 രൂപയും. ഒരു കിലോഗ്രാമിന് 69,000 രൂപയാണ് വില.