സർക്കാരിന് കാര്യമായ ചെലവില്ലാതെ പ്രത്യേക സാമ്പത്തിക പാക്കേജ്

കൊച്ചി: കൊറോണ പ്രതിസന്ധി മൂലം സർക്കാർ പ്രഖ്യാപിച്ച സാമ്പത്തിക പാക്കേജ് 20 ലക്ഷം കോടി രൂപയിൽ അധികമാണ്. ഇന്ത്യയുടെ റെവന്യൂ വരുമാനത്തിന് ഏകദേശം തുല്യമായ തുകയാണത്രേ ഇത്. എന്നാൽ സർക്കാരിന് ഇത്രയും തുക ചെലവാകുന്നുണ്ടോ?

ജിഡിപിയുടെ 10 ശതമാനം വരുന്ന തുകയാണ് സാമ്പത്തിക പാക്കേജ് എങ്കിലും ഒരു ശതമാനം പോലും സ‍ര്‍ക്കാരിന് ചെലവഴിയ്‍ക്കേണ്ടി വരുന്നില്ല എന്നതാണ് യാഥാ‍ര്‍ത്ഥ്യം. മിക്ക പദ്ധതികളും ബജറ്റിൽ പ്രഖ്യാപിച്ചിരുന്നതാണ്. വൻ കാ‍ര്‍ഡ്, വൺ നേഷൻ പോലെയുള്ള പദ്ധതികൾ ഉദാഹരണം.

Also Read: Gold Rate Today; സംസ്ഥാനത്ത് സ്വർണ വില പവന് 520 രൂപ കുറഞ്ഞു

ഇതിനെതിരെ വിമർശനവുമായി പ്രതിപക്ഷം എത്തിയിരുന്നെങ്കിലും മറുപടി പറയാൻ സർക്കാർ തയ്യാറായിരുന്നില്ല. 3.22 ലക്ഷം കോടി രൂപ മാത്രമാണ് പാക്കേജിനായി കേന്ദ്രം ചെലവഴിയ്ക്കുന്നത് എന്നാണ് ആരോപണം. ഈ പാക്കേജിൽ തന്നെ എട്ടു ലക്ഷം കോടി രൂപയിൽ അധികം ആർബിഐ പ്രഖ്യാപിച്ചിരിയ്ക്കുന്ന നടപടികളാണ്.

സർക്കാർ പ്രഖ്യാപിച്ചിരിയ്ക്കുന്ന 11.2 കോടി ലക്ഷം രൂപയുടെ പാക്കേജിൽ ഗരിബ് കല്യാൺ യോജനയ്ക്കായി മാറ്റി വെച്ചിരിയ്ക്കുന്നത് 1.92 ലക്ഷം കോടി രൂപയാണ്. സർക്കാരിൻെറ ധനകമ്മി കുറയാൻ പാക്കേജ് സഹായകരമാകുമെങ്കിലും കൊറോണ സാമ്പത്തിക പ്രതിസന്ധി മറികടക്കാൻ ഈ പ്രഖ്യാപനങ്ങൾ പര്യാപ്തമാണോ എന്ന ചോദ്യവുമുണ്ട്.